Axar.az
یوخاری


دومانلی تبریز ۹۸-اینجی بؤلوم

آنا صحیفه کولت
12 Punto 14 Punto 16 Punto 18 Punto

کؤچورن: فرخ جرایدی

مجتهدزاده‌نین سؤزلری منه درین بیر ائتگی باغیشلادی.

- سیز بوُ حاللاردا دیرنمه‌لی‌سینیز، خالق-ا آنلاتمالی‌سینیز، بوُ حیاسیزلیغین هامیسینی دئمه‌لی‌سینیز. 》 دئدیم.
مجتهدزاده منیم قوْلومودان توُتوب حیاطا چیْخاردی. کیچیک باغچادا گزمه‌گه باشلادیق. مجتهدزاده یاواشجا دئدی :
《 تاسوف اوْلسون کی بیز بوُ ساعتدن سوْنرا سیزینله گؤروشمه‌جه‌ییک، چۆنکو گئدیریک. اگر عوام خالق منی دانلاماسایدی من بوُرادان قاییدیب و ایران-ا گئدردیم. اوْرادا سیزینله بیراز وقت کئچیرردیم. آغا، بیز ایشله‌میشیک، بیزیم گؤردوگوموز ایشی ایراندا هئچ کیم گؤرمه‌میشدیر. بیز نه اؤلومدن، نه دار آغاجیْندان، نه خلیلی دن ( ایران دوْستاقلاریندا شکنجه آلتی) قوْرخمامیشیق. بیزی آغا محمدحسین چوْخ یاخشی تانییر. بوُ ناموس‌سوز نصرالله سلام دا بیزیمله اوْلدوغو اوچون آغا-نین ائوینه گلیب. بیز " سیاحت نامهء ابراهیم بیگ " کیمی اثرلر یاراتدیق، ایراندا کی حیاسیزلیغی، اخلاق‌سیزلیغی باشدان-آیاغا کیمی یازدیق، خالقیمیز ایسه بوُنا بیر گۆلمه‌جه توْپلوسو کیمی باخدی، چۆنکو اوْنلارین سیاسی روحلارینی نصرالله سلام کیمی اخلاق‌سیزلار اؤلدوروب دور. 》
مجتهدزاده‌نین بوُ سؤزلری سانکی اینه اوْلوب اۆره‌گیمه باتدی. دیکسیندیم، اوْنون اللرینی توُتوب دوْداقلاریندان اؤپدوم و دئدیم :
《 نه قدر خوْش قارشیلاشما. نه قدر اوُغورلو یوْلجولوق. 》
چوْخ سئودیگیم و یازارینی تانیْمادیغیم اوْ بؤیوک " سیاحت نامهء ابراهیم بیگ " ین، انسانی گۆلدوره-گۆلدوره آغلادان یازیلاری بیر آن خیالیمدان کئچیردیم و اختیارسیز او‌لاراق گؤزلریم یاشاردی.
مجتهدزاده اؤزو ده آغلامسیْندی.
《 " سیاحت نامه "-نی یازان من، بیرده حاج زین العابدین ماراغالی ایدی، اوْنون ' مصر ' ده چاپ خرجلرینی ده ایکیمیز جیبیمیزدن وئردیک. میرزا علی‌محمد خان کاشانلی طرفیندن مصر ده چاپ اوْلونان " پرورش " غزئتی ده بیزیم کؤمه‌گیمیزله چیْخیردی. " حاجی نمد مال "، " مادر دولت " مقاله‌لرین بیریسینی من، اوْ بیریسینی حاج زین العابدین یازمیشدیر. سوْنوندا ' اتابک ' کیمی آلچاقلار غزئتی ایرانا بوُراخمادی. علی محمد خانزاده گنج ایدی، بوُ ضربه‌یه دؤزه بیلمه‌دی، اؤلدو، غزئت ده باغلاندی. آغا هر ایشیمیز یاریْمچیلیق قالدی، ایندی ایسه اؤزوموزو آخماقلیغا ووُروب بو آدامیْن آرخاسیجا مکّه‌یه گئدیریک. 》
بیز چوْخ دانیْشدیق. گئجه کئچیردی. بیزی سالن-ا چاغیردیلار. میس هاننا داریخدیغیندان مندن و شیخوف-دان گئتمه‌گیمیزی ایسته‌دی.
《 حاجیلار دا ساباح گئتمه‌لیدیلر، قوْی اوْنلاردا بیراز راحت اوْلسونلار. 》 دئدی.
اسکندر خان، آغا محمدحسین دن سوْروشدو :
《 بیز ساباح ساعت نئچه‌ده بوُردان گئده‌جه‌گیز ؟ هر گۆن قاطار واردی یا یوْخ ؟ 》
《 جناب حاجی، سحر ساعت یئددی‌ده قاطاردا اوْتورمالی‌سینیز. 》 دئدی.
《 جناب آغا محمدحسین سیزه بللی‌دیر کی، بنده‌لر کی، جناب نصرالله سلام-یْن حضوروندا گئدیریک، بیزیم یانیْمیزدا اوْن مانات، یۆز مانات بیر پوُل دئییل. بیر یۆز مانات دا آرتیْق پوُل وئریب قاطاری قاپی-یا گتیرمک اوْلمازمی ؟ چۆنکو جناب نصرالله سلام اۆچون‌ده دوُراغا گئتمک چتین اوْلاجاقدیر. 》
بوُ سؤزلردن اسکندرخان-ین قاطار گؤرمه‌دیگی بللی اوْلدو. آغا محمدحسین ایسه اوْنو باشا سالماق آماجیله دئدی:
《 ممکن دئییل ، ممکن اوْلسا ایدی بوُیوردوغونوز کیمی ائلردیم. 》
گئجه ساعت اوْن‌ایکی‌ده گؤروشوب چیْخدیق .مجتهدزاده بیزیمله قاپی‌یا کیمی گلیب الیمی بیر داها سیْخدی.

تاریخ
2019.05.15 / 10:55
مولف
محمد سعید اردوبادی
شرح لر
دیگر خبرلر

"دیوان مجذوب تبریزی"

تبریزین مراسیم یئمکلری

دومانلی تبریز ۱۰۳-اونجو بؤلوم

تبریزین عظمت‌لی تاریخی- قدیم کهریزلر- آلتینجی یازی

بوتؤو آذربایجان سئودالی‌سی دونیا شهرت‌لی ماراغالی عالیم

باکی‌دا واقیف صمد اوغلونون یوبیلی تدبیری کئچیریله‌جک

صمد وورغونون واریثی کونسئرت وئریر

باکی‌دا ایران‌لی رسامین فردی سرگیسی آچیلاجاق

تبریزین عظمت‌لی تاریخی- قدیم کهریزلر- بئشینجی یازی

دومانلی تبریز ۱۰۲-اینجی بؤلوم

خبر خطّی
 
Axar.az'da reklam Bağla
Reklam
Bize yazin Bağla