Axar.az
یوخاری
18 فئورال 2019


آذربایجانین قدیم پیر حسین خانگاهی – فوتو

آنا صحیفه کولت
12 Punto 14 Punto 16 Punto 18 Punto

بؤیوک صوفی شیخی، گؤرکه‌ملی عالیم، فیلوسوف، آذربایجان‌دا علمی فلسفی فیکیر تاریخین‌ده، ایسلام-فلسفی دونیاگؤروشونون فورمالاشماسین‌دا موهوم رول اوینامیش پیر حسین شیروانینین مزاری اطرافین‌دا فورمالاشان خانگاه کومپلکسی، آذربایجانین حاجی قبول رایونو اراضی‌سین‌ده، باکینین ۱۲۷ کم-ده، پیرسات چایی ساحلین‌ده، قدیم باکی-سالیان تیجارت کاروان یولو اوزرینده یئرلشیر.

خانگاه کومپلکسینده توربه، مجسید، میناره، زیارتجیلرین قالماسی اوچون بینالار، تؤوله، قالا دیوارلاری، کاروانسارای، اورتا عصیرلره عایید توربه، حجره‌لر و قدیم قبیرستان‌لیق داخیل‌دیر. خانگاها بؤیوک وقف املاکی و تورپاقلار مخصوص ایدی.

بو مقدس پیر، عبادته گلن چوخ سای‌لی زووارلاری او، جمله‌دن شیروانشاهلاری و دیگر هؤکومدارلاری اؤزونه جلب ائدیردی. پیر حسین توربه‌سینین بوتون داخیلی دیوارلاری و بو اوتاغین ایچری‌سین‌ده‌کی قبر صندوقه‌سی واختی ایله چوخ بؤیوک بدیعی اوستالیقلا دوزلدیلمیش کاشی صنعتینین خصوصی بیر نؤوعو ایله حاضیرلانمیش اورنامنت و یازیلارلا بزکلی اولوب. شیخ پیر حسین شیروانین توربه‌سی معمارلیق کومپلکسینین شیمال-غرب بوجاقی قالا دیوارینا بیتیشیک تیکیلیب. بؤیوک یازی قورشاغیندا توربه‌نین زنگین بزک ایشینین تماملانما تاریخی هیجری ۶۸۴-جی ایل (۱۲۸۵) گؤستریلیب. بو تاریخ بیر نئچه سککیز بوجاقلی اولدوزون اوزرینده‌کی یازیلاردا آشکار ائدیلمیش و سونونجو تاریخله اوست-اوسته دوشور.

شیخ پیر حسینین کیچیک اؤلچولو توربه‌سینی دونیادا مشهورلاشدیران اونون اینتریئرینده زیارتگاه اوچون ضروری اولان چوخ تأثیرلی روحسال موحیط یارادان کاشی بزیی اولوب. توربه اینتریئرینده اؤلچو کیچیکلیینین یاراتدیغی داریسقاللیغی پارلاق و الوان بویالی، دورلو اورلامنتال معمارلیق بزیی ایله کومپئساسییا ائتمیش اوستالار ائلین مقدس سایدیغی شیخین قبری چرچیوه‌سینده اصل سیموولیک جننت یارادا بیلیب.

آغ، یاشیل، فیروزیی، ماوی رنگلرله بویانمیش بو کاشیلارین اوزرین‌ده‌کی نباتی ناخیشلار، یارپاق، گول، چیچک، قیوریم بوداقلاردان تشکیل ائدیلمیش یازیلاردا ایسه شعر و مقدس قوران‌دان گؤتورولموش بعضی دینی سؤزلر وئریلیب. شرقشوناسلار کاشیلاردا راست گلینه‌ن سؤزلرین خالقانی شیروانییه و جلال الدین رومییه مخصوص اولدوقلارینی قید ائدیرلر.

پیر حسین خانگاهینا ان بؤیوک داغیدیجی ضربه‌نی ۱۹۱۸-جی ایلده اراضیمیزده سویقیریم تؤره‌دن ارمنی س. لالایانین قولدور دسته‌سی ووروب. کاشیلارین بؤیوک بؤلومونو همین قولدور دسته‌سی سیندیریب . آزغینلاشمیش ارمنی یاراقلیلاری کاشی لؤوحه‌لرینی سین‌دیرماقلا کیفایتله‌نمییه‌رک، بو نادیر معمارلیق اثرینی بوتونلوکله خارابازارا چئویریب.توربه‌نین بؤیوک پانوسونون اولدوز و خاچلارینین چوخو ۱۹۲۵-جی ایلده لنینگرادا (سانکت-پطربورگ) آپاریلیب. خانگاهدان آپاریلمیش ۱۲۳ چیلچیراقلی اولدوز، ۳۲۵ فیروزیی خاچ لؤوحه و باشقا کیچیک کاشی پارچالاری بو گونده دؤولت ارمیتاژینین کوللکسییاسیندا ساخلانیلیر.

خانگاهی دؤوره‌له‌یه‌ن قالا دیوارلاری ایچریسینده ایری اولمایان،حجملی باشتاغ شکیلینده حل ائدیلمیش گیریش قاپیسی مرکب کونفیقورییاسییالی، داش دؤشه‌مه‌لی ایچ حیطه آچیلیر. اونونلا اوز-اوزه مجسیدین گیریش قاپی‌سی یئرلشیر. حیطی دؤوره‌له‌یه‌ن بینا و یئرلشگه‌نلرین هامی‌سی تاغبندلی اؤرتولو اولوب، یاستی داملارینین موختلیف سوییه‌لری ایله ماراقلی حجم قورولوشو یارادیر.

تاریخ
2019.02.14 / 12:49
مولف
آینورا مممدووا
شرح لر
دیگر خبرلر

شهریارین دیلی، عادتی یاساق اولونموش خالق اوچون بؤیوک تسل‌لی‌دیر

صفویلر دولتینین ۲-جی شاهی ۱-جی تهماسیب

نظامی گنجوی «آلمان جبهه‌سی»نده - رسملر

دومانلی تبریز ۲۴-اۆنجۆ بؤلوم

شاه ایسماییل فارس دؤولتینین حکمداری اولوبسا...

ایللر سونرا سئوگی‌لی‌سی ایله گؤروشن شاعر چوخ ساده سوال وئردی...

نظامی گنجوییه هدییه ائدیله‌ن کند

«باریش» موسیقی قروپونون کنسرتی لغو اولوندو-مرندده

بؤیوک تورک متفکری-حسین نیهال آتسیز

۲۰-جی عصرین ایلک آنا دیلی درسلیگی...اونیکال نشر - فوتو

خبر خطّی
 
Axar.az'da reklam Bağla
Reklam
Bize yazin Bağla