Axar.az
یوخاری


۲ مین ایللیک تاریخه مالیک اولان ضحاک قالاسی - فوتو

آنا صحیفه فوتو
12 Punto 14 Punto 16 Punto 18 Punto

ضحاک قالاسی ایرانین شرقی آذربایجان اوستانین‌دا، ماراغا – میانه یولونون کنارین‌دا یئرلشن آنتیک و ائرکه‌ن اورتا عصرلر دؤورونه عایید قالا-شهردیر.

Kult.az خبر وئریر کی، ایکی تپه‌دن و اونلارین آراسین‌داکی چؤککدن عبارت اولان قلعه ضحاک قدیم شهر یئری شیمال‌دان جنوبا تقریباً بیر کیلومترلیک عمومی اوزونلوغا مالیکدیر و اهمه‌نیلره قدرکی دؤوردن ایسلام زامانینادک موختلیف واختلاردا تیکیلمیش قورغولاری اؤزونده احتیوا ائدیر. شیمال‌داکی تپه قدیم شهر یئری حیاتینین پارفییا دؤورونه عاییددیر. بو تپه میلاددان اونجه. ۲-جی – ۱-جی مینیللیکلره عایید اولان مسکن ایزلرینی ساخلامیش چؤکک‌دن آیریلیب.

ایکینجی تپه‌ده ساسانیلرین حاکمیتی دؤورون‌ده تیکیلمیش قالا قورغولاری واردیر. بو قالا قورغولاری یونولمامیش داشلاردان برکیدیجی محلول اولمادان هؤرولموشدور، دوزبوجاقلی قوله‌لره مالیکدیر. بو دیوارین غرب قورتاراجاغین‌دا، قرانقو چایی طرفده‌کی یئرده قالا قاپیلارینین ایزلری نظره چارپیر. گؤرونور بوتون تپه‌نین مدافعه‌سی اوچون تقریباً تام شکیل‌ده قالمیش، داها ائرکه‌ن زامانلاردا تیکیلمیش قالا دیواریندان ایستیفاده ائدیلیردی. دیوارین داخیلی طرفین‌ده‌کی بینالار کومپلئکسی بؤیوک اراضی‌ده یئرلشیب کی، بو دا تدقیقاتچینین فیکرینجه، کومپلئکسین سارای کاراکتری داشیدیغینی تصدیقلییر.
قلعه ضحاک قدیم شهر یئرینین داها موهوم و یاخشی حیفظ ائدیلمیش قورغوسو پاویلیوندور. پاویلیون سارای کومپلکسیندن جنوب-غرب‌ده یئرلشیر و همین کومپلکسدن تراسلا آیریلیب. تاغلاری اولان داخیلی بینانین هوندورلویو ۹،۴۰ متره (چللیین زیروسیندک)، پاویلیونون عمومی هوندورلویو ایسه ۱۲ متره، ائنی ۸،۹۰ متره چاتیر. جنوب-شرق طرف‌دن ایسه پاویلیون باغلیدیر و بئله حساب ائدیرلر کی، بو جهت پاویلیونون آتشپرستلیک معبدی و یاخود چهارتاق کیمی عبادت اوبیئکتی اولدوغو فیکرینی تکزیب ائدیر. عینی زامان‌دا پاویلیونون چایین سیلدیریملی ساحلینده، درین درنین قارشی‌سین‌داکی اوجا قایالیغین اوزرینده یئرلشمه‌سی اونون سارای ایستروکتوروندا گؤرکملی فونکسییایا مالیک اولدوغونو گؤستریر.

داخی‌لی و خاریجی طرفلردن دیوارلارین اوزرین‌ده، دیوار اویوقلارین‌دا، هابئله تاغلارین داخیلی سطحین‌ده بعضی یئرلرده بویا تصویرلرینین ایزلری اولان سوواق قالیب. همین تصویرلر قادین باشجیقلارینین عکس اولوندوغو کسون، ماندر اورنامنتی، رئلیئف شکلینده وئریلمیش قیوریم شکیللی بزک رسملریندن و س. عبارتدیر. پاویلیون ایرانین، خصوصیله اهمنیلر دؤورونون تیکینتی عنعنه‌سینه اویغون گلن اوچ پیلله‌لی مرلونلارا مالیک اولان دیشلی محجرله باشا چاتیر.

پاویلیونون هم اؤن آسییانین، هم ده رومانین معمارلیغی ایله بنزرلیکلره مالیک اولان معمارلیق خصوصیتلری (آشورداکی و کوهی-خوجاداکی سارایلار، بینالارین داخیلین‌ده‌کی معمارلیق دتاللارینین پروفیللری، دکور و س.)، هابئله کرامیکا فراقمنتلری اونو پارفییا دؤورونه، داها دقیقی ارامیزین ۱-جی عصرینه عایید ائتمه‌یه ایمکان وئریر.

تاریخ
2019.04.29 / 15:59
مولف
آیتاج آراز
شرح لر
دیگر خبرلر

قوبا خالچاچی‌لیغی: اصلوبلاشدیریلمیش جغرافی موتیو - فوتو

باکی، قوبا، تبریز و شیروانین اورتاق کومپازیسییاسی - فوتو

شرقین میفولوژی اوبرازلارینی تجسم ائتدیره‌ن خالچا - فوتو

تبریزین شاه اثری- «شئیخ صفی» خالیسی

قاراباغ مدنیتی: خانتیرمه خالچالاری - فوتو

اورتاق مدنیت: شیروان خالچاسینی خاطیرلادان تبریز خالچاسی - فوتو

تبریز خالچاچی‌لیق مکتبی: سراب خالچالاری - فوتو

تبریزین تاریخی کؤرپوسو: ایپک یولونون اساس المنتی - فوتو

اوریژینال ترتیباتلی تبریز خالچاسی: "هریس" خالچالاری - فوتو

تبریزین داغلارین‌دان باشلایان چیرکلنمیش چای - فوتو

خبر خطّی
 
Axar.az'da reklam Bağla
Reklam
Bize yazin Bağla