Axar.az
یوخاری
27 اییون 2019


یانیمدا اوتوران اوجا بوی ، قارا قاش گؤز اوغلانی گؤرمه میشدیم سانکی - حکایه

آنا صحیفه ادبیات
12 Punto 14 Punto 16 Punto 18 Punto

یاز گونلری نین اورتالاریدی،یاز هاواسی روحلاری دیرلدیردی، آنجاق گؤزلمه اوتاغینا گیرنده آنلادیم ،آداملارین بوغلو بوخارلی نفسلری اوتاغین اوکسیژنینی بیتریبلر. بیر کیچیک اوتاق او قدر آداملا ، زیمبا- زیم دولویدو کی ، آز قالا نفس چکمک بئله مومکون دئییلدی. بیزیسه چاره سیز گئدیب و او بیریلر کیمی، اوردا اوتورمالیدیق. سس_ صدا و موختلیف لهجه یله دانیشیقلاردان بیلمک اولوردو، بو خسته لرین چوخو بیزیم‌کیمی باشقا شهرلردن تبریزه دوکتورا ، گلیبلر. بیر آز عصبلریم پوزقونودو. آنامین ماشینداکی داورانیشینی خاطیرلاییب و اؤز یانیمدا حیرصلنیردیم.

آنام منه دئینده کی سن گئچ جاسمین یانیندا اوتور.دئدیم: یوخ، سن اوردا اوتور! میه من اوشاغام؟ اؤز اؤزومه دئدیم: من گنجم او یاشلیدی، همده من اونو دوکتورا آپاریرام. ندن اوغلانلار آنالاریلا بیر یئره گئدنده، اونلاری قورویورلار، جامین کناریندا اوتوردورلار، ماشین کیرالارینی حئساب ائدیرلر فیلان...، ایندی من قیز اولدوغومدان منه بئله دئییر آنام، یقین قورخور، ماشینین اورتاسیندان او یان بویانا گئدن کیشلر منه سورتوشسونلر، آنجاق من اؤزومو هامیا ایناندیرمالیام. بو ندنله ایندی او جامین یانیندا اوتورمالیدی. اؤزومه گورراهلانیب و بؤیوکلوک حیسی یاشاییردیم.

آنام گؤزلرینی اوستومه آغارداندا، دینمز سؤیلمز، پوزقونحالدا گئچیب جامین قیراغیندا اوتوردوم.

آناملاکوسمک أداسی چیخاردیب، مطبده اوندان آیری بیر بوش صندلده اوتوردوم. بیر آز یورقونلوغو موآلیب، چادرامی باشیمدا دوزلدندن سونرا ، دیقتله اویان- بویانا باخدیم. مونشو بیر اورتا یاشلی و قاش قاباغلی کیشیدی، هامی نین اوستونه قیشقیریردی ، سانکی بورداکیلار خسته یوخ اونون نوکرلریدیلر و خسته اولماق حاقلاری دا یوخدور، ایندیکی خسته لنیبلر سوچلوردولار ! کتدیه بنذر بیر قوجا کیشی اونون گوموشو ماساسی‌نین اوستونه، اییلمیشدی و ناله ائدیب یالواریردی، اودا حیرصله اوستونه قیشقیریردی :

" بوردا کیلار نئچه گون اؤنجه واخت آلیبلار، سنه واختی یوخدو دوکتورون، چیخ گئت باشیمدان. دئیردی"

او طرفده بیر قوجا خانیمین اورگی بولانیردی و بیر دستمالا قوسوردو. منیم اؤنونمده، بیر جاوان خانیم کؤرپه اوشاغینی، چادرا آلتیندا امیشدیریردی.یانیندا اوتوران فئر باش کیشی دئیه سن اریدی، تئز تئز اونون چادراسینی سینه‌سی اوسته چکیردی.

بیر گنج قادینین، آدینی مونشو سسلینده، سئوینجله یئریندن قالخدی، آیاغی ایلیشدی صندلین پایاسینا اوزو اوسته یخیلدی. بیر قارا بوغلو کیشی مونشویله گؤروشدو اون مینلیق کاغاذ پولو باسدی اووجونا و... ظنیمجه بورا مطب دئییل بیر قورخونج دراماتیک تئاتریدی.

یانیمدا اوتوران اوجا بوی ، قارا قاش گؤز اوغلانی گؤرمه میشدیم سانکی، بیر کیشی یانا و لطیف سسله، اؤزومه گلدیم:

"چوخ شولوقدی گؤره سن بیزه نوبت چاتاجاق می؟ "

دؤندوم، اونون اوزونوگؤرونده، بیلمدیم ندنسه اورگیم تاپا-تاپا دوشدو!

