Axar.az
یوخاری
19 اییون 2019


بو گون غلامحسین ساعدی نین گونودور...

آنا صحیفه کولت
12 Punto 14 Punto 16 Punto 18 Punto

بو گون چیلله آیی نین 24-نجی گونو، دکتر غلامحسین ساعدی نین، دوغولان گونودور.

چیلله (دی)آیینین 24 -جو گونو 1314-جو ایل تبریز شهرین ده، کارمند بیر عاییله ده دونیایا گؤز آچدی. 1321-جی ایلده ایلک اوخولو "بدر" اوخولوندا کئچیریب، سونرا منصور مدرسه سینده درسینی داوام ائتدی. اوزامان ایلک حیکایه لرینی یازماغا باشلادی. گنج چاغلاریندا آذربایجان دموکرات فرقه سینه قاتیلیب، 17 یاشیندا، نئچه قزئته نین باسیلماسینی اوسته له ندی. 18 یاشیندا توتوقلانیب، تبریز شهرینده حبس اولوندو.1333-جو ایلده دیپلم آلیب، تبریز دانشگاهیندا، حکیم لیک درسلرینه باشلادی.

دانشگاه چاغلاریندا سیاسی فعالییتلره قاتیلیب، او زامانلار صمد بهرنگی له تانیش اولدو. همن بو دؤور ده قیسسا حیکایه یازماغی جیددی شکیلده باشلادی. اؤز تحصیلاتین گئنل دوکتور اولارق،سونرالار پئسیکولوژی اوزمانلیق آلانیدا بیتیریب ،روزبه آدلی خسته خانادا مشغول اولدو.اؤز مطبینده یوخسول خسته له ری ،ویزیت آلمادان معاینه ائدیب ،اونلارا داوا-درمان آلماقدا دا یاردیم ائدردی .او مطبله ایلگیلی بئله یازمیشدی :اورا عجایب-غرایب بیر دونیا یدی .من هرزامان اوردا اولاردیم .اورا آیدین اینسانلارلا گؤرشمه یئرینه چئوریلمیشدی .آل احمد،شاملو،به آذین ،سیروس طاهباز ،م .آزاد و باشقالاریلا اوردا گؤروشوردوک .

او نمایشنامه یازاماقدان علاوه قزئته لرده مقاله لر ده یازاردی .1353-جو ایل ساواک الیله توتوقلانیب ایشکنجه گؤرولوب،خسته خانایا قالدیریلدی .

شاملو بو قونودا بئله یازیبدیر:او زینداندان آیریلدیغیندا ،بیر یاری جانلی جنازه یدی.او یارادیجیلیقلی اینسان،ایشکنجه لردن سونرا ،آرتیق موطلق بیر یاشام سورمه دی .یاواش -یاواش اؤز ایچینده چیرپینیب ،اؤلدو .بیر آغاجی هله گنج کن ،کسیرسن ،اونون بؤیویوب ،بوی آتماغینا مانع اولمازسیز، تکجه اونون اؤلومونه نه دن اولارسیز.ساعدینی کسمیشدیلر .

غلامحسین ساعدی آذرین ایکینجی گونو 1364-جو ایلینده ایچ قاناماسیندان سونرا پاریس شهرینده ،خسته خانادا دونیادان کؤچدو .

ائلیمیز -اؤلکه میز اونو اونوتمایاجاق .

تاریخ
2019.01.14 / 20:44
مولف
آیتاج آراز
شرح لر
دیگر خبرلر

دومانلی تبریز ۱۲۶-اینجی بؤلوم

مصائب و دشواری های "زیست آکادمیک" در پژوهشگاه علوم انسانی

نسیمینین غزللر توپلوسو موسکوادا ایشیق اوزو گؤردو

دومانلی تبریز ۱۲۵-اینجی بؤلوم

خییوو اؤیکو یازارلاری بیر یئره توپلاندی

دومانلی تبریز ۱۲۴-اۆنجو بؤلوم

گونئی آذربایجان فولکلورو-«چؤمچه خاتون» مراسی‌می

آذربایجان ایلک و سون عنوانیم ، باش تاجیم‌دیر- آغابی آذربایجانی

دومانلی تبریز ۱۲۳-اونجو بؤلوم

عالیم قاسیموو کیلسه‌ده اذان وئردی - ویدئو

خبر خطّی
 
Axar.az'da reklam Bağla
Reklam
Bize yazin Bağla