Axar.az
یوخاری
21 یانوار 2019


چکدیی رسیملرینده گونش بومبوز...شعر

آنا صحیفه کولت
12 Punto 14 Punto 16 Punto 18 Punto

کولت. آذ گونئی‌لی شاعر اومید نجارینین شعرینی تقدیم ائدیر:

گئجه یوروش ائدیر شهره...
ظولمت بالکونلاردان بوی‌لانیر ظلملره.
قولاقلاریمیزلا گؤروردوک چوجوقلاری
چوجوکلارین وئلوسیپئدلری آلوو گوللری،
اویون‌جاقلاری سیاسی محبوس !
چکدیی رسیملرینده گونش بومبوز...
دیوارلار عسگر کیمی آیاق اوسته،
دیوارلار-محاربه.

...کؤلگه‌لر ایکی قات بیزدن هوندور
دیزلریمیزی بوکوردوک،
دیزه چؤکوردوک سؤزون سسسیزلیینده.
...اووجوموز- سو ایچمک اوچون،
اووجوموز -قوش یوواسی،
اووجوموز -ان سونونجو دین...
بیر کره گؤزلرینله دینله
آنجاق اووجلارینلا دیله‌نمه !

...سئوگیلیلرین دوداقلاریندا قوراقلیق
اؤپوشلر مسجیدلرین منبرینده مئییت.
میناره‌لرده مینا پارتلاییشی،
کیلسه‌لرده علیل آرابالاری،
خالچالاردا خزان...
کوچه‌نین قارانلیغی بیر ایت ده ایتیر…
قاپیلار بیربیریندن بوشانیر.
ائولر ییه سیز، ائولر یئتیم
اؤزون یا اؤزگه... فرق ائتمز !

بیز-گئجه،
بیز -عسگر،
بیز -دیوار...
هئچ اولماسا بیر قاریش پنجره،
هئچ اولماسا بیر اودوم سو اول
گونش سئنزورادادیر،
مملکت !

تاریخ
2018.06.13 / 17:15
مولف
الشاد یاقوبلو
شرح لر
دیگر خبرلر

سرکوب دولت و سرکوب ملت!

شهر چادگان در دوره شاه عباس اول

دومانلی تبریز - ۳-جو بؤلوم

ایستانبول متروسون‌دا قان‌لی یانوارلا باغلی سرگی آچیلدی

آذربایجان شاعری نسیمی و اونون سورییاداکی مزاری-فوتو

گؤزو یاشلی قره‌نفیل و قان یادداشیمیز ۲۰ یانوار

قدیم آذربایجان مطبخی-مامونینین رئسئپتی

نمایش «اتابک پارکی‌نین تراژدی‌سی» به جشنواره تئاتر فجر راه یافت

قدیم تورکلرین اینانجین‌دا بوزقورد

بو حیصه نین ائتیمولوژی آچیقلانماسی... - حسن اومود اوغلو

خبر خطّی
 
Axar.az'da reklam Bağla
Reklam
Bize yazin Bağla