Axar.az
یوخاری
26 اییون 2019


اینانېرام یاشاماغا یئنی‌دن باشلامایې - شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ فروغ فرخ‌زادین "دوستاغ" آدلی شعیرینی تقدیم ائدیر:

کؤچۆرۆب اویقونلاشدیران: آیهان میانالی

سنی ایسته‌ییرم و بیلیرم
أصلن قۏینوما آلمایاجاغام.
سن اۏ آیدېن و ایشېلدایان گؤگ اۆزۆسن،
من بو قفس‌ده بیر دوستاغام.

قارا و سۏیوق بارماق‌لېق‌لار آرخاسېن‌دان،
گؤزلریم حسرت’له باخېر اۆزۆنه،
بیر أل اوزانایدې منه،
قفیل‌دن من اوچام سنه.

بۏش بیر آن‌دا آرزې إدیرم
بو سَس‌سیز زیندان‌دا اوچمایې،
گۆلن‌ده گؤزت‌چی آدامېن گؤزۆنه،
اینانېرام یاشاماغا یئنی‌دن باشلامایې.

آرزې إدیرم، آنجاق بیلیرم أصلن
بو قفس‌دن قورتارماغا گۆجۆم قالمامېش،
گؤزت‌چی آدام ایسته’سه بئله،
قانادلانېب اوچماغا نفَسیم قالمامېش.

بارماق‌لېق‌لار آردېن‌دا هر صاباح،
بیر اوشاغېن باخېشې گۆلر منه،
سئوینج ماهنې‌لارې‌نې باشلادېغېم‌دا،
دۏداغېن‌دا اؤپۆجۆک’له گؤنده‌رر منه.

اۏلابیلر بیر گۆن، إی گؤگ‌اۆزۆ
قانادلانېرسام بو سَس‌سیز إودن،
آغلایان اوشاغا نئجه دئیه‌رم،
دوستاق بیر قوشام، واز کئچ من‌دن؟

بیر شامام، جانېمېن شؤعله‌لری’یله،
خارابالارې ایشېق‌لاندېرارام
قاران‌لېغې سئچرسم،
بیر یووانې یېخېب داغېدارام…

تاریخ
2019.05.26 / 21:07
مولف
آینورا مممدووا
شرح لر
دیگر خبرلر

بیزی اوراقلاییب ایکی بؤلدولر آرادا گوناهی آراز آپاردی - شعیر

یا گره‌ک بیز جوانلاشاق، یاداکی...-حکایه‌

بو دولانباج کوچه‌لردن باخاسان، بايدا جوجرمير نييه بس؟ - شعر

مین سطیر باخیش یازیلیر گؤزلریمه - شعیر

سیخیلما، قونماغینا بیر اوره‌ک وطن گؤرونور- شعیر

من سنه نه یازیم ،صمد؟ - سهند

هر هارا باخیرام سنی گؤرورم - شعیر

من یاتاغین ایکینجی مرتبه‌سینده یاتانمارام. یئریمی ده‌ییشین

سؤندورولموش اوجاغین دا یادداشی وار- شئیر

گاندی هندوستانین اؤزگۆرلۆک باشچیسی نئجه‌ده گؤزل یازمیش حیات یولداشینا

خبر خطّی
 
Axar.az'da reklam Bağla
Reklam
Bize yazin Bağla