Axar.az
یوخاری
23 فئورال 2019


دومانلی تبریز ۲۱-اینجی بؤلوم

آنا صحیفه کولت
12 Punto 14 Punto 16 Punto 18 Punto

کؤچورن: فرخ جرایدی

ثقة الاسلام بوُ اوُزون صحبت‌ده یئنه ده اؤز سؤزونو آچیْق دئیه بیلمیردی . اوْ سوْسیال-دموکرات لیغی ، شریعت و دین‌له باریْشدیرماق ایسته‌ییردی . اوْنون فکرینجه انقلاب دی‌نله اَل بیر ایشله‌مه‌لی و بۆتۆن رهبرلیک دین رهبرلرینین الینده اوْلمالی ایمیش.

اوْ انقلابیْن دشمنلرینی امام جمعه ، میرازا کریم و میرزا حسن آغا مجتهد دۆشۆندگۆ کیمی دۆشۆنۆرۆو . اوْنون فکرینجه انقلاب مساله‌لری انقلابیْن دؤیوش شوُراسی دگیل ، یئنه ده هیسلی مسجدلرده ، داش ستونلارین آلتیْندا ، داها آچیْغی داغیْلمیش قرآن ورق‌لری و سیْنمیش مؤهورلر و اۆست-اۆسته ، تؤکولن منبرلرده حلّ اوْلونمالی ایمیش.

ثقة الاسلام اَن آخیرده سؤزونو بئله قوُرتاردی :

« هر مملکتین انقلاب رهبری اوْ مملکتین اؤزۆندن دوْغمالیدیر . اؤز رهبرلرین یئتیرمه‌میش بیر اؤلکه‌ده انقلاب حرکتلرین ایره‌لی آپارماق مۆمکۆن دگیل . بوُ یالنیز ایرانا اؤزل دگیل ، هر بیر اؤلکه‌ده بئله دیر».

مجتهد بوُ سؤزلرین بیتیردیکدن سوْنرا ستارخان و باقرخان مساله‌سینه کئچرک دئدی:

« ستارخان و باقرخان مساله‌سینه گلدیکده اوْنلارلا آنلاشماق هئچ ده مۆمکۆن دگیل . هله‌لیک اوْنلار اؤز آرالاریْندا باریْشا بیلمیرلر.

ستارخان امیرخیز ده باقرخان ایسه خیاوان محلله‌سینده یئرله‌شیب اؤز آپاراتینی قوُرموشدور . اوْنلارین بوُ حرکت لری انقلابیْن گئدیشینی اؤز گئرچک جیْغیریندان چیْخارمیش اوْلور . اوْنلارین بیر چوْخ ایشلری انقلاب دشمنلرینین الینه سیلاح وئریر .»

مجتهدین سؤزلری اوپۆزده نه قدر دوْغرو ایسه، اوْنون دئدیکلرینین باشقا بیر معناسی دا واردی کی ، اوْ دا قافقاز سوْسیال-دموکرات لارینی سئومه‌مکدن عبارت ایدی .

مجتهد بیزی ناهار یئمه‌گینه ساخلاییردی . قالماق ایسته‌مه‌دیم . بیر استکان چای ایچدیک . مجتهدله گؤروشه‌رک حاج علی دوافروش و باشقا یوْلداشلار لا بیرگه چیْخدیق ، آغا تئز-تئز گلیب گؤرشمه‌گیمیز اۆچۆن بیزدن سؤز آلدی.

دیْشاری چیْخدیقدان سوْنرا دانیْشدیق . حاج علی گوله‌رک دئدی:

« اوُزاقدان بوُنون آدیْنی ائشیدنلر بوُ کیمی نفوذ صاحبی مجتهدین انقلابا بؤیوک فایدا وئره‌جگینی دۆشۆنۆر . لاکین یاخیْندان تانیْش اوْلانلار بوُنون نه دئمک ایسته‌دیگینی و بوُنلارین انقلابا نه آماجلا یاناشدیْغینی بیرینجی گؤروشده آنلاییرلار . ثقة الاسلام ، " اسلامیّه " آدی ایله تشکیل ائدیلمیش ضد انقلاب تشکیلاتی باشیْندا دوُران روحانی‌لردن دگیل دیر . بوُ اوْنلارا گؤره دئمک اوْلار کی انقلابیْن دوْستودور. لاکین بوُ انقلابی اسکی دینی موْهوماتلا باریْشدیْرماق ایسته‌ییر . صنفی مبارزه و اقتصادی ضدّییتلر مساله‌سی بوُنون هئچ ده باشیْنا گیرمیر.

