«ارمنی هئچ واخت بیزی اؤلومله قورخودا بیلمز. بیز بورادا یاشامیشیق، آخیرادک ده یاشایاجاغیق، اؤلسک ده بورادا اؤلجییک». آپا-نین قاراباغ بوروسونون خبرینه گؤره، بو سؤزلری ارمنیستان اوردوسونون اؤتن گئجه آتشه توتدوغو فضولی رایونونون آلخانلی کند ساکینلری بیلدیریبلر. کند ساکینلری اؤتن گئجهنی آیاقدا قارشیلاسالار دا، اوردویا گووندیکلرینی و دوشمنین بو کیمی تخریباتلاریندان ذرره قدر ده اولسا، چکینمدیکلرینی بیلدیریبلر.
کند ساکینلری ارمنیستان سلاحلی قوهلرینین بو تخریباتی نتیجهسینده یاشلی قادین و اونون ۲ یاشلی نوهسینین اؤلدورولمهسینین، دیگر ملکی شخصین یارالانماسی و ملکی اوبیئکتلره زیان وورولماسینین وحشیلیک آکتی اولدوغونو وورغولاییبلار. «بو اینسانلیغا سیغان ایش دئییل، محاربه شرایطی اولسا بئله اوشاقلارا، قادینلارا آتش آچماق اینسانلیغا سیغان حرکت دئییل»، - دئیه کند ساکینی مطلب قولیئو بیلدیریب.
«ارمنی اوردوسونون بو تخریباتی همیشه تؤرتدیی وحشیلیکدیر. اونلار وحشیلیکلریندن هئچ واخت قالمیرلار. بو اینسانلیغا سیغمایان شئیدیر. کؤرپه اوشاغین، دینج اهالینین بئله قتله یئتیریلمهسی دونیانین هئچ بیر یئرینده قبول ائدیله بیلمز»، - دئیه دیگر کند ساکینی قوربان قولیئو وورغولاییب.
قید ائدک کی، ایولون ۴-ده ساعت ۲۰:۴۰ رادهلرینده ارمنیستان سلاحلی قوهلری طرفیندن فضولی رایونونون آلخانلی کندی ۸۲ و ۱۲۰ میللیمترلیک مینااتانلاردان و دستگاهلی قومبارااتانلاردان آتشه توتولوب.
ارمنیستان طرفینین بو تخریباتی نتیجهسینده کند ساکینلری - ۱۹۶۷-جی ایل تولدلو قولیئوا صاحبه ایدریس قیزی و ۲۰۱۵-جی ایل توللودلو قولیئوا زهرا ائلنور قیزی هلاک اولوبلار.