Axar.az
یوخاری
23 فئورال 2019


سئوگیلیمله یالنیز قالماق اوچون تلسیردیم... - شهریار

آنا صحیفه کولت
12 Punto 14 Punto 16 Punto 18 Punto

سید محمد حسین شهریارین آتاسی حاجی میراغا حقوقشوناس، آناسی کؤوکب خانیم شیفاهی خالق ادبیاتینا، کلاسسیک شعیره بؤیوک ماراغی اولان ضیالی بیر قادیندی. سؤز، شعیر، ادبیات، کیتاب موحیطین‌ده بؤیویه‌ن شهریارین اوشاق‌لیق‌دان آناسینین، آتاسینین دیلین‌دن ائشیتدیی شعیرلر سونرالار اونون یارادیجی‌لیغینا تأثیر ائتدی. آناسی سید عظیم شیروانی حیرانی اولدوغو اوچون اوغلون‌دا دا بو شاعره سئوگی آشیلامیشدی. یقین ائله بونا گؤره ده شهریار یارادیجیلیغین‌دا سید عظیم شیروانی‌دن تأثیرله‌نمه‌لر، اونون قزللرینه نزیره‌لر چوخ‌دور.

بیر یان‌دان ادبیات، صنعت موحیطینه بؤیوک ماراغی، دیگر طرف‌دن آلدیغی موکممل تحصیل، همچینین، ایران‌دا شاه رژیمینه قارشی آردیجیل داوام ائد‌ن عصیان آب-هاواسی، بوتون بونلار شهریارین صنعتینه تاثیرسیز اؤتوشمه‌دی. اما شاعرین بیوگرافییاسینا نظر سالان‌دا بیر حادثه بوتون بو سادالادیقلاریمدان داها تأثیرلی گلیر آداما. بیلمیرم، بلکه ایچری‌سینده یاشادیغیمیز دونیادان باخان‌دا بئله دؤزولمز گؤرونور بو فاکت، بلکه شاعرین بیوگرافییاسینین باشقا صحیفه‌لری، آیری یاشانتیلاری بون‌دان داها موهوم‌دور. اما صحبت شاعر اولماق‌دان گئدیرسه، بو ایتکینی، آغرینی نظره آلماماق اولماز. آخی صنعتین کؤکون‌ده بیر آغری، بیر قورخو اولمالیدی، موطلق اولمالی‌دی. شوبهه‌سیز، بونا قدر ده شهریار آرتیق آز-چوخ تانینیردی، شعیرلری متبو اورقانلاردا چاپ اولونور، سئویلیردی، طب اینستیتوتونو بیتیرمه‌سینه ایسه لاپ آز قالیردی.

سئودیی قیز سورییا، شاعر اونو پری دئیه چاغیریردی... بلی، شاعرینین عمرونون ان آغری‌لی مقامی ائله بودور. رضا شاه پهلوینین قوهومو عبدول حسین تیمورتاش سورییایا عاشیق اولور و شهریاری تهران‌دان، یعنی قیزدان اوزاقلاشدیرماق اوچون شاعری نیشاپورا سورگون ائلتدیریر. بئله‌لیکله، شهریار تحصیلینی ده باشا وورا بیلمیر، سئوگی‌لیسیندن ده آیری دوشور.

احمد کاویانپور «اوستاد شهریارین ادبی و اجتماعی حیاتی» مونوقرافییاسین‌دا همین حادثه‌نی تفرعاتی ایله تصویر ائدیر، شهریارلا شخصاً بو مؤوضوعدا صحبت ائد‌ن بهروز سیاهپوشون خاطره‌سینی قلمه آلیر: «اوستاد ۱۹۲۹-جو ایلده تهران اونیورسیتتینین ۵-جی کورسون‌دا بوراخیلیش ایمتحانلاری زامانی عباساباد محله‌سین‌ده‌کی «سیپه» خسته خاناسین‌دا تجروبه کئچیرمیش. اوستاد دئییردی کی، بیر گون منی خسته خانانین مودیری - باش حکیم چاغیرتدیردی. ایچری گیردیک‌ده ریسین اوتاغین‌دا بیر سرگرد - مینباشینین منی گؤزلدیینی گؤردوم.

