Axar.az
یوخاری
18 اییون 2019


باجیم بیر قادین، نازلیجا قیزیم بیر قادین اولاجاق- شعر

آنا صحیفه ادبیات
12 Punto 14 Punto 16 Punto 18 Punto

کولت. آز کیان خیاوینین "آنجاق قادین..." آدلی شعرینی تقدیم ائدیر:

قادین

آدینی مانیفست توخوما بئینیمه
من اورک آدامییام
بیر گؤروشده تانییارام
نئجه کؤکلو -کؤکنلی
نئجه دویغو تانریچاسی اولدوغونو ! ...
بارماقلارینی فئمینیست سوخما گؤزومه
اؤزونو دبوارین ایکینجی جینسینه
منی ده نیچه نین قامچیسینا باغلاما
نه سؤمورمک
نه ده سؤمورولمک
بیر باشا سئومک ، سئویلمک بیزیمکیسی! ...

آغاجسان می ؟
آلما دییل ، اوزوم دییل
اؤزونو اییده آغاجی اوستون توت !
آدامسان می ؟
نه آتئنا ، نه ده بایبئجان قیزی
شیلتاق بیر قیز اوشاغی قولایجاسینا ! ...
باخ من اوشاقسی یازیرام سنی
وسن
اوشاقلیق
الیمه دوشمزسن.
سنین نه چیلغینلیغین بللی
نه ده یوموشاجیقلیغین.
اویسا من سنی ایلک دؤنه گؤرنده
اوشاق اولسایدیم
آنامین الیندن بئله ، بوشلانیب قاچاردیم ! ...

من یاشامین دادینی آلدیرمادان
گوج -بلایلا یاشاییرام سنسیز
اوستونده ایسرافا اوغرامادیغیم
یالنیز سنین آدینا تؤکولموش میصراعلار ...

گؤزل دییل
اؤزگور بیر تانریچا دییل
سنین یالنیز بیر ادین وار :
قادین !
سنین نئجه دیرلی اولدوغونا
منیم اوچون بو یئتر :
آنام بیر قادین ایدی
باجیم بیر قادین
نازلیجا قیزیم بیر قادین اولاجاق
وسن سئوگیلیم قادینسان اینسانلیقدان کؤنول آلما اوستاسی ! ...

کیمسن ، نه سن، کؤپوردن هیپولیته سه
و اللرین آپولینئری دونیایا باغیشلایان آنجئلیکاسا

بویور ، سنی سئویرم!
سنی
گولوشلریندن دویمایان گؤزلریم
اؤپوشلریندن دویمایان دوداغیم
دویمایان اللریمله ، رویالاریملا
و آدینین هارمونیسیندن ریتم آلان
بوتون اورقانلاریملا
بیر اینسان سئویرم دئمک
بیر قادین دییل
بیر اینسان ! ...

تاریخ
2019.05.31 / 15:02
مولف
آیتاج آراز
شرح لر
دیگر خبرلر

ائله جه ائييتيم دوزه نى ايله ياناشى يارديم بيتيك لر قوللانماغينى ياساقلادى

غوربت اوره ک سیخیار جان اوزر اینان - شعیر

چالارلارین دؤیوشون‌دن کوسوب خیال ساراییم-شئیر

سازینین تلینده قیریق- قیریق باغیریرام - شعیر

گنجلیک بولاغی- ژاپون افسانه‌لریندن

بو سئودا یانغیسی قورتارماز حتی.. - شعیر

وصله یاددیر ایلک محبت، سئومه‌ییر قوی سئومه‌سین - شعیر

آیسَل حَیَط لرینده ماوی گوءیه باخیردی - شعر

قوجاغین امنیت گؤزون تروریست/ شعر

شاه عباس دوربونونده بیر چوبانجیق واریمیش - یدا حشمتی

خبر خطّی
 
Axar.az'da reklam Bağla
Reklam
Bize yazin Bağla