Axar.az
یوخاری
26 اییون 2019


گونئی آذربایجان‌دا ایلک متبعه‌نین یارانماسی - تبریزده

آنا صحیفه کولت
12 Punto 14 Punto 16 Punto 18 Punto

اورتا عصرلرده شرق عالمین‌ده کیتابا بؤیوک دیر وئریلیردی. کیتاب چاپینا دایر ایلک تشببوسلر و تجروبه‌لر چین‌دن باشلایاراق بیر سیرا شرق اؤلکه‌لرین‌ده سیناق‌دان کئچیریله‌رک سونرادان آوروپادا سرعتلی اینکیشاف یولونا قده‌م قویدو.

Axar.az خاطیرلادیر کی، آذربایجان‌دا ایلک متبعه‌لر ۱۹-جو عصرده یارادیلسا دا، نشریات ایشی ۲۰-جی عصردن اینکیشاف ائتمه‌یه باشلامیشدیر. آذربایجان‌دا ایلک متبعه‌نین قورولماسی ۱۹-جو عصرین بیرینجی روبونه تصادف ائتمیشدیر.

قاجارلار سلاله‌سین‌دن اولان فتحعلی شاهین بؤیوک اوغلو، ولیعهدی و آذربایجان حاکمی عباس میرزانین حمایه‌سی ایله تبریزده ایلک متبعه یارادیلمیشدیر. لاکین بو متبعه‌نین قورولما تاریخی ایله باغلی فیکیر آیریلیغی مؤوجوددور. بئله کی، مؤوجود ادبیات‌دا بو حادثه‌نین ۱۸۱۲-جی، ۱۸۱۷-جی و ۱۸۱۸-۱۹-جو ایللرده باش وئرمه‌سی حاقین‌دا فیکیرلر سسلندیریلمیشدیر.

زرینه‌زاده آذربایجان‌دا ایلک متبعه‌نین قورولماسی حاقین‌دا «کاوه» ژورنالینین ۱۹۲۱-جی ایلده بوراخیلمیش ۵-جی ساییندان سیتات گتیریر: «فتحعلی شاهین شاهلیغی دؤورونده ایلک متبعه تبریزده قورولدو. بو باره‌ده هوتم-گیندلئر یازیر: «۱۸۱۸-جی ایلده تبریزلی آغا زینالابیدین آدلی بیر آدام تیپوگرافییا، یعنی شریفت ایله چاپ ائتمه متبعه‌سینین آزاجیق آلت-وسایتینی تبریزه گتیره‌رک، آذربایجانین او زامانکی حکمداری اولان جانیشین عباس میرزانین حمایه‌سی آلتیندا کیچیک بیر متبعه‌نین اساسینی قویدو...»... دوکتور کوتون دئییر کی، «۱۸۲۲-جی ایلده میرزا جعفر آدلی بیر گنج ایلک قورشون متبعه‌سینی بو شهرده (تبریزده) ایشه سالدی، چاپ ائدیلمیش ایلک کیتاب ایسه «گلستان» ایدی... تخمیناً ۱۸۲۵-جی ایلده جانیشین عباس میرزا تبریزلی میرزا جعفری موسکوایا گؤندردی کی، بیر داش متبعه گتیرسین و او صنعتی ده اؤیره‌نسین. او، تبریزه بیر دزگاه گتیره‌رک، اونو ایشه سالدی»

یئری گلمیشکن، بعضی مؤلفلر «چاپ» سؤزونون هیند منشأ‌لی اولدوغونو ایر‌لی سورسه‌لر ده، زرینه‌زاده بو سؤزون آذربایجان دیلیندن فارس دیلینه کئچدیینی احتیمال ائتمیشدیر. بئله کی، مغول حکمداری کئیخاتو خان دؤورونده تبریزده «چاو» آدلانان چاپ اولونموش کاغیذ پوللار دؤورییه‌یه بوراخیلمیشدی. عالیمین فیکرینجه، «چاو» تئرمینی «چاپ» سؤزونون قدیم فورماسیدیر: «تبریزده «چاو»این چالینماسی و آذربایجان دیلین‌ده «چالینماق» فعلینین، باشقا معنالارلا یاناشی اولاراق، بیر ده پول چالماق معناسی داشیماسی «چاو» ایله «چالماغ»این علاقدار اولدوغو احتیمالینی دا دوغورور. اولا بیلر کی، بو معنادا اولان «چالماق» سؤزو «چاو»دان عمله گلمیش و اصلین‌ده «چاولاماق» ایمیش». بیبلیوگراف عالیم خلیلوو یازیر کی، عباس میرزانین تحصیل آلماق اوچون اینگیلتره‌یه گؤندردیی میرزا صالح شیرازی اورادا چاپ‌چی‌لیق ایشینی اؤیرنمیش و ۱۸۱۹-جو ایلده تبریزه قاییتدیغی زامان اؤزو ایله بیر چاپ دزگاهی دا گتیرمیشدیر. عینی ایلده آذربایجان عالیمی میرزه زین العابیدین تبریزی ده متبعه‌چی‌لیک فعالیتینه باشلامیشدیر. ائله همین ایل تبریزده گؤرکم‌لی آذربایجان شاعری محمد فضولینین دوغما دیلده یازدیغی «لیلی و مجنون» پویماسی نشر ائدیلمیشدیر. چوخ کئچمه‌دن گونئی آذربایجانینین بعضی دیگر شهرلرین‌ده (اورمییا، اردبیل و س.) ده متبعه‌لر یارادیلدی.

تاریخ
2019.01.03 / 17:15
مولف
آینورا مممدووا
شرح لر
دیگر خبرلر

رسولزادنین فرانسیزجا کیتابی ترجمه ائدیلدی – ایلک دفعه

چاغداش آذربایجان آشیقلارینین شعیرلرینین آنتولوگییاسی چاپ ائدیلدی - فوتو

آنادولونون ان احتیشام‌لی قالالار مسکنی ساییلان -غازی‌آنتپ - فوتو

دومانلی تبریز ۱۲۹-جو بؤلوم

همدان آشیق مکتبینین اوستاد آشیقی وفات ائتدی

سورقو: "تراکتورسازی تبریز" یا "تراکتور آذربایجان"

خوجالی‌دا ارمنیلری شوکا سالان آنونس: باتالیون، جبهه‌یه!

دومانلی تبریز ۱۲۸-نجی بؤلوم

قارا بالیق دۏغۇم گۆنۆن قۇتلۇ اۏلسۇن

تورکییه‌نین تانینمیش آکتیورو وفات ائتدی

خبر خطّی
 
Axar.az'da reklam Bağla
Reklam
Bize yazin Bağla