Axar.az
یوخاری


ایران مشروطه‌سینی قازانماق اوچون یا ۴۰ میلیون تورکو گؤرمه‌لیدیر، یا دا...

آنا صحیفه کولت
12 Punto 14 Punto 16 Punto 18 Punto

گونئی آذربایجان‌دا ۲۴ آپرئل قوندارما ارمنی سویقیریم گونو ایله باغلی میثیل‌سیز حرکات باشلانیلیب.

Axar.az خبر وئریر کی، بو سؤزلر گونئی آذربایجان‌لی میللی-مدنی فعال، یازیچی حسن کریمزاده دئییب.

او بیلدیریب کی، ارمنیلر سندسیز-ثبوت‌سوز ادعالار ایر‌لی سوره‌رک، دونیا ایجتیماعیتینه یانلیش معلوماتلار اؤتورورلر. اوزینده ایسه بیز تورکلر اونلارین وحشی فعالیتلرینی یئترینجه قاباردا بیلمیریک:

«ارمنی قتلعاملاری خالق یارادیجیلیغیندا بئله عکسینی تاپیب. تکجه بیر نئچه بایاتی‌دا ارمنیلرین تاریخی جینایتلرینین ایزلرینی آچیق-آشکار گؤره بیلیریک:

کرکوکون آلتی خیرمان
قتلینه چیخدی فرمان.
یار ایکی کؤینک گئیمیش
بیری درد، بیری درمان.

***
عزیزیم اورمو یاندی،
اورمو یامان تالاندی،
خاچ دینلی الیندن
باش باش اوسته قالاندی.

***

عزیزینه‌م، گؤینره‌م،
قارا قاپلان گؤینره‌م.
تبریزده یارالاندیم،
قاراباغدا گؤینره‌م.

***

عزیزیم، مرند آغلار،
خوی آغلار، مرند آغلار.
خوی‌دا بیر ایگید اؤلسه،
یاسین‌دا مرند آغلار.

آذربایجان بلکه ده یئگانه اؤلکه‌دیر کی، قونشولاری اؤز تورپاقلاریدیر. دربند، بورچالی، ایروان، تبریز بیزیم‌دیر، اما قونشویوق... تاریخی نؤقطه نظردن باخان‌دا ارمنیلرین آذربایجان تورپاغینین پارچالانماسین‌دا حل ائدیجی رول اوینادیغینی گؤرموش اولاریق. هر زامان تورکلره قارشی جاسوسلوق ائدیبلر. دوز-چؤرییمیزی یئیه‌رک، آرخادان بیچاق ساپلاییبلار. ۱۸۱۳ و ۱۸۲۸-جی ایللرده گلستان و تورکمنچای موقاویله‌لرینین باغلانماسین‌دا بئله ارمنیلرین بیرباشا رولو وار. اونلار جواد خانا سوء-قصد پلانلاشدیران روسلارا کؤمکلیک گؤستریرلر، آذربایجانین دیگر قاپی‌سی گنجه دربنددن سونرا فتح ائدیلیر. بو اولایدان سونرا دا آذربایجانین ایشغال پروسسی باشلاییر.

تاریخی ایزله‌یه-ایزله‌یه گلنده ارمنیلرین منفور ایزینی ستار خان حرکاتین‌دا دا گؤروروک. داشناکلار بورادا دا ترور تؤردیبلر. داها درینه گئتسک، ارمنی فیتنه کارلیغینی بابک‌ده بئله گؤره بیلیریک. ستار خان، پیشه وری، باقر خان و نئچه-نئچه باشقا بؤیوک شخصیتلریمیزه قارشی تخریباتلاردا ارمنی خاینلیینین ایزی وار. اونلار جیلوولوق، قاراباغ، خوجالی‌دا سویقیریملار تؤردیبلر.

«۲۴ آپرئل» دئینده تورکلرین ائرمه‌نیلره قارشی تؤرتدیی «سویقیریم» یوخ، ارمنیلرین تورکلره قارشی حیاتا کئچیردیی آمانسیز قتلعاملار فیکیردن کئچمه‌لی، بئینیمیزه گلمه‌لی‌دیر: دربندی، بورچالینی، اورمییامیزی دوشونملیگیک. چونکی بو تورپاقلارین بیزدن آلینماسیندا، بوتؤو اولماماسیندا اساس فیگور اولان میللت‌دن دانیشیریق. بیز بو اولایلاری بوتون دونیانین گؤزو اؤنونده سرگیلملیگیک. بیز تورکلر هر زامان مظلوم اولموشوق. بیزلر تک اینسان یوخ، تورپاق سویقیریمینا دا معروض قالمیشیق. جغرافییامیز الیمیزدن آلینیب، ایشغال ائدیلیب، برباد حالا سالینیب. حاضردا دا ۲۰ فایزی محض ارمنیلرین تاپداغی آلتیندادیر».

