Axar.az
یوخاری


تورکییه ۱۰۰ مین ارمنینی دپورتاسییا ائتسه... - اکسپرت

آنا صحیفه گوندم
12 Punto 14 Punto 16 Punto 18 Punto

تورکییه‌نین یاخین زامانلاردا ارمنیلری دپورتاسییا ائتمه‌سی بین الخالق بحرانا و گرگینلییه سبب اولا بیلر.

بو سؤزلری Axar.az-آ اقتصادچی اکسپرت ناطیق جعفرلی تورکییه‌نین ۱۰۰ مینه یاخین ارمنینی دپورتاسییا ائتمه‌سی حاق‌دا یاییلان خبره مناسیبت بیلدیررکه‌ن دئییب. او وورغولاییب کی، تورکییه بئله بیر آددیم آتارسا، آمریکا و ب ام ت-دن سرت رئاکسییا گؤرر:

«بو تیپ خبرلر زامان-زامان گونده‌مه گلیر. اؤلکه‌لر آراسیندا هر هان‌سی فورمادا سؤز ساواشی اولان‌دا و یا دیپلماتیک ساحه‌ده راضیلیقلار باش توتمایاندا قارشی‌لیقلی آددیملارین آتیلاجاغی ایله باغلی بیاناتلار یاییلیر. تورکییه‌نین بین الخالق پروبلئملر یاشادیغی بیر واخت‌دا ۱۰۰ مینه یاخین ارمنینی دپورتاسییا ائتمه‌سی دوغرو اولماز، چونکی حاضردا بو اؤلکه‌نین آمریکا و ب ام ت ایله مناسیبتلرین‌ده معین گرگینلیک اونسوز دا موشاهی‌ده ائدیلیر. بو آددیم یئنی بیر بین الخالق بحرانا و ناراضیلیغا سبب اولا بیلر. اما قایدا-قانونلاری پوزانلار وارسا، رسمی آنکارا اونلارا خبردارلیق ائده و گئری گؤندره بیلر. صحبت تورکییه وطنداشی اولان ارمنیلردن یوخ، بو اؤلکه‌ده موقتی ایشله‌مه‌یه گلن، وطنداشلیغی اولمایان ارمنیلردن گئدیر. تورکییه حکومتی یالنیز اونلاری گئری گؤندره بیلر. آنکارانین کوتلوی شکیلده بئله بیر آددیم آتاجاغینی دوشونموره‌م».

اکسپرت قید ائدیب کی، بئله دئپورتاسییا حیاتا کئچیریلسه، بو، ارمنیستان اقتصادیاتینا آغیر ضربه اولار:

«ارمنیستان اقتصادیاتی خاریج‌دن، خصوصاً روسییادان آسیلیدیر. تورکییه‌نین ارمنیستان اقتصادیاتین‌دا رولو او قدر ده بؤیوک دئییل. تورکییه‌ده ایشله‌یه‌ن ارمنیلرین ده عائله‌لرینه گؤندردیی وسایت او قدر ده چوخ دئییل. اما بونا باخمایاراق، تورکییه‌نین بئله بیر آددیم آتماسی ارمنیستان اوچون ضربه اولار».

قید ائدک کی، «پاست» قزئتی تورکییه‌نین ۱۰۰ مینه یاخین ارمنینی دپورتاسییا ائده بیلجیینی یازیب.

تاریخ
2019.05.06 / 19:28
مولف
Axar.az
شرح لر
دیگر خبرلر

آمریکا ایرانا قارشی محاربه‌یه باشلادی - سورییا و عراق‌دان...

ایران مئدیاسی حرکته کئچدی: ماننا آذربایجان دؤولتی دئییل

عیسی قمبرین کئشیکچیداغ تکلیفینه کسکین اعتراض: تسلیم‌چیلیکدیر!

ترامپ ایرانا هوجوم ائد‌جک – زردوشت علی‌زاده

ترامپین ایرانی "یوخ ائتمک" اوچون گؤندردیی ۱۲۰ مین عسگر و...

آمریکانین ایرانا قارشی ۱۲۰ مین اوردو گؤندرمه‌سی... - ساندرس

اگر آمریکا ایرانا ضربه ائندیرسه... – اکسپرت

ایران بحرانی قاراباغی حل ائده بیلر – تاراسوو

ناظردن ایرانا تکلیف: "قاراباغ"لا "پرسپولیس" قارشیلاشسین...

آمریکا یاخین شرقه راکت و ضربه دسته‌سی ییغیر: محاربه...

خبر خطّی
 
Axar.az'da reklam Bağla
Reklam
Bize yazin Bağla