Axar.az
یوخاری


آذربایجان مطبخینین قیش حاضیرلیغین‌دا - میلاخین یئری

آنا صحیفه کولت
12 Punto 14 Punto 16 Punto 18 Punto

«میلاخ» ترمینی اوزومون قورودولماسی ایله باغلدیر. هله سویودوجولارین اولمادیغی دؤورده میلاخلار، همچینین آرمودون، حیوانین، نارین قیشا ساخلانیلماسی اوچون ده موهوم اهمیت کسب ائدیردی.

Axar.az خاتیرلادیر کی، تا قدیم زامانلاردان اوزومو قیش‌دا ایستیفاده اوچون آسان‌دا ایکی اصول‌دان ایستیفاده ائدیلیردی: اولا، ائوین تاوانین‌دا ایپ، یاخود مفتیل چکیلیر، اوزوم سالخیملاری دوزوله‌رک آسیلیردی. میلاخ چوخلو قول-قانادی اولان آغاج پارچاسی‌دیر. عنعنوی اولاراق میلاخ، اساساً، آت پیتراغی (خالق آراسین‌دا بونا قاراخوت دا دئییرلر) بیتکی‌سیندن حاضرلانیردی. حیط یانی ساحه‌لرده آلاق کیمی بیتن، ائنلی یارپاق‌لی بو بیتکینین هوندورلویو بیر متردن آرتیق اولور. یاخشی اینکیشاف ائد‌ن، قارشی-قارشییا اولان یان بوداقلاری واردیر. بیتکی قورویان زامان یونگول اولماقلا یاناشی، بوداقلاری قیریلماغا قارشی داواملیدیر. او قورویان زامان دیبدن وورولور، بوداقلاری ۲۰-۴۰ سانتیمتر اولماقلا، اوجلاری کسیلیر. آسماق اوچون باش حیصه‌سین‌ده ایپده‌ن ایلگک دوزلدیلیر. قاراخوت اولمادیقدا شاخه لنمیش بوداقلاری اولان آغاجلاردان ایستیفاده ائدیلیردی. همین میلاخلار قاراخوتدان دوزلدیلنه نیسبتا داها آغیر اولوردو.

میلاخلار تصروفات داملارین‌دا آسیلیردی. اصلینده، اکثر عائله‌لرده یاردیمچی بینالار اولمادیغی اوچون میلاخلار ائله ائوین تاوانیندان آسیلیردی. فوکلوروموزدا ملا نصرالدینله علاقه‌لی بیر لطیفه ده واردیر: «ملانین ائوینه اوزلو بیر قوناق گلیر. یئییب-ایچدیکدن سونرا یاتماغا اوزانان قوناغین گؤزو تاواندان آسیلمیش میلاخا ساتاشیر. ملایا ائشیتدیرمک اوچون قوناق اوخوماغا باشلاییر: «بیزیم یئرلر، بیزیم یئرلر، یاتاندا اوزوم یئیرلر». ملا ایسه اوزلو قوناغا جواب وئرمک اوچون «بیزده ائله عادت یوخدور. ساخلاییب گوندوز یئیرلر»، – دئییر. بو مثل گؤستریر کی، حقیقتا، اکثر عائله‌لر یاشادیقلاری اوتاقلارا میلاخ آساردیلار.

میلاخ‌دا آسیلان اوزوم نووروز بایرامینا قدر طراوتلی قالا بیلیردی. آرمود، هیوا، نار ایسه ساپلاقلارین‌دان ایپ ایله باغ‌لانیر، یا دا هاوا کئچیره‌ن توربایا ییغیلیب آسیلاردی. آلمانی ایسه اساساً، تاخیلین (آرپا، بوغ‌دا) ایچریسینه قویوب ساخلایاردیلار. بیر فولکلور نومونه‌سی ده بونو تصدیق ائدیر: «آلمانی آتدیم خارالا، قالدی سارالا-سارالا».

تاریخ
2019.01.14 / 16:56
مولف
آینورا مممدووا
شرح لر
دیگر خبرلر

گونئی‌ آذربایجاندا نووروزو بئله قید ائدیریک- فتو

آوروپانین دنیزآلتی رستورانی نوروژده آچیلدی - فوتو

تورکییه‌ده کوروغلونون نهنگ عابده‌سی آچیلدی - فوتو

گونئی‌ده بایرام عادت-عنعنه‌لری- ویدئو

نووروز بایرامینین اونودولان مراسیمی: «نوحتابان»

نووروزون دؤولت بایرامی سوییه‌سینه قال‌دیران مشهور آذربایجان‌لی

اردبیل‌ده "نوو اوستو" مراسی‌می-فوتو/ ویدئو

تورک خالقلارینین اورتاق معنوی دیری- نووروز بایرامی

نووروزون قدیم عادتی-تکمچی مراسیمی

تهران بازارین‌دا- آذربایجان رقصی- ویدئو

خبر خطّی
 
Axar.az'da reklam Bağla
Reklam
Bize yazin Bağla