Axar.az
یوخاری
20 آپرئل 2019


ناظیم حیکمتی حیرتلندیرن آذربایجان سارایی - ویدئو

آنا صحیفه کولت
12 Punto 14 Punto 16 Punto 18 Punto

شکی خان سارایی شکی شهرین‌ده یئرلشن تاریخی صنعت اثری‌دیر.
آخار. آذ خبر وئریر کی، بو عابده دونیا عابده‌لری سیاهی‌سینا داخیل ائدیلیب. قالا دیوارلاری ایله احاطه اولونان بو تیکی‌لی ایکیمرتبه‌لی اولماقلا آلتی اوتاق‌دان، دؤرد دهلیزدن، ایکی گوزگولو ایواندان عبارت‌دیر.
سارای داها اوللر «دیوانخانا» آدلاندیریلیب. شکی خانلیغینین ۱۸۱۹-جو ایلده لغو ائدیلمه‌سین‌دن سونرا بورادا شهر محکمه‌سی یئرلشدیریلیب. حال-حاضردا ایسه موزه کیمی فعالیت گؤستریر.
سارایین تیکینتی‌سی ایله باغلی بیر نئچه روایت وار. دئییلنه گؤره شکی خانی اؤزونه دونیانین ان یاخشی سارایینی تیکدیرمک فیکرینه دوشور. سارایین تیکینتی‌سی باشا چاتاندا خان معماردان «بوندان داها یاخشی‌سینی تیکه بیلرسن»، - دئیه سوروشدوقدا «بلی» جاوابی آلیر و هیرصلنه‌رک معماری اؤلدورور.
"شکی خان سارایی" آدی ایله تانینان بو بینا - "محمدحسن خان دیوانخاناسی" محمدحسن خان طرفین‌دن تیکدیریلیب. بینانین تیکینتی‌سینه ۱۷۸۹-۱۷۹۰-جی ایلده باشلانیلیب. بینانین معماری شیرازلی زینالعابدین‌دیر.
سارایین هر ایکی مرتبه‌سی عینی قورولوش‌دادیر. مرکزده بؤیوک سالون و سالونون هر ایکی طرفین‌ده‌کی دهلیزلره بیتیشه‌ن یان اوتاقلار وار. بینانین پلان قورولوشو، یعنی هر مرتبه‌ده ۳ اوتاغین اولماسی جنوب حیصه‌ده آیدین عکس اولونور. مرتبه‌لر داخیل‌دن پیللکه‌نلرله علاقلندیریلیب. سالونلارین شیمال حیصه‌سین‌ده ایکی کیچیک اوتاق آراسین‌دا خاننیشین آدلانان یئرلشکه‌لر وار. تاوانی گوزگولنمیش آلت خاننیشین‌ده فوواره‌لی مرمر حوض تیکیلیب.
دونیا شهرت‌لی تورک شاعری ناظیم حیکمت سارایا باخدیق‌دان سونرا بئله یازیب: «اگر آذربایجانین باشقا قدیم تیکیلیلری اولماسایدی، بیرجه شکی خان سارایینی دونیایا گؤسترمک بس ائدردی».

تاریخ
2017.01.18 / 12:16
مولف
آیتاج قدیراوا
شرح لر
دیگر خبرلر

موسکوادا قاراباغ آتلارینا حصر اولونان سرگینین آچیلدی- فوتو

«علی و نینو» فیلمی ایندونزییانین اوچ شهرین‌ده نوماییش اولوناجاق

صحنه‌میزین قایناناسی نسیبه خانیم ارمنیلردن نئجه خلاص اولوب؟

دومانلی تبریز ۷۸-اینجی بؤلو

۱۷ یاش‌لی آذربایجان‌لی یاسین ۵۶ مین دلار تقاعد آلاجاق

قنیره پاشایئوا تورک میللت وکیلی ایله ماهنی اوخودو - ویدئو

سی و دومین نمایشگاه کتاب تهران

دومانلی تبریز ۷۷-اینجی بؤلوم

مشگینشهرده ۳ مین ایللیک آنتیک اثرلر تاپیلدی

گونئی‌لی ادیبین اثری گورجو دیلینه ترجمه اولوندو

خبر خطّی
 
Axar.az'da reklam Bağla
Reklam
Bize yazin Bağla