Axar.az
یوخاری
22 آپرئل 2019


اسد آباد - تورکلرین محاللاری کوردلشدیریر

آنا صحیفه کولت
12 Punto 14 Punto 16 Punto 18 Punto

اسدآباد دئییله‌ن یئر همدان ویلایتینین باتی‌سیندا، کوردلرین مسکون اولدوغو کوردوستان ویلایتی ایله کرمانشاه ویلایتینین آراسیندا سیخیشمیش و کوردلشدیریلمه‌یه چالیشیلان بیر تورک محالینین آدیدیر.

ویکیپئدییادا همدان پولیتیک آدلی بیر ایران سایتینا ایستیناد ائدیله‌رک بؤلگه‌نین ائتنیک ترکیبی ۱۹۹۷-جی ایل اوچون بئله وئریلیر: فارسلار − ۶۳ %، کوردلر − ۱۹ %، تورکلر − ۱۴ %، لر و لکلر − ۴ %. بو ایران‌لیلارین معاصر دؤور اوچون وئردیکلری رقملردیر، آنجاق بو رقملر تخمیناً ۱۶۵ ایل اؤنجه‌یه عایید اجنبی مؤلفین بؤلگه‌یه سفر ائد‌رک وئردیی بیلگیلرله اویغون گلمیر. ایلک اؤنجه معلوماتیمیزین قایناغی حاقیندا قید ائتمه‌لییم. ۱۸۴۸-جی ایلده عثمانلی ایله قاجارلار آراسیندا سرحدلرین تعیین ائدیلمه‌سی اوچون بین الخالق کمیسییا تشکیل اولونور. کمیسییایا عثمانلی و قاجار دؤولتلریندن باشقا روسییا و بریتانییا دا داخیل ایدی. روسییا هئیتینی تمثیل ائد‌ن کومیسار روس ظابطی ایگور چیریکوو اولوب. بوراداکی بیلگیلر ده ایگور چیریکووون ۱۸۴۹-۱۸۵۲-جی ایللری احاطه ائد‌ن بؤلگه‌یه سفرینه دایر شخصی سیاحت ژورنالیندان گؤتورولوب. چیریکوو اسدآباد حاقین‌دا بونلاری یازیر:

«کنگاور اسدآباددان ۶ ساعت ۱۵ دقیقه‌لیک یولدادیر. اسدآباددا ۸۰۰ ائو وار. بو یئرین حاکمی باباخان خان همدان‌دان باغیمسیزدیر. او، اؤزو، طایفاسینین تابعلیینین تأمیناتی کیمی تهران‌دا یاشاییر؛ اونون اون دؤرد یاشلی اوغلو ایسه ایشلرینه باخیر. بو آوشار طایفاسینین بیر حیصه‌سی‌دیر؛ اطراف‌داکی ۷۰ کندین ایکی‌سین‌دن باشقا هامی‌سی بونلارلا مسکوندور. کندلرین سیاهیسی و سنیدک مارشروت اوقرانوویچده وار. خان ۸۰۰ نفردک آتلی و ۱۰۰۰ نفر یایاق عسگر چیخارا بیلر. آوشار طایفاسی ایران‌دا سپلنیب؛ بیر قیسمی رشت‌ده و خراسان طرف‌ده‌دیر.»

یازیدان گؤروندویو کیمی ۱۹-جو یوز ایل‌ده اسداباد تام بیر تورک مسکنی‌دیر. ایران قایناقلارینین معاصر دؤور اوچون وئردیکلری "۶۳ % فارسدیر" معلوماتینین اساس‌سیز اولدوغو فیکریندییک. چونکی اسدآباد بیر صنایع مرکزی دئییل، بؤیوک تیجارت مرکزی دئییل کی، بورایا قیراقدان فارس اهالی‌سی کؤچوب گلسینلر. عکسینه، بو یئرلرین اهالی‌سی اؤزو بورالاردان بؤیوک شهرلره گئدیرلر. دئمک کی، ۱۰۰-۱۵۰ ایل اؤنجه بورادا اولمایان فارس ائتنیک اونصورونون بو گون بیردن بیره ۶۳ % اولاراق قارشیمیزا چیخماسی ساده‌جه اولاراق آلداتماجادیر، تبلیغات آلتی‌دیر.

