Axar.az
یوخاری
27 اییون 2019


ایرانین ایدمان ناظری بوتون آذربایجان‌لیلاردان عذر ایستدی: پارلامنتده...

آنا صحیفه ایدمان
12 Punto 14 Punto 16 Punto 18 Punto

ایرانین ایدمان ناظری مسعود سلطانیفر آذربایجان‌لیلاردان و «تراختور» طرفدارلارین‌دان عذر ایسته‌ییب.

آخار. آذ خبر وئریر کی، بو باره‌ده جنوبی آذربایجانین مرند و جلفان رایونلاری اوزره ایران پارلامنتین‌ده‌کی میللت وکی‌لی محمد حسن نژاد اینفورماسییا یاییب.

میللت وکیلی بیلدیریب کی، ناظر آذربایجان‌لیلاری و دیگر ائتنیک قروپلاری تحقیر ائد‌ن فوتبول کومان‌دالارینا قارشی تدبیر گؤره‌جک.

قئید ائدک کی، بو گون ایران پارلامئنتین مدنیت مسئله‌لری کمیسییاسین‌دا ایدمان ناظرینین ایشتیراکی ایله ایجلاس کئچیریلیب. ایجلاسین یئکونون‌دا ناظرین میلت وکیللرینین سواللارینا جواب وئرمه‌سی اوچون پارلامنته چاغیریلماسی طلبینین مجلیسه گؤندریلمه‌سی باره‌ده قرار قبول اولونوب.

محمد حسن نژاد کئچیریلن ایجلاسین تفرعاتی باره‌ده معلومات پایلاشیب.

«کئچیریله‌ن ایجلاسلا باغلی منه چوخ سایدا سواللار عنوانلانیب. اونا گؤره ده ایجلاسلا باغلی بعضی مسئله‌لره آیدین‌لیق گتیرمک ایستییرم:

۱- «تراختور» طرفدارلارینین «آزادی» ایستادیونو، رشت شهری و س. کیمی یئرلرده تحقیرلره معروض قالماسی ایله باغلی شیکایتلر رسمی فورمادا تقدیم اولوندو.

۲- دیرلی کومان‌دا آزارکئشلرینین حاکملرله باغلی ایدمان ناظیرلیین‌دن شیکایتی، «تراختور» کومانداسینا قارشی تخریبات و ماتچلارین نتیجه‌سینین اؤنجه‌دن پلانلاشدیریلماسی حاق‌دا اعتراضلاری فاکتلارلا دیله گتیریلدی.

۳- کومان‌دا طرفدارلارینا یارادیلان ایمکانلارلا باغلی کلوبلار آراسیندا آیری سئچکی‌لییه یول وئریلمه‌سی حاق‌دا شیکایتلر ده چاتدیریلدی.

۴- حؤرمت‌لی ناظر قید اولونان بوتون مسئله‌لری قبول ائد‌رک آذربایجان‌لیلار و «تراختور» ترفدارلارین‌دان عذر ایسته‌دی.

۵- کومان‌دا ایله باغلی تخریباتا قارشی مسئله‌یه باخیلاجاق. ناظر بو باره‌ده گلن هفته‌یه قدر قرار چیخاریلاجاغینا سؤز وئریب.

۶- آذربایجان‌لیلاری و دیگر قوملری تحقیر ائد‌ن کوماندالار آغیر جریمه اؤد‌مه‌لی اولاجاق.

۷- غیری-عادی داورانیشلار و بو ایستیقامت‌ده قانون پوزونتولارینی آراشدیران کومیته یارادیل‌دی.

۸- «پرسپولیس» و «ایستیقلال» کلوبلارینین اؤزللشدیریلمه‌سی پروسسینین سورتلندیریلمه‌سینه سؤز وئریلدی.

بوتون بونلارا باخمایاراق ناظرین میللت وکیللرینین سواللارینی جاوابلان‌دیرماق اوچون پارلامنته چاغیریلماسی مسئله‌سی هله ده قوه‌ده‌دیر.»- دئیه او قید ائدیب.

میلت وکیلی وئریله‌ن وعدلرین کونکرت اولاراق نه زامان و هانسی فورمادا حیاتا کئچیریلجیی باره‌ده دقیق معلومات وئرمه‌ییب.

تاریخ
2019.05.22 / 15:02
مولف
آیتاج آراز
شرح لر
دیگر خبرلر

ایدمانچیمیز ارمنینی دارماداغین ائتدی - ایلک غلبه

آذربایجان و ایرانین اوشو اوزره ییغما کوماندالاری گؤروشه‌جکلر

بیر گون‌ده ایکی ارمنی یئره چیرپیلدی: اوروجوو فینال‌دا...

بوکسچوموزون ارمنی رقیبی اوزرینده محتشم غلبه‌سی

فیفا ایران‌دا قادینلارین فوتبول ماتچلارینا بوراخیلماسینی طلب ائتدی

فرانسیز وولئیبول‌چودان مارقلی پایلاشیم - «بورا ایران یوخسا گونئی آذربایجان؟»

تیراختور مدافع لیگ برتری به خدمت گرفت

"لیوئرپول"-"چئلسی" ماتچینا هاردا باخماق اولار؟

قوربانوو «قاراباغ»این یئنی رقیبین‌دن دانیشدی

اورمییا ایستادیونون‌دا "آذربایجان" شعاری سسلندی- ویدئو

خبر خطّی
 
Axar.az'da reklam Bağla
Reklam
Bize yazin Bağla