Axar.az
یوخاری
18 اوکتیابر 2018


گۆنش اوْلاق، ایشێق ساچاق...شعر

آنا صحیفه کولت
12 Punto 14 Punto 16 Punto 18 Punto

کولت. آذ گونئی‌لی یازار و شاعیر حبیب ساسانیانین شعرینی تقدیم ائدیر:

ایچیم اؤزۆمۆ یاندێرێر،

چؤلۆم ایسه اؤزگه لَری

آمان ایکی اۆزلۆ میللت دن

نَلر گؤردۆم من، نَلری...

وطن سئوگیسی قانێمدا

اۆره ییمده، هم جانێمدا

دوْستدان چوْخ، دۆشمان یانێمدا

نَلر گؤردۆم من، نَلری...

ظۆلم ائیله دی بیزه، بَی - خان

فدایی لَر اوْلدو قوربان

پارچالاندێ آزربایجان

نَلر گؤردۆم من، نَلری...

حاق دیله دیم، ساتقێن اوْلدوم

آچمامێش گۆل سایاق، سوْلدوم

قَهَردن بوْشالێب دوْلدوم

نَلر گؤردۆم من، نَلری...

یازدێم درددَن، آلێنمادێ

آدێم - سوْیوم، اؤزگه آدێ

قوْپوز سوسدو، چالێنمادێ

نَلر گؤردۆم من، نَلری...

کسیلدی دیل، قورودو گؤل

اورمو گؤلۆ، دوزلاق بیر چؤل

یاشا ؛ دئدیم، دئدیلر: اؤل!

نَلر گؤردۆم، من نَلری...

دیلیم قاداخ، قوْلوم باغلێ

دۆشمانێمێن دیلی یاغلێ

تاریخ دییَه، بیر ناغێلێ

نَلر گؤردۆم من، نَلری...

آرامێزدان، آخدێ آراز

هئی یاندێرێب - یاخدێ آراز

حسرتییله باخدێ آراز

نَلر گؤردۆم من، نَلری...

قوْپدو طوفان، اَسدی یئللر

دالغالاندێ قارا تئللر

چوْخدان یاتێب بیزیم ائللر

نَلر گؤردۆم من، نَلری...

جانێم یوْرغون، کؤنۆل خسته

قلم اوْینور کاغێذ اۆسته

دوْداق قایماق، آغێز پۆسته

نَلر گؤردۆم من، نَلری...

اؤزگۆر یاشام، بیزه قاچاق

گۆنش اوْلاق، ایشێق ساچاق

کوْر دۆیۆنۆ ، بلکه آچاق

نَلر گؤردۆم من، نَلری...

اوزمانلارێم ، یوْلون چاشێر

یوردومدا چاققال اولاشێر

غم شَله سی آغێرلاشێر

نَلر گؤردۆم من، نَلری...

آمان فلک، بسدیر جفا

کیمسه ده قالمایێب وفا

قایغێسێزلار سۆرۆر صفا

نَلر گؤردۆم من، نَلری...

توران ائلیین غم بۆرۆیۆب

منلیک ، ساققێز تک چۆرۆیۆب

ایگیدلر سوسوب - کیریییب

نَلر گؤردۆم من، نَلری...

اوشاق ، بؤیۆگه قابارێر

کئچی ساللاخدا چابالێر

قصّاب ایسه، پیی آختارێر

نَلر گؤردۆم من، نَلری...

کیتابلارێ، توْز باسێبدێ

اوْغلانلار سێرغا آسێبدێ

هَرَه بیر یاندا مێسێبدێ

نَلر گؤردۆم من، نَلری...

عراق- لبنانلێ، آقالار

سوریه یاراسێن باغلار

قاراباغێ یادا سالار؟

نَلر گؤردۆم من، نَلری...

سیز شاعیری، قێنامایێن

قوْی دۆشۆنسۆن آیێن - شایێن

یاراسێنا، توْخونمایێن

نَلر گؤردۆم من، نَلری...

تۆرک بیر اوْخ، دۆنیا گؤزۆنده

یوْققوشوندا - هم دۆزۆنده

یاکاموْز، اۆرک سؤزۆنده

نَلر گؤردۆم من، نَلری...

تاریخ
2018.06.14 / 19:28
مولف
الشاد یاقوبلو
شرح لر
دیگر خبرلر

باکی‌دا آکسییا: گنجلر اللرینده کیتاب کوچه‌لرده... - ویدئو

گونئی و قوزئیین سئویملی موغننی‌سی: سیاستچیلردن خوشوم گلمیر

چوخ اؤلکه‌دن تکلیفلر آلماغا باشلامیشام - سنی دئییرلرین ایفاچیسی

"سنی دئییرلر" ماهنی‌سینین ایفاچی‌سی باکییا گلدی - ویدئو

آذری یا زبان باستان آذربایجان (جوابیه) کیتابی ایشیق اوزو گؤردو - فوتو

اومید نجارینین "دیوارلارین او تایی" کیتابی ایشیق اوزو گؤردو - تبریزده

طیاره‌نی ایلدیریم ووردو: شاهزاده و آروادی اؤلومدن دؤندو

اؤتن گونلر - ممد آراز

او داش آلتدا ممد آراز یاشاییر

آلمانییادا طلبه هارادا و نئجه یاخشی یاشایا بیلر؟

خبر خطّی
 
Axar.az'da reklam Bağla
Reklam
Bize yazin Bağla