Axar.az
یوخاری


محسن فروزانین «تراختور»آ خیانت ائتدیی معلوم اولدو

آنا صحیفه ایدمان
12 Punto 14 Punto 16 Punto 18 Punto

آپرلین ۱۲-ده رشتین «سردار جنگل» ایستادیونوندا تبریزین «تراختور» فوتبول کومانداسینی بؤیوک حسابلا «سپید رود»آ اودوزدوران قاپیچی محسن فروزانین کومانداسینا خیانت ائتدیی معلوم اولوب.

Axar.az-این معلوماتینا گؤره «مهر» خبر آگنتلیگی م. فروزانین آدینا بیرباشا ایشاره ائتمه‌سه ده ائتدیی خیانتین ایفشا اولوندوغو باره‌ده معلومات یاییب.

«فوتبول فدراسییاسینین اخلاق کمیته‌سی سوپر لیگا و بیرینجی دسته اویونلارینی آراشدیراراق بیر فوتبولچونون بیر نئچه گؤروشون نتیجه‌سی ایله باغلی گیزلیجه مرجه گیردیینی اوزه چیخاریب، مرجلشمه‌نین نتیجه‌سینده میلیاردلار تومن مبلغینده پول قازانیلیب.»- دئیه قید اولونوب.

بیلدیریلیب کی، گؤروشلرین نتیجه‌سی اوزرینده مرجلشمه یئنی حادثه دئییل، لاکین اخلاق کمیته‌سینین مشهور بیر فوتبولچونون مرجه گیردیینی آشکار ائتمه‌سی بو مسئله ایله باغلی یئنی تفرعات اوزه چیخاریب.

«اخلاق کمیته‌سی بوندان اول ده همین فوتبولچونون بو کیمی حرکتلرینی آنلاییب، ایپوجو اله گتیرمیشدیر. لاکین فوتبول‌چویا قارشی هئچ بیر تدبیر آلینماماسی ۱۸-جی سوپر لیگا یاریشلاریندا بیر کوماندانین تالعینی دییشدی. بوندان سونرا اخلاق کمیته‌سین‌دن اؤنجه کلوب مسئوللاری فوتبولچویا قارشی تدبیر آلماغا مجبور اولدولار.»- دئیه معلومات‌دا بیلدیریلیب.

فوتبولچونون بوندان اول بیر نئچه اویوندا گیزلیجه مرجه گیردیینی، بو یوللا کوللی میقداردا پول الده ائتدیینی یازان خبر آگنت‌لیگی صلاحیت‌لی اورگانلاری بو باره‌ده جدی تدبیر آلماغا چاغیریب. بیلدیریلیب کی، مشهور فوتبولچو اؤزو بیرباشا مرجلشمه‌ده ایشتیراک ائتمیر. او بو ایشی قومارباز قارداشینین واسطه‌سی ایله حیاتا کئچیریر. آرتیق بو مسئله اخلاق کمیته‌سی طرفین‌دن آیدینلاشدیریلیب.

معلوماتدا علاوه اولونوب کی، بو اویون‌چو ۱۸-جی سوپر لیگا یاریشلارینین ان حساس گؤروشلریندن بیرینده تمثیل ائتدیی کوماندانین تالعینی دییشیب. اونون یاخینلاریندان بیری بیلدیریب کی، اویونون نتیجه‌سینین بو شکیل‌ده دییشمه‌سی مشهور فوتبولچویا ۱۰ میلیارد تومان مبلغین‌ده پول قازاندیریب. مرجلشمه سایتلارینین بیرینده ایسه قید اولونوب کی، فوتبول‌چو نظرده توتولان کوماندانین غلبه‌سی ایله باغلی ۸ میلیارد تومان الده ائدیب، قالان مبلغ ایسه اویونون ادعا ائدیلدیی حسابلا یئکونلاشماسی ایله باغلی اولوب و اونا چاتدیریلیب.

تاریخ
2019.04.18 / 16:18
مولف
آینورا مممدووا
شرح لر
دیگر خبرلر

ایرانین ایدمان ناظری بوتون آذربایجان‌لیلاردان عذر ایستدی: پارلامنتده...

"آرسنال"این باش مشق‌چی‌سی: مخیتاریان عائله‌سی ایله دانیشدی و...

«تراختور» کلوبون‌دان سون معلومات

ایران اصیل‌لی ایدمانچیمیز ۲-جی دفعه دونیا چئمپیونو اولدو

آذربایجانین ان گوج‌لو قادینی سئچیلدی - فوتو

روس گیمناستلار باکیدا چئمپیون اولدو

ایران‌دا فوتبول ماتچین‌دا قادینلار آراسین‌دا داوا - فوتو

بریتانییانین تهران‌داکی سفیرلیگی ایران‌لی ایدمان‌چیلارا ویزا وئرمه‌دی

قادین پلیسیمیز آوروپا چئمپیونو اولدو - فوتو

تورکییه‌نین «قالاتاسارای» کلوبو اردبیل‌ده نماینده‌لیک آچدی

خبر خطّی
 
Axar.az'da reklam Bağla
Reklam
Bize yazin Bağla