Axar.az
یوخاری


اورمی خان‌لیغی: بوتون جنوبی آذربایجان خان‌لیقلارینا حاکمیتینی یایان خان

آنا صحیفه کولت
12 Punto 14 Punto 16 Punto 18 Punto

اورمییا خانلیغینین اساسینی نادیر شاه افشارین عمی‌سی اوغلو، افشار طایفا سین‌دان اولان فتحعلی خان افشار قویوب.

Axar.az خبر وئریر کی، او،حتی نادیر شاهین سرکرده‌سی اولان آزاد خانی دا اؤز طرفینه چکه بیلیب.

بون‌دان سونرا، او، مرکزلش‌دیرمه سیاستینی حیاتا کئچیرمه‌یه باشلاییب. ایلک اولاراق تبریزه هوجوم ائدیر، تبریز آسی‌لی حالا سالینیر. بون‌دان سونرا بؤیوک شهر تبریز پایتخت اولور. داها سونرا خوی خانی شاهباز خان دا فتحعلی خانلا اتفاق باغلاماغا مجبور اولور. سونرا ایسه قاراداغ، ماراغا و سراب خان‌لیقلاری اورمییا خانلیغین‌دان آسی‌لی وضعیته سالینیر. او،۱۷۵۱-جی ایلده آزاد خانی اونونلا اتفاق‌دان ایمتینا ائد‌ن ایروان خان‌لیغی اوزرینه گؤندریر. ایروان خانی میر مهدی کارتلی چاری ۲-جی ایراکلیدن کؤمک ایستییر. ۲-جی ایراکلی قازاخ و بورچالی آذربایجان‌لیلارین‌دان توپلادیغی اوردونو میر مهدی خانا کمکه گؤندریر. آزاد خان گئری اوتوردولور. بئله‌لیکله، فتحعلی خان افشار ماکو و اردبیل خان‌لیقلاری استثنا اولماقلا، بوتون جنوبی آذربایجان خان‌لیقلارینا اؤز حاکمیتینی یایا بیلیر.

اورمییا خانلیغینین هؤکمداری فتحعلی خان افشار نادیر شاه افشارین ان یاخین آداملارین‌دان بیری ایدی و افشارلار طایفاسینا منسوب ایدی. فتحعلی خان افشار جنوبی قافقازین توتولماسی و ایران‌دا عالی حاکمیت اوغروندا موباریزه‌یه ده خصوصی اهمیت وئریردی. بو مقصدله موختلیف خانلیقلارا متفیق‌لیک حاقین‌دا مراجعتنامه‌لر گؤندریلیر. ایروان خان‌لیغینا هوجوم اوغورسوز اولدوق‌دا هوجوم ایستیقامتی گورجوستانا یؤنلیر. چار ۲-جی ایراک‌لی مغلوب ائدیلیر.

فتحعلی خان ایران‌دا عالی حاکمیت اوغروندا موباریزه آپاران کریم خان زندین اوزرینده غالیب گلدیکدن سونرا حاکمیتینی مرکزی و غربی ایرانا یایا بیلیر (۱۷۵۲). ایرانین شیمالین‌دا محکملنه‌ن محمدحسن خان قاجارلا موباریزه چه­تین اولور. محمدحسن خان اونون کریم خان زندله محاربه‌سین‌دن ایستیفاده ائد‌رک گیلانی توتان فتحعلی خانی اورانی ترک ائتمه‌یه مجبور ائدیر. بونونلا کیفایتله‌نمه‌یه‌رک تبریزی، سونرا ایسه اورمییانی توتور (۱۷۵۷). یالنیز محمدحسن خانین اؤلدورولمه‌سیله آسی‌لی‌لیقدان قورتولماق مومکون اولور (۱۷۵۹). فتحعلی خان تبریزه قاییدیر و حاکمیتینی محکملندیردیکدن سونرا قاراباغا هوجوم ائدیر و اونو آسیلی وضعیته سالیر (۱۷۵۹).

محمدحسن خان‌دان سونرا ایران‌دا باش‌لیجا قوه‌یه چئوریله‌ن کریم خان زند اورمییانی ۱۷۶۳-جو ایلده ۹ آی محاصره‌ده ساخلاییر. نهایت اورمییا خان‌لیغینی توتان کریم خان زند فتحعلی خان افشاری شیراز قوناقلیغین‌دا اعدام ائتدیریر.

کریم خان زندین اؤلومو ایله خانلیق یئنی‌دن موستقیل سیاست یئریتمه‌یه باشلاییر. بو زامان محمدحسن خان قاجارین اوغلو آغا محمد خان اورمییالی علی خانی یانینا چاغیریب گؤزلرینی چیخارتدی. آغا محمد خانین چکیلمه‌سیندن سونرا امامقولو خان حاکم سئچیلیر. او، سراب‌لی علی خان شقاقی ایله خویلو احمد خانا قارشی اتفاق باغلاییر. متفیقلر تبریز یاخینلیغینداکی دؤیوشده مغلوب اولدولار. امیراسلان خان افشار اورمییایا حاکم تعیین ائدیلیر، لاکین اونون خانلیغی اوزون چکمیر. محمدقولو خان یئنی حاکم تعیین اولونور. آغا محمد خانین هوجومون‌دان سونرا اوشنو قالاسینا چکیلیر. قاجارین اؤلومو ایله موستقیللیینی برپا ائد‌ن خانلیق، ایران تاختینا چیخان فتحعلی شاها تابع اولور.

تاریخ
2019.04.22 / 11:14
مولف
آیتاج آراز
شرح لر
دیگر خبرلر

تبریزین قدیم و مشهور استراحت یئری باغشیمال

آذربایجان قدیم تیکمه صنعتی- تکلدوز تیکمه

دومانلی تبریز ۱۰۴-اۆنجو بؤلوم

بستکار اعتراف ائتدی: "آوروویزییا" سیاسی اویوندور!

"دیوان مجذوب تبریزی"

تبریزین مراسیم یئمکلری

دومانلی تبریز ۱۰۳-اونجو بؤلوم

تبریزین عظمت‌لی تاریخی- قدیم کهریزلر- آلتینجی یازی

بوتؤو آذربایجان سئودالی‌سی دونیا شهرت‌لی ماراغالی عالیم

باکی‌دا واقیف صمد اوغلونون یوبیلی تدبیری کئچیریله‌جک

خبر خطّی
 
Axar.az'da reklam Bağla
Reklam
Bize yazin Bağla