Axar.az
یوخاری


تبریزین عظمت‌لی تاریخی- قدیم کهریزلر اوچونجو یازی

آنا صحیفه کولت
12 Punto 14 Punto 16 Punto 18 Punto

عظمت‌لی تبریز شهرینین کهریزلری ایکی حیصه‌یه بؤلونور: بیرینجی‌سی، قدیم اولانلار و اوزاق کئچمیش‌ده قازیلانلاردیر؛ ایکینجی‌سی ایسه سون عصرده شهرین بؤیوکلری و تاجیرلری طرفین‌دن چکیلمیش خطلردیر. Axar.az تبریز کهریزلری حاقین‌دا نؤوبتی یازی تقدیم ائدیر (نادیر شاه قاجارین "تبریز تاریخی " اثری اساسین‌دا).

عزیزوللاه کهریزی

عزیزوللاه دا مشهور اکین یئری ایدی و حکم آبادا باغلی ایدی. بو بولاغا تارلانین صاحبینین آدینی قویوبلار. همین کهریز آدی کیمی عزیز و باهادیر. عزیزوللاه تارلالاری اکین ایشلری اوچون بو سو ایله سوواریلیر. بو بولاغین موشتریلرینین بؤیوک حیصه‌سی حکماباد اکینچیلریدیر. اونون دا جریانی شرق‌دن غربه یؤنلیب.

گزران کهریزی

تبریزین ان مشهور سو قایناقلارین‌داندیر. سویو صاف و لذت‌لیدیر. اونون منبعیی شهرین جنوب طرفینه باغلیدیر. سویو اساساً یانیغ تپه‌لرین‌دن چیخیر. دؤورییه‌سی اون آلتی گوندور. اوزاق کئچمیشدن گلن عادته گؤره پاپاغین دریسینی و باشقا درینی بو کهریزین منبعین‌ده یویارلار، چونکی اونون سویو بو ایش اوچون اولدوقجا یارارلی‌دیر. کهریزین اطرافی یئکه داشلارلا دولودور، هر طرف آچیق و قومساللیق‌دیر. چرنداب محله‌سی و اونون باغ-بوستانلاری همین سویون حسابینا آبادلاشیب.

اکبرآباد

تبریزین جنوب سمتین‌ده سالینیب. مجراسی یانیغین تپه‌لری و یوکسکلیکلرینده‌دیر. نووبرین بیر نئچه محله‌سی سویونو اوندان آلیر. بورولارین ایچی ایله دؤور ائدیر.

میرزا علی کهریزی

میرزا علینین ایسمی ایله تانینان، آدینا دیزه ده دئییله‌ن و حکم آبادا باغلی اولان کیچیک بیر محله‌دیر. بو چئشمه‌نین سویو اورایا آخیر. شهرین کئف اهلی اورادا اورک اوخشایان باغلار سالیب. بو بولاقدان یارارلانان تورپاق صاحبلری چوخدور. دؤورییه‌سی بیر گوندور.

خاجه میر جان

اونون سویو اولدوقجا خوشمزه‌دیر. قویولاری تمیزله‌یه‌ن فهله‌لر اونون یئرین آلتینداکی قایانین چاتین‌دان چیخدیغینی سؤیلییرلر. بو کیچیک کهریزین قیمتی بؤیوکدور. کوچباغ محله‌سینین بیر طرفینی و اونون باغ-بوستانلاری سو ایله تعمین ائدیر. شهرین جنوب-غربین‌ده‌دیر.

آللاهوئردی خان کهریزی

تانینمیش کهریز اولوب. امیرخیز کیمی بؤیوک محله باغ-بوستانلاری ایله بیرلیک‌ده بو قایناق‌دان سو آلیردی. اوزون ایللر قورو-یوب قالمیش‌دی. ایکی-اوچ ایلدیر کی، اونون ایستیفاده‌چیلری بو سو قایناغینین تمیزله‌نمه‌سی ایله مشغول‌دورلار و سو اکین تورپاقلارینا گلمه‌یه باشلاییب.

دوه چی چئشمه‌سی

بو محله اهالی‌سینین پوللا آلدیغی مولکودور. بو دادلی سو شرق‌دن گلیر، نوولار و بورولار واسطه‌سیله پای‌لانیر و هر بینایا معین بورو ایله آخیر. نوو دا بئله اولور کی، آغاج تاختاسینین ایچین-ده چئچه‌له بارماغی قالینلیغین‌دا دلیک آچیرلار و سو همین دلیک-دن تضییقله آخیر و هر کوچه‌نین باشین‌دا «انقج» دئییله‌ن یئر وار. اگر بینا بیر بورودان ایستیفاده ائدیرسه، ائله بیر دلیکله ده کیفایتلنر. یوخ، اگر ایکی و اوندان آرتیق اولسا، دلیکلرین ده سایی آرتار و سو مووافیق بورویا طرف روان آخار.

تاریخ
2019.05.15 / 16:18
مولف
آینوره مممدووا
شرح لر
دیگر خبرلر

"دیوان مجذوب تبریزی"

تبریزین مراسیم یئمکلری

دومانلی تبریز ۱۰۳-اونجو بؤلوم

تبریزین عظمت‌لی تاریخی- قدیم کهریزلر- آلتینجی یازی

بوتؤو آذربایجان سئودالی‌سی دونیا شهرت‌لی ماراغالی عالیم

باکی‌دا واقیف صمد اوغلونون یوبیلی تدبیری کئچیریله‌جک

صمد وورغونون واریثی کونسئرت وئریر

باکی‌دا ایران‌لی رسامین فردی سرگیسی آچیلاجاق

تبریزین عظمت‌لی تاریخی- قدیم کهریزلر- بئشینجی یازی

دومانلی تبریز ۱۰۲-اینجی بؤلوم

خبر خطّی
 
Axar.az'da reklam Bağla
Reklam
Bize yazin Bağla