Axar.az
یوخاری
25 آپرئل 2019


بؤیوک آغری‌دان شهریار ان تأثیرلی شعرینی یازیر... - متن

آنا صحیفه کولت
12 Punto 14 Punto 16 Punto 18 Punto

«اوددا یانان پروانه» شعیرین‌ده شاعرین بو تصویر ائتدیی حادثه‌دن داها چوخ ساده‌جه دلی، حتی صبیرسیز بیر سئوگیسی دویولور و اؤزو دئدیی کیمی، قارشی‌دا بو چیلغین آشیقلری نلرین گؤزلدیینی تصور ائد‌نده میصراعلاری هیجان‌سیز اوخویا بیلمیرسن:

گؤردوم کی، سئوینجدن دخی بولبول ده سوسارمیش،

لاله دوداغین قاچدی، گولوش سیررینی قاندیم.

هوریم، ملکیم، گؤزلریمین نوری ده سن‌سه‌ن،

سندن ساوایی دونیادا هر شئی‌دن اوساندیم.

قومرو اوخودو شهریارین نغمه‌سین ازبر،

سرویم، باشینا قومرو کیمی بیر ده دولاندیم.

آخی عصیان‌سیز نه سئوگی، آخی اصل سئوگی مقاومت گؤسترمه‌لیدیر، موباریزه آپارمالی‌دیر. البته، شهریارین رقیبی، دوشمنی چوخ گوج‌لو ایدی، اما هر حال‌دا گنج آشیق سئوگی‌لی‌سینی قاچیرماغا جهد ائتدی و بو ایشده اونا ثریانین آناسی کؤمک ائتملیدی. آنا بهجت آباد پارکین‌دا شهریارین ثریا ایله گؤروشمه‌سی اوچون شرایط یاراتمالی ایدی. گئجه باش توتمالی ایدی بو گؤروش. شهریار سحره‌جه‌ن گؤزله‌سه ده، قیز گلمیر، رقیب بوتون یوللاری باغلامیشدی. اما بو بؤیوک آغریدان، سارسینتی‌دان شاعرین ان تأثیرلی شعیرلرین‌دن بیری یازیلیر:

اولدوز سایاراق گؤزلمیشه‌م هر گئجه یاری،

گئج گلمه‌ده‌دیر یار یئنه، اولموش گئجه یاری.

گؤزلر آسیلی، یوخ نه قارالتی، نه ده بیر سس،

باتمیش قولاغیم گؤر نه دؤشورمکده‌دی داری.

بیر قوش: «آییغام» - سؤیله‌یه‌رک گاهدان اینیلدر،

گاهدان اونو دای یئل دئیه لای-لای هوش آپاری.

یاتمیش هامی، بیر الله اویاقدی، داها بیر من

من‌دن آشاغی کیمسه یوخ، اوندان دا یوخاری.

قورخوم بودو، یار گلمه‌یه بیردن یاریلا صوبح،

باغریم یاریلار، صوبحوم، آچیلما سنی تاری!

دان اولدوزو ایستر چیخا، گؤز یالواری، چیخما،

او چیخماسا دا، اولدوزومون یوخدو چیخاری.

گلمز، تانیرام بختیمی، ایندی آغارار صوبح،

قاش بئیله آغاردیقجا، داها باش دا آغاری.

عشقین کی، قرارین‌دا وفا اولمایاجاقمیش،

بیلمه‌م کی، طبیعت نیه قویموش بو قراری؟

سانکی خوروزون سون بانی خنجردی سوخولدو،

سینه‌مده اورک وارسا، کسیب قیردی داماری.

ریشخندیله قیرجاندی سحر، سؤیله‌دی: - دورما،

جان قورخوسو وار عشقین، اودوزدون بو قوماری.

اولدوم قاراگون آیریلالی او ساری تئلدن،

بونجا قارا گونلردیر ائد‌ن رنگیمی ساری.

گؤز یاشلاری هر یئردن آخارسا، منی توشلار،

دریایا باخار، بل‌لیدی، چایلارین آخاری.

ازبس منی یارپاق کیمی هیجرانلا سارالدیب،

باخسان اوزونه، سانکی قیزیلگولدو، قیزاری.

محرابی-شفقده اؤزومو سجده‌ده گؤردوم،

قان ایچره غمیم یوخ، اوزوم اولسون سنه ساری.

عشقی وار ایدی شهریارین گول‌لو-چیچکلی،

افسوس، قارا یئل اسدی، خزان اولدو بهاری.

شعیرین هر میصراعسیندا دهشت‌لی عذاب وار، اما هم ده چاره‌سیزلیک، اومیدسیزلیک، چیخیلمازلیق. سن تالعین قارشینا چیخاردیغی مانعه‌لرین قارشی‌سیندا اؤزونو گوجسوز حس ائدیرسن و «من‌دن آشاغی کیمسه یوخ» دوشونجه‌سی محض بوندان یارانیر. دونه‌ن ائله بیلیردین کی، حؤکمونله دونیانی ایداره ائده، قودرتینله تالعینی یؤنله‌ندیره بیلرسن. بو گون قفیل زلزله، داغیدیجی اولای قارشی‌سیندا دیلسیز-عقلسیز بیر مخلوقا چئوریلمی‌سه‌ن. الین هئچ هارا چاتمیر، اوریین پارتلاماغا گلیر و یالنیز سؤز، شهریارین شعیری کیمی، بیر آزاجیق اووودور، اما او دا یارالارینا ملحم اولمور...

تاریخ
2019.02.14 / 11:33
مولف
آیتاج آراز
شرح لر
دیگر خبرلر

آذربایجان و ایران شاعرلری باکی‌دا "اینتظار" شعیر آخشامین" دا توپلاشدی

بایات طایفاسینین ایران‌لی "دون خوان"ی

اوشاقلاردا نئچه یاش‌دا کیتابا ماراق یاراتمالیییق؟

دومانلی تبریز ۸۳-اونجو بؤلوم

تبریز حسرتیله یانان مهاجیر گونئی‌لی شاعره

اردبیل‌لی رژیسور آذربایجان‌دا «سینمارین قتلی» تاماشاسینی حاضیرلاییر

میانانین اوستاد آشیغی دونیاسینی دییشدی- ویدئو

اورمییا یئددینجی گول فستیوالینا ائو صاحبلیگی ائد‌جک

بایات طایفاسین‌دان اولان آذربایجان‌لی دیپلمات

آذربایجان الیازما خزینه‌سینه تؤهفه بخش ائد‌ن گونئی‌لی عالیمیمیز

خبر خطّی
 
Axar.az'da reklam Bağla
Reklam
Bize yazin Bağla