Axar.az
یوخاری
23 آپرئل 2019


شاماخی‌دا قدیم تورکلره عایید کوپلر تاپیلدی – ایلک دفعه

آنا صحیفه کولت
12 Punto 14 Punto 16 Punto 18 Punto

آکادمیاننین آرخئولوگییا و ائتنوقرافییا اینستیتوتونون شعبه مودیری، تاریخ اوزره فلسفه دوکتورو آکیف قولیئوین رهبرلیگی ایله شاماخی-آغسو آرخئولوژی ائکسپئ‌دی‌سییاسی شاماخی رایونونون دمیرچی کن‌دی یاخینلیغین‌دا ائرکه‌ن اورتا عصرلره عایید یاشاییش یئرین‌ده آرخئولوژی تدقیقات ایشلری حیاتا کئچیریب.

آمئا-دان Kult.az-آ وئریله‌ن معلوماتا گؤره، اؤت‌ن ایل بورادا آپاریلان آرخئولوژی تدقیقاتلار زامانی چای و قایا داشلارین‌دان اینشا ائدیلمیش قالا دیوارلاری آشکارا چیخاریلیب. قالانین داخیلین‌ده آپاریلان آرخئولوژی قازینتیلار زامانی موختلیف فورمالی و اؤلچولو ساخ‌سی شیرسیز قاب فراقمئنتلری، دمیردن حاضرلانان اوخ اوجلاری، نیزه باش‌لیقلاری، قیلینج فراگمئنتلری، تونج ششپر، مهور-اوزوکلر، عقیق و پاستادان حاضیرلانمیش مونجوقلار و س. آشکار ائدیلیب.

الده ائدیله‌ن ماراق‌لی تاپینتیلاردان بیری تونج‌دان حاضرلانان ششپردیر. ششپرین هاچالارین‌دان ایکی‌سینین دؤیوش زامانی قیریلدیغی گومان اولونور. قید ائدک کی، بو تیپ ششپر آذربایجان اراضی‌سین‌دن ایلک دفعه‌دیر آشکار ائدیلیر.

بو ایل تدقیقاتلار قالا دیوارینین داخیلین‌ده یئرالتی آنباردا آپاریلیب. آنباردا آپاریلان قازینتیلار زامانی ۷ ادد ایری کوپ آشکار ائدیلیب. کوپلردن ان بؤیویونون هوندورلویو ۱،۶۵ مئتر تشکیل ائدیر. کوپلر یئره باسدیریلیب، آغیز حیسه‌سی یاستی داشلا باغلانیب. تورپاغین آغیرلیغین‌دان کوپلرین، دئمک اولار کی، هامی‌سی چاتلاییب. معین ائدیلیب کی، بو کوپلرین ایکی‌سینین داخیلین‌ده شراب، دیگرلرین‌ده ایسه تاخیل محصوللاری ساخلانیلیر.

کوپلرین ایکی‌سینین اوزرین‌ده قدیم تورک طایفهلارینا عایید دامغالار هکک ائدیلیب. دامغالار کوپلرین بوغاز حیسه‌سینه، حاضرلانما زامانی یاش گیلین اوزرینه بارماق واسطه‌سی ایله باسیلاراق هکک ائدیلیب. چللک فورمالی کوپون اوزری جیزما اوسولو ایله داغ و دالغا فورمالی ناخیشلارلا بزدیلیب.

آشکار اولونان مادی-مدنیت نومونه‌لری دمیرچی آرخئولوژی موزئیینه تهویل وئریلیب. حاضردا ساخ‌سی ممولاتلار متخصصلر طرفین‌دن برپا ائدیلیر. دامغالار اوزرین‌ده آپاریلان تدقیقاتلار اونلارین هان‌سی طایفهلارا منسوب اولماسی مسئله‌سینه ده آیدین‌لیق گتیره‌جک.

تاریخ
2019.04.12 / 15:59
مولف
آیتاج آراز
شرح لر
دیگر خبرلر

آذربایجانین مطبخین‌ده دادلی طعاملاردان بیری-دویو لوکوسو-رسئپت

دونیادا یئگانه اوز‌ن آداسی- آذربایجانین گؤزل مکانی باتاباتدا-ویدئو

آنا دیلین‌ده یازماسینا گؤره جزا آلان تبریزلی شاعر

ایفاچیلاریمیز اوشدا بیرینجی یئره چیخ‌دی - فوتو

ایران مشروطه‌سینی قازانماق اوچون یا ۴۰ میلیون تورکو گؤرمه‌لیدیر، یا دا...

اورمی خان‌لیغی: بوتون جنوبی آذربایجان خان‌لیقلارینا حاکمیتینی یایان خان

دومانلی تبریز ۸۰-اینجی بؤلوم

موسکوادا قاراباغ آتلاری ایله باغلی - سرگی

خالخال خانلیغی نئجه یاراندی؟ - فخری قوناقلیق

اؤیکوجوک... - ائرنئست هئمینگوئی

خبر خطّی
 
Axar.az'da reklam Bağla
Reklam
Bize yazin Bağla