Axar.az
یوخاری


قدیم تاریخ: روسییانی خلاص ائد‌ن آذربایجان‌لی قاجار شاهزاده‌سی... - فاکتلار

آنا صحیفه کولت
12 Punto 14 Punto 16 Punto 18 Punto

تدقیقات‌چی اولق پترنکو آذربایجان تاریخینه دایر فاکتلارین و خریطه‌لرین آراشدیریلماسینی داوام ائتدیردیی نؤوبتی ویدئونو یوتوب کانالین‌دا یئرلشدیریب.

Kult.az خبر وئریر کی، بو دفعه تدقیقات‌چی آذربایجانین قدیم تاریخی باره‌ده رئال فاکتلاری تقدیم ائدیب، همچینین اوزون ایللر عرضین‌ده بو فاکتلارین کیملر طرفین‌دن محو ائدیلمه‌یه چالیشیلدیغینی آچیقلاییب.

بو خریطه‌لر بوتون موزئیلردن یوخا چیخیب، آنجاق یئنه ده نادیر اؤدنیشلی کیتابخانالاردا اونلاردان بعضیلرینه راست گلمک اولار:

۱۳۶۰

پترنکونون سؤزلرینه گؤره، ایندیکی ایران اراضی‌سی جلایریلر طرفین‌دن اله کئچیریلدیی دؤورده آذربایجان دؤولتی آرتیق مؤوجود ایدی.

شیمالی آذربایجان خانلیقلارینین خریطه‌سی

بو خریطه‌دن گؤروندویو کیمی، دربند، قوبا، باکی، شیروان، شکی، گنجه، قاراباغ، موغان دوزو، تالیش و س. – شیمالی آذربایجان خان‌لیقلاریدیر. قید ائدک کی، بو خریطه ۱۸۰۰-جو ایللره عاییددیر.

قفقاز رگیونونون خریطه‌سی

بو خریطه‌ده دؤولتین ۱۸۰۱-۱۸۱۳-جو ایللرده‌کی سرحدی گؤستریلیب. بورادا بیز قدیم آذربایجانین سرحدلرینی گؤروروک.

تارتارییا سرحدلری

بو خریطه‌ده بیز آذربایجان دؤولتینی گؤروروک. حادثه‌لر ۱۳-جو عصری احاطه ائدیر.

بیرینجی پیوترون امری ایله حاضیرلانمیش خریطه

بو خریطه‌ده آذربایجانین یوخاریداکی (شیمال) اراضیلری شیروان دؤولتی کیمی قید اولونور (شیروان رگیونو و میدییا).

تدقیقاتچینین سؤزلرینه گؤره، بونا سبب او دؤورده هر بیر خانلیغین رگیونو اؤز خانلیغینین آدی ایله آدلاندیرماسی اولوب.

«بیزه قدر آتروپاتنا، آترپاتیان، آدربایجان، آذربایجان، میدییا، شیروان و دیگر باشقا شکیللرده آدلارین چاتماسی طبیعیدیر»، - پترنکو دئییر.

مثلاً، ۲۰۱۸-جی ایلدکی بیر مقاله‌ده هوللاندییا عالیملری بؤلگه‌لرینین تاریخاً نئجه آدلاندیریلدیغینی باشا دوشمک اوچون باش سیندیریرلار. «داچ»، یا «نیدرلاند»، یا دا «هوللاندییا» – موختلیف خریطه‌لرده موختلیف آدلار وار.

۱۷۱۹-جو ایلین خریطه‌سی

بو خریته‌ده آذربایجان دؤولتی شیروان و یا میدییا کیمی گؤستریلیب. دؤولتین پایتختی باکا و یا باکی آدلانیر. حتی خزر دنیزی ده فرقلی بیر آدا صاحبدیر – گیلان دنیزی.

نومونه کیمی ۱۵-جی عصرین خریطه‌سینی ده گؤسترمک اولار. بو خریطه‌ده روسییا دؤولتینین آدی بؤیوک تارتارییا و یا قیزیل اوردا کیمی گؤستریلیب.

