Axar.az
یوخاری


بایات طایفاسین‌دان اولان آذربایجان‌لی دیپلمات

آنا صحیفه کولت
12 Punto 14 Punto 16 Punto 18 Punto

اوروج بی سلطانعلی بی اوغلو بایات منشأ‌جه آذربایجان تورکلرین‌دن اولان تاریخ‌چی، دیپلماتلاریمیزدان بیریدیر.

Axar.az خبر وئریر کی، بعضی تدقیقات‌چیلارین فیکرینجه، اوروج بیین ۱۵۶۰-جی ایلده دوغولدوغو احتیمال اولونور. اونون آتاسی تورک-قیزیلباش طایفالارین‌دان اولان مشهور بایات سویونون نماینده‌سی سلطانه‌لی بی صفوی شاهی محمد خدابندنین (۱۵۷۸-۱۵۸۷) و اونون اوغلو حمزه میرزانین یاخین آداملاریندان اولوب. خودابندنین حاکمیتی ایللرینده آز قالا بوتون آذربایجان عثمانلی ایمپرییاسی طرفیندن ایشغال اولونموش‌دو و صفوی حاکملرینین بوتون جهدلری ایلک نؤوبه‌ده تبریزین آزاد اولونماسینا یؤنلدیلمیشدی. گنج اوروج بی آتاسی ایله بیرلیک‌ده تبریز اوغروندا دؤیوشلرده ایشتیراک ائدیر. ۱۵۸۵-جی ایلدکی بئله دؤیوشلردن بیرین‌ده آتاسی سلطانعلی بی بایات هلاک اولور و اونون اؤز حسابینا توپلادیغی ۳۰۰ نفرلیک دسته‌نین کوماندان‌لیغی اوروج بیه تاپشیریلیر. بوندان سونرا اوروج بی حمزه میرزانین آپاردیغی بیر سیرا عملیاتلاردا ایشتیراک ائدیر.

دیپلماتیک میسییانین باش‌چیسی حصینه‌لی بی بایات، سفیرلیین بیرینجی کاتیبی ایسه اوروج بی ۱۶۰۰-جو ایلین پاییزیندا، پراگادا ۱-جی فردیناندین نوه‌سی ایمپراتور ۲-جی رودولف (۱۵۷۶ -۱۶۱۲) طرفین‌دن طنطه‌نه ایله قبول ائدیلیرلر. اونلارا باوارییانین تاخت‌دان ال چکمیش هرزوگو ۲-جی ویلهئلم سارای باره‌ده معلومات وئریر. اوچ آی ایمپئراتور سارایینین قوناغی اولان صفیرلر ۱۶۰۱-جی ایلین باهارین‌دا آلمانییانین نورنبئرگ، مونهن کیمی شهرلرین‌دن کئچه‌رک، ایتالییایا یولا دوشورلر.

مانتوادا مشهور هرزوگ وینسنتزو قونزاقا اونلاری اؤز سارایین‌دا قبول ائدیر. سفیرلیک ونسییایا گئتمک ایسته‌سه ده دوژ اونلاری قبول ائده بیلمیجیینی دئییر. سونرا اوروج بی سفیرلیین دیگر ایشچیلری ایله بیرلیک‌ده وئرونا و فئررارادان کئچمکله فلورئنسییایا گلیر. بورادا اونلار توسکانانین بؤیوک کنیازی ۱-جی فردیناندین سارایین‌دا ایکی هفته دینجلیرلر.

آردی وار...

تاریخ
2019.04.24 / 13:27
مولف
آیتاج آراز
شرح لر
دیگر خبرلر

تبریزین قدیم و مشهور استراحت یئری باغشیمال

آذربایجان قدیم تیکمه صنعتی- تکلدوز تیکمه

دومانلی تبریز ۱۰۴-اۆنجو بؤلوم

بستکار اعتراف ائتدی: "آوروویزییا" سیاسی اویوندور!

"دیوان مجذوب تبریزی"

تبریزین مراسیم یئمکلری

دومانلی تبریز ۱۰۳-اونجو بؤلوم

تبریزین عظمت‌لی تاریخی- قدیم کهریزلر- آلتینجی یازی

بوتؤو آذربایجان سئودالی‌سی دونیا شهرت‌لی ماراغالی عالیم

باکی‌دا واقیف صمد اوغلونون یوبیلی تدبیری کئچیریله‌جک

خبر خطّی
 
Axar.az'da reklam Bağla
Reklam
Bize yazin Bağla