Axar.az
یوخاری
27 اییون 2019


ائله اینسانلار تانیدیم کی، تبریز دئینده گؤزلری دولوردو...-حکایه‌

آنا صحیفه ادبیات
12 Punto 14 Punto 16 Punto 18 Punto

Kult.az شاهناز کمالین گونئی آذربایجانا حصر اولونان "ساوالان" آدلی حکایه‌سینین داوامینی تقدیم ائدیر:

۲۰۰۳-جو ایلده تبریزده حبس اولوندوم. بیر هفته ساخلانیلدیق‌دان سونرا منی تهرانا – دوستاقخانایا گؤندردیلر. او گونلری خاطیرلایان‌دا جانیما اوشوتمه دوشور. بوتون بدنیمه آغری دولور. سویوق هوجره، گور ایشیق سالان لامپا، هر گون کئچیریله‌ن، هر دفعه ده دؤیولمکله سونوج‌لانان سورغولار…

۴۰ گون هوجره‌ده ساخلانیلدیق‌دان سونرا یئنه تبریز حبسخاناسینا گؤندریلدیم. منیم حبس اولونما خبریمی قارداشلاریم قزئت‌دن اوخوموشدولار: – سنتیابرین ۳۰-دا کلئیبر محکمه‌سینین چیخاردیغی قرارلا کیشاورزی مهندسی د.ه. حبس اولونوب، ۳۸ گون تکاداملیق کامرادا ساخلانیلیب و داها ۲۷ گون ده تبریز حبسخاناسین‌دا دوستاق اولوب. بونا گؤره ده محکمه اونون جزا مدتی ایله باغلی ۶۵ گون قرار چیخاریب.

محکمه د.ه.-نی ۱ ایل حبس و ۵ ایل کلئیبر محلینا گئتمک‌دن محروم ائتمه جزاسینا محکوم ائدیب.

باخ بئله… بیر ایل حبس‌ده اولدوم. دوستاق یولداشلاریمین آراسین‌دا نه دین‌ده-دون‌دا دئسن آدام وار ایدی. آت اوغروسو، آدام اؤلدوره‌ن، ائو یاندیران… منیم اونلارین سیراسینا دوشمه سببی‌می هامی بیلیردی، موناسیبتلر ده موختلیف ایدی. اورادا آذربایجان تورکو اولان دوستاق «نیه آخماق‌لیق ائدیب اؤز علینله تالعینی کور قویورسان؟ جاوان‌لیغینا حیفین گل‌سین» – دئییردی. ائله فارس دا وار ایدی کی، «سیزده‌کی ازمه حیرانام» – دئییردی.

حبسخانادان چیخان کیمی قارداشیمین کؤمک‌لیگی ایله تورکییه‌یه گئتدیم. دؤیولمک‌دن، ایشگه‌نجه وئریلمک‌دن بدنیم‌ده ساغ یئر یوخ ایدی. هر دفعه سورغویا چاغیریر، نینکی ائتدییم، حتی ائتمدییم عمللری ده بوینوما قویماغا چالیشیردیلار. سورغودان سونرا ایسه ایکی ژاندارم نؤوبه ایله منی دؤیردی. او قدر دؤیولمیین قاباغین‌دا اؤلممییمه هله ده تعجب ائدیره‌م. سونرا دا حال‌سیز بده‌نی‌می سورویوب کامرایا آتاردیلار. بو جمله‌لری یازارکن جانیم‌دا او تپیکلرین آغریسینی، آغزیم‌دا قان تامینی حس ائدیره‌م.

باکییا گلن‌ده او قدر ضعیف، حال‌سیز ایدیم کی، دوزگون یئرییه ده بیلمیردیم. دفعه‌لرله کوچه‌ده پلیس یاخینلاشمیش، سندلری‌می تقدیم ائتمیی‌می ایستمیشدی. ایران وطنداشی اولدوغومو گؤره‌ن‌ده، «تیریکین بول یئرین‌دن گلیبسه‌ن» – دئییب بؤلمه‌یه آپارمیشدیلار. هر دفعه دوستلار گلیب بؤلمه‌ده وضعیتی اونلارا آنلاتمیش و منی آزاد ائتمیشدیلر.

باکی‌دا کوچه‌ده، تزه تانیشلار آراسین‌دا، لاپ ائله پلیس بؤلمه‌سین‌ده ده غریبه موناسیبتله اوزلشیردیم. سانکی اینسانلار آذربایجانین ایکییه بؤلوندویونو، ایران‌دا یاشایان آذربایجان تورکلرینین سویداشلاری اولدوغونو اونوتموش‌دولار. چوخون‌دا بیر اؤگیلیک، بیگانه‌لیک حس ائتدیم. بوتؤو آذربایجان ایدئیاسینین بورالاردا گولوش کونوسو اولدوغونو گؤرن‌ده ایسه سارسیلمیشدیم.

آنجاق اونو دا دئییم: باکی‌دا ائله اینسانلار تانیدیم کی، تبریز دئیه‌ن‌ده گؤزلری دولوردو. اونلار گونئی آذربایجانین اسارتدن چیخماسینی من‌دن آز ایسته‌میردیلر. اما اللرین‌ده صلاحیتلری یوخ ایدی. باجاردیقلاری – منیم کیمی قاچقینلارا یاردیم ائتمک ایدی.

باکی‌دا اوچ آی قالدیم. آغری-آجی، آجلیق، تأسف دولو اوچ آی. یئنی‌دن تورکییه‌یه قاییتماغا مجبور اولدوم. ب ام ت-نین قاچقینلار اوزره کمیته‌سی ده منه یاردیم ائدجیینه سؤز وئرمیشدی. وئریله‌ن بو سؤزون، کؤزره‌ن اومیدین اوجون‌دان توتوب اسکیشهره گلدیم. ایندی اسکیشهرده یاشاییرام. کیرایه توتدوغوم بالاجا بیر اوتاق‌دا فهله‌لیکدن قازاندیغیم پولون حسابینا یاشاییرام. ایرانا قایی‌دا بیلمره‌م. دؤنسم، توتوب سورغو-سوال‌سیز آساجاقلار. اما من یاشاماق ایستییرم.

تاریخ
2019.05.20 / 14:05
مولف
آینوره مممدووا
شرح لر
دیگر خبرلر

سینیرلاراوزه رینه چکیلمیش تیکانلی مفتیل - شعیر

بیزی اوراقلاییب ایکی بؤلدولر آرادا گوناهی آراز آپاردی - شعیر

یا گره‌ک بیز جوانلاشاق، یاداکی...-حکایه‌

بو دولانباج کوچه‌لردن باخاسان، بايدا جوجرمير نييه بس؟ - شعر

مین سطیر باخیش یازیلیر گؤزلریمه - شعیر

سیخیلما، قونماغینا بیر اوره‌ک وطن گؤرونور- شعیر

من سنه نه یازیم ،صمد؟ - سهند

هر هارا باخیرام سنی گؤرورم - شعیر

من یاتاغین ایکینجی مرتبه‌سینده یاتانمارام. یئریمی ده‌ییشین

سؤندورولموش اوجاغین دا یادداشی وار- شئیر

خبر خطّی
 
Axar.az'da reklam Bağla
Reklam
Bize yazin Bağla