Axar.az
یوخاری


یئرآلتی گیزلی یولو اولان – کوروغلو قالاسی

آنا صحیفه کولت
12 Punto 14 Punto 16 Punto 18 Punto

کوروغلو قالاسی گدبی رایونونون قالا کندی اراضی‌سین‌ده یئرلشه‌ن قالا. یئرلی داشلاردان کوبود شکیلده، لاکین محتشم محکه‌ملیک‌ده تیکیلیب.

Kult.az خبر وئریر کی، قالا گدبی رایونونون قالاکند و میسکینلی کندلری آراسیندا سیلدیریم قایالیغین زیروه‌سین‌ده یئرلشیر. آذربایجانین خالق قهرمانی کوروغلونون آدی ایله باغلی قالالارا رسپوبلیکامیزین شمکیر، گدبی، توووز و س. رایونلارینین اراضیلرین‌ده راست گلمک اولار. اساساً، ۱۷-جی عصرده اینشا ائدیلیب کوروغلو قالالارینین عمومی جهتی اونلارین حربی-ایستراتژی باخیمدان اوجا، الچاتماز یئرلرده تیکیلمه‌سیدیر.

کوروغ‌لو قالالاری اؤزونه مخصوص مئمارلیق خصوصیتلرینه ده مالیک‌دیر. گدبی رایونون‌دا سیلدیریم قایا اوزرینده اوجالان محتشم کوروغلو قالاسی ایستراتژی باخیم‌دان آلدوقجا الوئریشلی یئرده‌دیر. قالانین غرب طرفی سیلدیریم قایالیق‌دیر. قالا دیوارلارینین ائنی بیر متره یاخین‌دیر. قالانین داخیلین‌ده موختلیف تیکیلیلرین خارابالیقلارینا راست گلمک اولار.مدافعه مقصدی ایله اینشا اولونان «کوروغلو» قالاسینین یئرآلتی گیزلی یولو و گیزلی سو خطی ده آشکار ائدیلمیش‌دیر. ساخسی بورولارلا هارادان‌سا چکیله‌ن سو قالانین ایچریسینده اینشا ائندیلمیش آنبارا داخیل اولور، اورادان ایسه یئرآلتی بورولار واسطه‌سیله آخیب میسکین‌لی کندینین ایچیندن کئچه‌ن چایا تؤکولور.

گدبی رایونو اراضی‌سینده کوروغلونون آدی ایله باغلی زاغا، دره، قالاچا، قایا و خالق آراسین‌دا بونلارلا باغلی موختلیف افسانه‌لر مؤوجوددور. باکی دؤولت اونیورسیتتینین دوسنتی، جغرافییا علملری نامیزدی نادیر ممدووون ۱۹۹۳-جو ایلده چاپ‌دان چیخمیش "آذربایجانین یئر آدلاری" آدلی کیتابین‌دا بونونلا علاقدار چوخ ماراقلی معلوماتلار وئریلمیش‌دیر. مؤلف یازیر: «گدبی رایونو دؤردلر کندی یاخینلیغین‌دا کوروغ‌لو قایاسی واردیر. خالق ایچری‌سین‌ده روایته گؤره، کوروغ‌لو اولجه همین قایانین اوستون‌ده گزیب، بورادان دوشمه‌نلرینین گلیب-گلمدیینه گؤز قویورموش. عینی اراضی‌ده کوروغلو یارغانی آدی دا قئیده آلینمیش‌دیر. سؤیله‌نیله‌ن روایته گؤره، بو، کوروغلو قایادان قیراتین بئلیندن سیچراییب دوشدوکدن سونرا کئچدیی یارغان‌دیر».

تاریخی قایناقلاردا کوروغلونون تاریخی شخصیت اولدوغو قید اولونور. عثمانلی دؤولتی ایله صفویلر آراسین‌دا باش وئره‌ن محاربه‌لر ۱۶-جی عصرین سونو - ۱۷-جی عصرین اوللرینده جلالیلر حرکاتینین باش وئرمه‌سینه گتیریب چیخارمیش‌دیر. ۱۶-جی عصرین ۹۰-جی ایللرین‌ده شرقی آنادولودا باش‌لانان جلالیلر حرکاتی ۱۷-جی عصرین اوللرین‌ده آذربایجانا و قونشو اراضیلره ده یاییلمیش‌دی. جلالیلرین آیری-آیری دسته‌لری، اونلارا قوشولان موفلیس لشمیش کندلیلر و شهر یوخسوللاری یئرلی حاکم دایره‌لرین اوزرینه هوجوم ائد‌رک، اونلارین وار-دؤولتینی اله کئچیریردیلر. موختلیف طایفهلار ایچری‌سین‌دن چیخمیش جلالی دسته باشچیلارین‌دان ان مشهورو آذربایجان تورکو کوروغلو ایدی. همچینین داستانلاردا کوروغلونون مسکه‌نی اولان چنلیبئل قالاسینین ناخچیوان‌دا یئرلشدیی بیلدیریلیر.

قالا یوکسک داغ‌لیق اراضی‌ده یئرلشیر. قالانین کوروغلونون آذربایجان‌داکی اساس سیغیناجاقلارین‌دان اولدوغو گومان اولونور.

تاریخ
2019.01.13 / 10:00
مولف
آیتاج آراز
شرح لر
دیگر خبرلر

گونئی‌ آذربایجاندا نووروزو بئله قید ائدیریک- فتو

آوروپانین دنیزآلتی رستورانی نوروژده آچیلدی - فوتو

تورکییه‌ده کوروغلونون نهنگ عابده‌سی آچیلدی - فوتو

گونئی‌ده بایرام عادت-عنعنه‌لری- ویدئو

نووروز بایرامینین اونودولان مراسیمی: «نوحتابان»

نووروزون دؤولت بایرامی سوییه‌سینه قال‌دیران مشهور آذربایجان‌لی

اردبیل‌ده "نوو اوستو" مراسی‌می-فوتو/ ویدئو

تورک خالقلارینین اورتاق معنوی دیری- نووروز بایرامی

نووروزون قدیم عادتی-تکمچی مراسیمی

تهران بازارین‌دا- آذربایجان رقصی- ویدئو

خبر خطّی
 
Axar.az'da reklam Bağla
Reklam
Bize yazin Bağla