قافقاز سوْسیال-دموکرات لارینی ، اؤزللیکله باکیْ ایشچی لرینی ایسته‌مه‌مه‌سینین بیرینجی سببی بوُدور کی ، قافقازلی‌لار انقلابی اؤز حقیقی جیْغیریله آپاریر و انقلابی دینی ائتگی‌لردن چیْخارماغا چالیْشیرلار. ثقة الاسلام اوْنو یاخشی بیلیر کی ستارخان و اوْنون آپاردیغی انقلابا بؤیوک یاردیْم ائدن قافقاز ایشچی‌لری دیر . بوُنون اۆچۆن ده مجتهد ستارخان لا هئچده اوُیوشا بیلمیر . اصلینده بوُ مجتهد آرالیْقدا قالمیْشدیر . اوْ ضدّ انقلاب تشکیلاتینا هئچ واقت قوْشولا بیلمز ، چۆنکۆ اوْنون مذهب و طریقت دشمنلری اوْلان اصول مجتهدلری تمامیله ضدّ انقلاب قرارگاهیْندا دیرلار .ایش بئله اوْلدوقدا مجتهد انقلاب جبهه‌سینده جددی اشتراک ائده بیلمیر ، چۆنکۆ اوْ انقلابیْن طریقت و مذهب له بیر اوْلماسینی چوْخ گؤزل بیلیر . هر حالدا اوْنون ینقلابا میل ائتمه‌سی یئنه ده اؤز؟ اۆچۆن اَل وئریشلی اوْلدوغوندان بیزیم طرفیمیزده اوْلدوغونو ایشده یوْخ ، سؤزده گؤستریر . عینی زاماندا سیزه دئدیکلری سؤزلری ده داییم تکرار ائتمکده دیر».
حاج علی سؤۆونۆ بیتیردیکده من و یانیْمدا اوْلان یوْلداشلارین هامیسی : « دوْغرو دان دا بئله دیر» دئدیک.

ثقة الاسلام یْن ائویندن چیْخدیقدا یوْلدا بیر نئچه انقلاب رهبرلرینه راست گلدیک . بوُنلارا بیز حاج علی‌نین ائوینده ایکن سفارش گؤندریلمیشدی .

اوْنلار بیزیم ثقة الاسلام-یْن ائوینه گئتدیگیمیزی ائشیدیب اوْرایا گلدیکلرینی و بیزیمله گؤرۆشمک ایسته‌دیکلرینی خبر وئردیلر .
یوْلدا بیزه راست گلنلر ستارخان-یْن مرکزی هئیأتینی تشکیل ائدن آداملار ایدی . هامیسی ایله گؤرۆشۆب ، اؤپۆشدۆک.

اؤپوشمک انقلاب چیْلار آراسیْندا کی یوْلداشلیغین علامتی اوْلاراق عادت یئرینی آلمیشدیر.

بوُنلارلا گؤرۆشدۆکدن سوْنرا " سید حسن تقی زاده "*- نین گؤرۆشۆنه گئتمک ایسته‌دیگیمی یوْلداشلارا خبر وئردیم و نئجه یاشادیْغینی سوْروشدوم . هامی دان اؤنجه حاج علی بوُ باره ده دانیْشدی:

« اوْنونلا گؤرۆشمک عئیب دگیل ، هله‌لیک اوْ انقلابا نظری و تاریخی جهت دن یاناشیْر . حاضردا ائله قطعی بیر فعالییت گؤرۆنمه‌میشدیر. اوْ یالنیز مصلحت وئرمه‌گی سئویر . اوْنون ایران حاقیندا یئنی یازی سین اوْخومالی سینیز».

اوْخوموشام . " احوال کنونی ایران با با محاکمت تاریخی " آدلی بیر یازی‌سینی گؤرمۆشم».

حاج علی گۆله‌رک : « بلی ، اثری اوْ دور . »- دئدی.

یوْلداشلارین تقی زاده ایله گؤروشمه‌گه گؤیۆللری اوْلمادیْغینی گؤرۆب ، اؤز گؤرۆشۆمۆ باشقا بیر زامانا ساخلاماغی قرارا آلدیم .
من بوُ صحبت دن سوْنرا " حاج علی قلی وثوق نظام "- لا گؤرۆشمه‌گی دۆشۆندۆم ، چۆنکۆ اوْنون تبریز-جولفا یوْلونون انقلاب چیْلار الینده قالماسی ایشینده اؤنملی روْل اوْینایا بیله‌جگی بللی ایدی . من بوُنو یوْلداشلارا دا دئدیم . اوْنلار بوُ گؤرۆشه راضی اوْلدولار .

* سوْنرالار ایرانین مالیه باخانی اوْلموشدور.

تاریخ
2019.02.13 / 13:27
مولف
محمد سعید اردوبادی
شرح لر
دیگر خبرلر

حسن آغا تورابووون آنیم گونودور

کالیفورنییادا خوجالی سویقیریمی ایله باغلی فیلم - ویدئو

ارمنی موغه‌ننی بسته بوی اولدوغونا گؤره فستیوال‌دان قووولدو

اوریی آذربایجانلا دؤیونن، آمریکالی آذربایجان‌لی خانیم

نادیر شاهین ۱۱ یاش‌لی اوغلو آوسترییایا بئله قاچیریلیب

آنا دیلین‌ده کیتابلار سرگیسی کئچیریلدی – مرندده

تورک موباریزلیینین، دؤنمزلیینین،سئوگیسینین داستانی -ساری گلین

تبریزده آشیق صنعتی ایله باغلی ماراقلی تقدیمات – فوتو

گونئی آذربایجان‌دا تورکلره مخصوص داغ تؤره‌نلری

روحانی نین آذربایجانا اراضی ادعاسینا تاریخ‌چیدن شوک جواب

خبر خطّی
 
Axar.az'da reklam Bağla
Reklam
Bize yazin Bağla