بورادا ایکینجی اؤنملی مسئله کوردلشمه مسئله‌سی‌دیر. اسدابادین باتی قونشولوغون‌دا کیرمانشاه ویلایتینین ایچین‌ده سونقور، کنگاور و صحنه آدلی اوچ تاریخی تورک محلی وار. کیرمانشاه ویلایتینین اؤزو ایسه اساس اعتباریله کوردلرله مسکوندور. داها اؤنجه بو اوچ محال‌دان سحنه حاقین‌دا یازمیشدیق. بورانین اهالی‌سی ده آوشار طایفاسینین خودابنده‌لی تیره‌سیندندیر، آنجاق آرتیق دیللرینی اونودوبلار. عینیله کنگاور محلی دا بو گون اوچون الیم‌ده اولان بیلگیلره گؤره تورکجه‌نین اونودولدوغو بیر یئره چئوریلیب، اهالی کوردلشیب. حال-حاضردا بو اوچ قارداشدان سونونجوسو اولان سونقور کوردلشمه‌یه معروض قالماقدادیر. بو قالا دا دوشرسه، نؤوبتی هدف اسدآباد اولاجاق‌دیر و بئله‌لیکله کوردلشمه همدان ویلایتینی اودماغا باشلایاجاقدیر. پروسئس دوردورولمادیقجا آذربایجان ایچلرینه دوغرو داوام ائد‌جکدیر. سانمایین کی، بو پروسئس هاراداسا سنگییه‌جک، یئدیکجه ایشتاها آرتیر. کوردلر گیلان، مازانداران، سراب، خالخال، زنجان و قزوین بؤلگه‌لرینده، — یالان یا گئرچک، فرق ائتمز، — توپلولوقلارینین اولدوغونو دایمی اولاراق تبلیغات واسطه‌لری ایله گونده‌مده ساخلاییر، بیر نؤو، ایلک اویغون فورصتده‌جه ادعا ائتمه‌لی اولدوقلاری هدفلر اولاراق گؤسترمکددیرلر. پروسئس باشلادیغی یئرده دوردورولمازسا بیز باشقالارینین باشلادیغی اویوندا ساده‌جه گئری چکیلن اولاجاغیق. بونون اولماماسی اوچون، اتنیک سرحدلریمیزین بو ایستیقامتین‌ده‌کی قورویوجو قالالاری اولان سونقور، سحنه، کنگاور و اسدآباد بؤلگه‌لرینین تورکلویو اویادیلمالی، بو بؤلگه‌لر دایمی گونده‌مده ساخلانیلمالیدیر. بو بؤلگه‌نین تورک تاریخی و مدنیتینی آراشدیرمالی، اؤنجلیییجی تدبیرلر آلمالیییق.

تاریخ
2019.02.14 / 14:43
مولف
ائلوین مممدلی
شرح لر
دیگر خبرلر

آذربایجانین مطبخین‌ده دادلی طعاملاردان بیری-دویو لوکوسو-رسئپت

دونیادا یئگانه اوز‌ن آداسی- آذربایجانین گؤزل مکانی باتاباتدا-ویدئو

آنا دیلین‌ده یازماسینا گؤره جزا آلان تبریزلی شاعر

ایفاچیلاریمیز اوشدا بیرینجی یئره چیخ‌دی - فوتو

ایران مشروطه‌سینی قازانماق اوچون یا ۴۰ میلیون تورکو گؤرمه‌لیدیر، یا دا...

اورمی خان‌لیغی: بوتون جنوبی آذربایجان خان‌لیقلارینا حاکمیتینی یایان خان

دومانلی تبریز ۸۰-اینجی بؤلوم

موسکوادا قاراباغ آتلاری ایله باغلی - سرگی

خالخال خانلیغی نئجه یاراندی؟ - فخری قوناقلیق

اؤیکوجوک... - ائرنئست هئمینگوئی

خبر خطّی
 
Axar.az'da reklam Bağla
Reklam
Bize yazin Bağla