"بیلمیرم آللاه ائلسین نوبه یئتیشسین بیزاوزاخدان گلمیشیک ، دئدیم."
" بیزده ماراغادان گلمیشیک ،آنامی گتیرمیشم. چوخ خسته دی، همده چوخ حساسدی اینقلاب دا، اونون اعصابلارینی لاپ پوزوب."
آللاهیم اوزو کیمی نئجه ده گؤزل اورگه یاتان سسی واریدی، تام من سئون سس و صورات!. یاشیل رنگده بیر کؤینک گئیمیشدی و اونا دوشن، بیر کتان شالوارین قئیشی اینجه بئلینی گؤزلتمیشدیر.
صوحبت قیزیشدی، قولاقلاریم اونون سسیندن باشقا بیر سس ائشتمیردی ، گؤزلریم ایسه اوندان باشقا بیرینی گؤرموردی، آنامیدا بئله ! دا ایندی او بیلیردی، من یئنی دیپلم آلمیشام، کونکورا حاضیرلاشیردیم کی دانیشگاهلار باغلایب، بؤیوک آرزیم دانیشگاها گیرمکدی و اوخوماغی چوخ سئویرم و... صندل لریمیزی بیر بیرینه یاخینلاشدیریب ائله صؤحبته مشغولودوق کی ،هاردا اولدوغومو اونوتموشدوم.
دئینده کی منده سوبایام، آرزیم بودو سیزینکیمی بیر آیدین و دوشونجه لی قیزلا ائولنم، داها هوشوم باشیمدان چیخدی و خیاللاردا دالدیم قالدیم.
بو آندا مونشو اونلارین آدینی سسلینده، آناسینین دا بوردا اولماغینی و ایلک اونجه دن بیزی سئیر ائتمسینی آنلادیم.
اونلار ماینا اوتاغینا گیردی من ایسه ، آرخاسینجا باخا- باخا قالدیم. یانیمدا صندل بوشالینجا آنام دوردو گلدی یانیما.
" او کیمیدی؟"
"هئچ ، آللاه بنده سی ! ماراغادان گلمیشدیلر؟"
نه دانیشیردیز سورغوسونا :
" سیاستدن، درسدن اینقلابدان بئله، نه دانیشاجاغام. دئدیم"
هله ده اونو دوشونوردوم .
بوآرادا ،مونشو دئدی قالان مریضلردوروب گئتسینلر، دوکتور داها هئچ مریضی قبول ائتمیر. چوخ کور پئشمان حالدا قالخدیق گئتمیه، اونلاردا اوتاقدان چیخدیلار ، ایلک آناسی آرخاسینجا او گلدی. من هوله وارآناسینا باخیب دئدیم: "آللاه شفا وئرسین حاجی خانیم. "
بیر آز آیاغینی یاواشلادی و اوجا سسله ائله کی آنامدا ائشیتسین دئدی:
"بالا یئیین اول گئدک چاتاق ائومیزه، ایندی خانیمین بتر نیاران قالیب"
اوغلان قیزارا -قیزارا چینیندن دؤنوب منه باخدی! آتدیملارین یئینلدیب اوزاخلاشدی.!!

تاریخ
2019.06.06 / 13:51
مولف
ذکیه ذولفقاری
شرح لر
دیگر خبرلر

سینیرلاراوزه رینه چکیلمیش تیکانلی مفتیل - شعیر

بیزی اوراقلاییب ایکی بؤلدولر آرادا گوناهی آراز آپاردی - شعیر

یا گره‌ک بیز جوانلاشاق، یاداکی...-حکایه‌

بو دولانباج کوچه‌لردن باخاسان، بايدا جوجرمير نييه بس؟ - شعر

مین سطیر باخیش یازیلیر گؤزلریمه - شعیر

سیخیلما، قونماغینا بیر اوره‌ک وطن گؤرونور- شعیر

من سنه نه یازیم ،صمد؟ - سهند

هر هارا باخیرام سنی گؤرورم - شعیر

من یاتاغین ایکینجی مرتبه‌سینده یاتانمارام. یئریمی ده‌ییشین

سؤندورولموش اوجاغین دا یادداشی وار- شئیر

خبر خطّی
 
Axar.az'da reklam Bağla
Reklam
Bize yazin Bağla