لوندونون کراللیق جغرافییا جمعیتین‌ده آذربایجان دؤولتینین قدیم تصویری وار. کراللیق جمعیتین‌ده ساخلانیلان بو سندلره اساساً آذربایجان دؤولتینین اؤلچولری بو اؤلکه‌نین معاصر اراضی‌سیندن ایکی دفعه بؤیوکدور. کیتاب‌دا آذربایجانین دقیق سرحدلری، همچینین دینی ترکیبی گؤستریلیب.

شیروان، آتروپاتنا و میدییانین عینی دؤولتین موختلیف آدلاری اولدوغونو نظره آلاراق، بو خریطه‌ده بوتون بو آدلاری اؤزونده بیرلشدیره‌ن قدیم آذربایجانین سرحدلرینه دقت یئتیرین:

ایندی ایسه آذربایجانین تصویر ائدیلدیی ان قدیم خریطه‌یه نظر سالاق.

بو رومالیلارین میلاددان اول ۱-جی عصره قدرکی جغرافی بیلیکلرینی عکس ائتدیره‌ن و ایمپراتور اوکتاویان آوقوست اوچون حاضیرلانمیش خریطه‌نین اوریژینالیدیر. یونسکو بو خریطه‌نی «دونیانین یادداشی» سیاهی‌سینا داخیل ائدیب. بو خریطه‌ده ایران، هیبرییا و آتروپاتنا کیمی دؤولتلرین آدلاری وار.

قید ائدک کی، آتروپاتنا قدیم آذربایجانین آدلاریندان بیریدیر.

داها سونرا تدقیقات‌چی ویدئودا وینستون چرچیللدن سیتات گتیریر: اگر نفت کرالیچادیرسا، باکی اونون تاختیدیر!

«بیلدییمیز کیمی، ۲-جی ویلهلم ۱۹۱۴-جو ایلده ۱-جی دونیا محاربه‌سینه باشلادی. او دؤورده قاجارلار سلاله‌سین‌دن اولان ایران شاهزاده‌سی فیض اللا قاجار (۱۸۷۲-جی ایلده آذربایجانین شوشا شهرینده آنادان اولوب) روسییا ایمپراتور اوردوسوندا، همچینین، آذربایجان دموکراتیک رسپوبلیکاسینین اوردوسوندا کوماندیر اولوب. او، روسییانی محاربه‌نین ایلک آیلاریندان خلاص ائد‌ن همین آذربایجان‌لیدیر. اوکراینا و اوکراینالیلار اوچون محض آذربایجان‌لی فیض اللا قاجار لووو شهرینی ۲-جی ویلهلمین اوردوسونون هوجوموندان خلاص ائدیب»، - پترنکو قید ائدیب.

تاریخ
2019.03.15 / 11:33
مولف
علی ممدوو
شرح لر
دیگر خبرلر

آذربایجان یازیچی‌لار بیرلییی‌نین «قیزیل‌قلم» جایزه‌سی‌نین غالیب‌لری بللی اولدو

دونیادا یئرلی دیللرین سایی آچیقلان‌دی

سسیم‌ده پروبلم اولدو – چینگیزدن ایلک آچیقلاما

دومانلی تبریز ۱۰۱-اینجی بؤلوم

آذربایجان آشیق صنعتی تاریخین‌ده ایلک دفعه داستان تاماشایا قویول‌دو

تورک اوردوسونا حصر اولونان قدیم آذربایجان خالچاسی

تورک-آلبان مدنیتینین نمونه‌سی- «اصلی و کرم» داستانی

تورک سولاله‌سی قاجارلارین دؤولت رمزی اولان هیمنی-ویدئو

تبریزین عظمت‌لی تاریخی- قدیم کهریزلر- دؤردونجو یازی

همدان‌دا ۱۱۰ تاریخی و آنتیک اشیا تاپیلدی

خبر خطّی
 
Axar.az'da reklam Bağla
Reklam
Bize yazin Bağla