Axar.az
یوخاری


دومانلی تبریز ۸۲-اینجی بؤلوم

آنا صحیفه کولت
12 Punto 14 Punto 16 Punto 18 Punto

کؤچورن: فرخ جرایدی

ایچه‌ریدن گنج قوُللوقچو چیْخاراق :

- آغا بوُیوروز خان سیزی گؤرمک ایسته‌ییر.

خالچالارلا دؤشنمیش بیر دهلیزه گیردیک. اوْرادا چیْخاریلمیش آیاق‌قابیلاری گؤرورکن من‌ده آیاق‌قابیمی چیْخارتدیم . بؤیوک بیر سالن-ا گیردیک. پنجره‌نین قاباغینداکی دؤشه‌‌گین اۆستونده اوْتوران، خان اؤزو ایدی. سالن-ون آشاغی باشیندا اللری دؤشلرینده اوْلاراق بیر نئچه قوُللوقچو دوُرموشدو. خان-ین اؤنونه سالینمیش بیر دؤشه‌گین اۆستونده ده نازیک قارا عبایه بۆرونموش بیر آدام اوْتورموشدو. من بوُنون خان-ین وزیری اوْلدوغونو سوْنرا دان اؤیرندیم.

خان آیاغیمدان باشیما قدر منی سۆزدو و دایانمادان :

- اَیلَشین . -دئدی.

خان-ین قارشی سیندا، پنجره‌نین اوْبیری طرفینده سالینمیش بیر دؤشک اۆستونده اوْتوردوم.

خان ، وزیر-ی و بیرده ایکی نفر سلاحلی قوُللوقچوسوندان باشقا هامینین گئتمه‌سینه اجازه وئردی.

- صفا گتیرمیسینیز. مزیّن بوُیورموسونوز. بوُیورون گؤرک هاردان تشریف گتیرمیسینیز؟

- جناب خان، خوْی شَهَریندن گلیرم , - دئیه تئز جوابلادیم.

- شبهه‌سیز کی اوْرا دا سیز تبریزدن تشریف آپارمیشدینیز؟

خان-ین بوُ سوْروسوندان شبهه‌لندیم، اوْنون بیزی تانیْدیغینی ظن ائتدیم، گیزلتمه‌یه‌رک دوْغروسونو سؤیله‌دیم :

- بلی، تبریزدن خوْی شهرینه، اوْردان دا عربلر کندینه گلمیشم.

- خیلی خوب ! سیزین داها تبریزده نه ایش گؤروب نه صنعت صاحبی اوْلدوغونوزو سوْروشماغا لزوم یوْخدور. بیر مجبوریت اوْلماسایدی سیز یوْلونوزو دئییشدیرمز و اوُزاق سالمازدینیز. هر حالدا تبریز له جوُلفا آراسی بیر اوْ قدر ده اوُزاق یوْل دئییل.

اؤز آیاغیمیزلا تله‌یه دۆشدوگوموزو حس ائدیر و شاشقینلیقلا خان-ین اۆزونه باخیردیم.

خان دا منی گؤزدن کئچیریردی.

خان، نازیک بیْغلی ، سارالمیش سیسقا چهره‌لی ، ساققالی قیرخیلمیش ، ۳۰-۳۵ یاشلاریندا گؤدک بیر آدام دیر.

خان سس سیزلیگی پوْزاراق دئدی :

- من قافقازلی لارا دشمن دئییلم . قوْرخمایین، کیملیگینیز منه بللی دیر. منیم قایناتام خوْی شَهری‌نین کئچمیش حاکمی و آدلیم انقلاب دشمنی ساییلان " امیر تومان " دیر. من اؤزلوگومده سیزین حرکتینیزدن ناراضی دئییلم، چۆنکو سیزین حرکتینیز منیم قانلی دشمنلریمین اۆستونه دیر.

من بیر سؤز دئمیردیم، آنجاق بیر کَره:

- جناب خان اختیار صاحبی دیر. دئدیم.

- قوْرخمایین بوُرادا سیزه قوْرخو یوْخدور. ماکو خان-یْنین قوُلدورلاری دا بوُرایا گله بیلمز. اؤزونوزده، یوْلداشلارینیزدا آرخایین اوْلا بیلرسینیز. لاکین بوُ گئجه لر اؤزونوزو آراز چایینا ووُروب گئتمه‌گینیزه راضی دئییلم، چۆنکو سوُ چوْخ قوْرخولودور. خیلی خوب، ایندی بوُیورونوز شام سوُفراسینا.

تاریخ
2019.04.24 / 10:36
مولف
محمد سعید اردوبادی
شرح لر
دیگر خبرلر

شیروانشاهین ۵۰۰ ایللیک سیککه‌سی سو قیمتینه ساتیلیر - فوتو

وطن سئودالی‌سی جواد هئیتیین آنادان اولدوغو گوندور- فوتو صحبت

اورمونون ییرتیخلی کلم آشی-رسپت

دومانلی تبریز ۱۰۶-اینجی بؤلوم

ایران تحصیلینده اینقیلاب ائد‌ن آذربایجان‌لی-باغچابان

نیظامینین «سیرلر خزینه‌سی» تورکییه ایجتیماعیتینه تقدیم ائدیلدی

گونئی میللی موجادیله عسگری –سید حسن تفیزاده

حماسه اول خرداد ۸۵ آذربایجان خواب خیابان‌ها را پریشان کرد

شوک وئرسییالار: ایسماییل اصلین‌ده نئجه اؤلدو؟ - ویدئو

اول خرداد سمبل رنسانس هویتی آذربایجان

خبر خطّی
 
Axar.az'da reklam Bağla
Reklam
Bize yazin Bağla