Axar.az
یوخاری
25 اییون 2019


بون‌دان سونرا تورکجه یازاجاغام!..- شهریارین خاطره‌لری

آنا صحیفه ادبیات
12 Punto 14 Punto 16 Punto 18 Punto

Kult.az شهریارین خاطره‌لرین‌دن بیرینی تقدیم ائدیر:

گونش باتمیش، آخشامین سس‌سیزلیگی یاواش-یاواش تبریز شهرینین اوستونه چؤکمه‌یه باشلامیشدی. رس‌می ایداره‌لرین باغلانماسییلا کوچه‌لرده ائولرینه گئدن مأمورلارین، هابئله آلیش-وئریش‌دن دؤنه‌نلرین آیاق سسلری ائشیدیلیردی.

شهریار «بانکی-کیشاوارزی»ده (کند تصرواتی بانکین‌دا) یوروجو بیر گون کئچیرمیش، تئزلیکله ائوه چاتیب آناسینین گؤزل یئمکلرله بزدیی سوفره آرخاسین‌دا اوتورماغی دوشونوردو.

ائولرینین یئرلشدیی کوچه‌یه دؤندویو زامان دونه‌ن گئجه یاریمچیق قالان شعری یادینا دوش‌دو… او آندا هم یورغون‌لوغونو اونوت‌دو، هم ده آناسینین هازیرلادیغی لذت‌لی یئمکلری…
دایان‌دی و یاریمچیق قالمیش شعرینی جیبین‌دن چیخارت‌دی. کوریینی دیوارا سؤیکه‌ییب همین شعری تاماملاماغا باشلادی. آخشام دوشوب تبریزی قاران‌لیق بورودویو آنلاردا او دا شعرینین سون میصراعسینی یازدی.

سئوینجله ائوین قاپی‌سین‌دان ایچری گیردی. بو سئوینج هیس‌سی یاش‌لی آناسینین بیشیردیی دادلی یئمکلری دادماق ایستیین‌دن دوغموردو؛ شعرینی بیتیرمیش‌دی، – جوشقوسو بون‌دان ایر‌لی گلیردی. سوفره‌یه اوتورمازدان اول جیبین‌دن چیخارتدیغی سون شعرینی آناسینا اوخوماغا باشلادی. شعرینی اوخویوب قورتاردیق‌دان سونرا آناسینین اوزونه باخ‌دی، اونون سیماسین‌دا هر زامان اولدوغو کیمی، تبسسوم یوخ ایدی.

هالبوکی آناسینا هر شعرینی اوخودوق‌دا اونون سئوینجینی هیسس ائدردی. دایانا بیلمه‌ییب سوروش‌دو: – آنا، یوخ‌سا خسته‌له‌ن‌می‌سه‌ن؟
آناسی فارسجا خسته اولمادیغینی سؤیله‌دی. بو جاوابی ائشی‌دن شهریار تامامیله چاشیب قال‌دی. آناسی ائوده فارس دیلین‌ده دانیشیردی. آغلی کسه‌ن‌دن بری ائوده هر کس تورکجه دانیشیردی. هله رهمت‌لیک آتاسی بونا چوخ دقت ائدردی.

شهریار حیرت دولو باخیشلارلا آناسین‌دان سوروش‌دو: – آنا، نیه فارسجا دانیشدین؟ یاش‌لی قادین اوغلونون اوزونه باخمادان اوریین‌ده‌کی قوس‌سه‌سینی دیله گتیردی: – سن تورکجه شعر یازیرسان کی، من ده سنه تورکجه جاواب وئریم؟ ائویمیزده حبس ائتدین تورکجه‌نی. اوت کؤکو اوسته بیتر. تورکجه ایله بؤیودون، فارسجا یازیرسان. بون‌دان سونرا شعرلرینی دینله‌مه‌یه‌جه‌یه‌م!

شهریارین رنگی قاچ‌دی، علین‌ده‌کی فارسجا یازدیغی سون شعرینین بارماقلاری آراسین‌دان یئره دوشدویونو بئله هیسس ائتمه‌دی. یاواش-یاواش یان طرف‌ده‌کی اوتاغا کئچ‌دی. فیکری قارماقاریشیق اولموش‌دو.

اوزونه بیر آنا سیلله‌سی دیمیش‌دی. یئمیی اونوت‌دو. خیاله‌ن کئچمیش گونلره قاییت‌دی. آتاسینین علین‌دن توتوب حیدر بابا داغی اتکلرین‌ده‌کی کندلری دولاشدیغینی خاتیرلادی.

خوشگینابی، گول‌لوجه‌نی، قاییشقورساغی، وانگؤزللری گزینتیلری یادینا دوش‌دو. دینلدیی تورکجه‌نین شیرین لهجه‌سی ، ماشاللاه، زئهنینین گیزلی قاتلارین‌دان بیر-بیر چیخیب بئینینه حاکم اولوردو…

ایلشدیی دیوانا اوزان‌دی. اؤز-اؤزونه اینلییرجه‌سینه دانیش‌دی: – تورکجه یازاجاغام… بون‌دان سونرا تورکجه یازاجاغام!..
و …«حیدر بابایا سلام» آدلی اثر تورک دونیاسین‌دا قیسا مدت‌ده گئنیش شؤهرت تاپ‌دی، سؤزون یاخشی معناسین‌دا دیللره دوش‌دو ، روبابه خانیمین یانیق‌لی، نیسکیل‌لی سسله اوخودوغو ماهنی اورکلری تیترت‌دی.

شعر صنعتین‌ده فارسجادان اوستالیقلا ایستیفاده ائد‌ن مممدهوسئین شهریار آناسینین خبردارلیغین‌دان سونرا تورکجه شعرلر یازماغا باشلادی.

تاریخ
2019.05.31 / 21:22
مولف
آینورا مممدووا
شرح لر
دیگر خبرلر

مین سطیر باخیش یازیلیر گؤزلریمه - شعیر

سیخیلما، قونماغینا بیر اوره‌ک وطن گؤرونور- شعیر

من سنه نه یازیم ،صمد؟ - سهند

هر هارا باخیرام سنی گؤرورم - شعیر

من یاتاغین ایکینجی مرتبه‌سینده یاتانمارام. یئریمی ده‌ییشین

سؤندورولموش اوجاغین دا یادداشی وار- شئیر

گاندی هندوستانین اؤزگۆرلۆک باشچیسی نئجه‌ده گؤزل یازمیش حیات یولداشینا

سالمادی سئوگی منه سایه بو عالمده - شئیر

گؤزلریندن داملایان یازیلمامیش شعرلریمدی- شئیر

دادستان‌ین مجوز ایله، سیزین ائوی آختارمالییق..-حکایه‌

خبر خطّی
 
Axar.az'da reklam Bağla
Reklam
Bize yazin Bağla