گونئی آذربایجان حرکاتین‌دا دا ۲۴ آپرئله بو مؤقع‌دن یاناشدیق. شاعرلریمیزه ده تشکر ائدیریک کی، بونو قلمه آلیرلار:

«شوشا یاندی، لاچین یاندی، نه قصده؟

اؤلوم یاندی خوجالی‌دا السته،

کلبجر جان وئردی قوللاریم اوسته

گؤرمه‌دی بو ظولمو ایران، کرمی».

۲۴ آپرئلله باغلی بیزیم ایرانا تک بیر مراجعتیمیز وار: خوجالی، کلبجر، لاچین‌دا کسیلن، آسیلان، اؤلدوروله‌ن اینسانلاری گؤز اؤنونوزه گتیرین. ایشید ۲-۳ ایلین ایشید-ی دئییل، ۳۰ ایل اؤنجه ارمنیلرین، داشناکلارین تیمثالین‌دا بیز ایشید-ی گؤرموشوک. خوجالی‌دا باش کسیلیب، بونو شیعه اؤلکه‌سی ایران گؤرمور، اما ۱۰۰ ایل بوندان اؤنجه «ارمنی سویقیریم»ی تدبیرینین کئچیریلمه‌سینه راضی‌لیق وئریر. بو، هانسی عدالته سیغیر؟

۲۴ آپرئل اوچون بوتون بو اولایلاری گؤز اؤنونه گتیریب بیر نتیجه‌یه وارمیشیق: ایران مشروطه‌سینی قازانماق اوچون یا ۴۰ میلیون تورک خالقینی، اؤز خالقینی گؤرمه‌لیدیر، یا دا ارمنیلره اجازه وئره‌رک مشروطه‌نی ایتیرمه‌یه گؤز یوممالیدیر. منه ائله گلیر کی، بو، تورک میللتینین ایران‌دا یئنیدن دیرچلمه‌سینه، اویانماسینا، فیکیر-دوشونجه باخیمیندان اینکیشافینا، بیر میللت کیمی فورمالاشماسینا یئنی بیر باشلانغیجدیر. و اینشاللاه کی، بو بیر نتیجه‌یه واراجاق. بیز اؤز گوجوموزو فاشیست ارمنیلرین گؤزو قارشی‌سیندا سرگیلملیگیک».

قید ائدک کی، ارمنیلر هر ایل اولدوغو کیمی بو ایل ده آپرئلین ۲۴-ده تورکییه‌نین ایران‌داکی سفیرلیینین قارشی‌سیندا میتینگ کئچیره‌رک، قوندارما سویقیریمی گونده‌مه گتیرمیی پلانلاشدیریر. گونئی‌لی فعاللار ایسه ایران حکومتینی میتینگین کئچیریلمه‌سینه اجازه وئرمه‌مه‌یه چاغیریر.

تاریخ
2019.04.22 / 14:24
مولف
آیتاج آراز
شرح لر
دیگر خبرلر

تبریزین قدیم و مشهور استراحت یئری باغشیمال

آذربایجان قدیم تیکمه صنعتی- تکلدوز تیکمه

دومانلی تبریز ۱۰۴-اۆنجو بؤلوم

بستکار اعتراف ائتدی: "آوروویزییا" سیاسی اویوندور!

"دیوان مجذوب تبریزی"

تبریزین مراسیم یئمکلری

دومانلی تبریز ۱۰۳-اونجو بؤلوم

تبریزین عظمت‌لی تاریخی- قدیم کهریزلر- آلتینجی یازی

بوتؤو آذربایجان سئودالی‌سی دونیا شهرت‌لی ماراغالی عالیم

باکی‌دا واقیف صمد اوغلونون یوبیلی تدبیری کئچیریله‌جک

خبر خطّی
 
Axar.az'da reklam Bağla
Reklam
Bize yazin Bağla