رئیس ناراحات ایدی. مینباشی-مایور دئدی کی، سننه‌ن ایشیمیز وار و منی دجبان حبسخاناسینا آپاردیلار. عبدولحسین تئیمورتاش حبسخاناداکی مأمورلارا دئییبمیش کی، منی اورادا اؤلدورسونلر. پری-سورییانین آناسی اونلارین منی حبس ائتدیینی بیلدیک‌ده، اوز-گؤزونو جیریر، چوخ آغلاییب-سیتقاییر. تئیمورتاشا یالواریر کی، بو یازیق سیدین گناهی ندیر کی، اؤلومونه چالیشیرسینیز؟ جددی بیزی توتار، علینیزی قانا باتیرمایین! تئیمورتاش جاواب وئریر کی، اونو بیر شرطله اؤلدورمره‌م، تهران‌دان چیخیب گئتسین. اوستاد سؤیلییر کی، عبدولحسین تئیمورتاشین سووئتلر بیرلیینین مرکزی تهلوکه‌سیزلیک ایداره‌سی ایله علاقه‌سی وار ایدی، هر شئی‌دن خبرداردی. شاهین وزیری اولان بو جللاد قومارباز و شهوت دوشکونو ایدی. سرخوش اولدوغو زامانلار هئچ بیر قادین اونون الین‌دن قورتولا بیلمزدی.

مقصدینه چاتماق اوچون هر واسطه‌یه ال آتاردی. ۱۹۳۳-جو ایلده روشوت آلدیغینا گؤره گوناهلاندیریلیر. آچیق محکمه، دیوان قورولدو. افو اولونماسی اوچون ائله ده جانفشان‌لیق ائتمه‌دی، بیر-ایکی دفعه آغلادی، آنجاق بیر کمکی اولمادی، زین‌دانا سالین‌دی. ۱۹۳۴-جو ایلده تهران‌دا قصر زیندانین‌دا زهرلنیب اؤلدورولدو. اونون فاجعه‌لی اؤلومونو سکته‌دن (اینفارکت) اولموش کیمی قلمه وئردیلر. سونرا اوستاددان سوروشدوم کی، تئیمورتاش چوخ قودرت‌لی، گوجلو آدام ایدی، نئجه اولدو کی، اؤلدو؟ دئدی کی، اونو منیم جددیم اؤلدوردو. بختی گتیرممیش‌دی، ائیبجر آروادی یوکسک جمعیت مجلیسلرینه چیخاسی حال‌دا دئییلدی. مقام صاحبی اولدو، وظیفه توتدو، منیم سئوگیلیمه گؤز یئتیردی، سونو دا بئله اولدو...»

پری-سورییا نفوذلو، معاصر بیر عائله‌نین قیزی ایدی. عائله‌ده شهریاری دا قبول ائدیر، قیزین اونونلا اونسیتینه مانع اولموردولار. جمشید علیزاده نین شهریار حاقین‌دا کیتابین‌دا شاعرین بیر خاطره‌سی یئر آلیب: «ائوده پولکوونیکین بیر نئچه دوستو اوتوروب صمیمی صحبت ائدیردیلر. آتاسی زؤوق و حال اهلی ایدی. چوخ واخت دوستلاری ایله بیرلیک‌ده مجلیس قورار، موختلیف مؤوضوعلاردان صحبت آچاراق واختلارینی خوش کئچیرردیلر. من ده اونلارلا بیر چوخ مؤوضوعدا صحبت ائتدیم. لاکین سئوگیلیمله یالنیز قالماق اوچون صبریم، حوصله‌م دارالیر، تلسیردیم. ایستییردیم کی، قوناقلار تئز گئتسینلر. سورییانین آناسی وضعیتی چوخ تئز آنلادی و بهانه ایله قوناقلاری ائشییه چیخاردی. من بو آنلارین تأثیری آلتین‌دا «اوددا یانان پروانه» شعیریمی یازدیم. بیز بختور عاشیقلر هئچ آغلیمیزا دا گتیرمیردیک کی، دوشمن علیهیمیزه پلان جیزیر و قارشی‌دا مصیبت‌لی گونلر بیزی گؤزلییر...»

تاریخ
2019.02.13 / 10:36
مولف
آیتاج آراز
شرح لر
دیگر خبرلر

حسن آغا تورابووون آنیم گونودور

کالیفورنییادا خوجالی سویقیریمی ایله باغلی فیلم - ویدئو

ارمنی موغه‌ننی بسته بوی اولدوغونا گؤره فستیوال‌دان قووولدو

اوریی آذربایجانلا دؤیونن، آمریکالی آذربایجان‌لی خانیم

نادیر شاهین ۱۱ یاش‌لی اوغلو آوسترییایا بئله قاچیریلیب

آنا دیلین‌ده کیتابلار سرگیسی کئچیریلدی – مرندده

تورک موباریزلیینین، دؤنمزلیینین،سئوگیسینین داستانی -ساری گلین

تبریزده آشیق صنعتی ایله باغلی ماراقلی تقدیمات – فوتو

گونئی آذربایجان‌دا تورکلره مخصوص داغ تؤره‌نلری

روحانی نین آذربایجانا اراضی ادعاسینا تاریخ‌چیدن شوک جواب

خبر خطّی
 
Axar.az'da reklam Bağla
Reklam
Bize yazin Bağla