Axar.az
یوخاری
26 اییون 2019


تبریزین عظمت‌لی تاریخی- قدیم کهریزلر- بئشینجی یازی

آنا صحیفه کولت
12 Punto 14 Punto 16 Punto 18 Punto

عظمت‌لی تبریز شهرینین کهریزلری ایکی حیصه‌یه بؤلونور: بیرینجی‌سی، قدیم اولانلار و اوزاق کئچمیش‌ده قازیلانلاردیر؛ ایکینجی‌سی ایسه سون عصرده شهرین بؤیوکلری و تاجیرلری طرفین‌دن چکیلمیش خطلردیر. Axar.az تبریز کهریزلری حاقین‌دا نؤوبتی یازی تقدیم ائدیر (نادیر شاه قاجارین "تبریز تاریخی " اثری اساسین‌دا).

شربافان (توخوجولار) کهریزی

خیردا کهریزدیر و ویجویه محله‌سینه شرق‌دن آخیر.

کئشیش کهریزی

بو بولاق خیابان محله‌سینین باشلانغیجین‌داکی همین آدلا مشهور اولان باغا آخیردی، اونون آردینجا اطراف‌دا سالینمیش باشقا بوستانلاری دا سو ایله تعمین ائدیردی. بئله دئییرلر کی، او باغدا بیر عمارتین نیشانه‌سی قالماقدادیر، ایندی اورا بیر تپجیکدیر.

کؤشک کهریزی

شرق‌دن حکم آبادین اکین یئرلریندن اولان قصر ساحه‌سینه آخیردی. اورتاباب و چوخ کهنه کهریزدیر. بو سلیقه-ساهمان‌لی ساحه‌نی دفتره «قصر»یازیردیلار. یئرلی جاماعات اونا کؤشک دئیردی.

علی خاتون کهریزی

کؤهنه و کیچیک کهریزدیر. شرق‌دن امیر زین الدین محله‌سینه آخیردی.

میر قاسیم

صاف و کیچیک بولاق‌دیر. گاومیشییان آدلانان محله‌یه آخیردی.

قاضی کهریزی

بو کهریز ده جامیشاوان محله‌سینه آخیردی.

امام جمعه کهریزی

بو بولاغی امام جمعه‌نین حاجی میرزا علی آدلی اوغلو قازدیرمیشدیر. بو سبب‌دن اونا میرزا علی امام جمعه کهریزی دئیردیلر.

کوچه باغ کهریزی

سویو بول و صاف اولان قایناق‌دیر. کوچه باغ و امیر زین الدینین باغ-بوستانلارینی تعمین ائدیر. دوز شرق‌دن گلیردی.

آخونی کهریزی

آخونی مشهور بیر محله‌دیر. بو چئشمه همین یئره آخیر و او محله‌نین ائولرینی، تارلالارینی و باغلارینی سوواریردی.

امیر آسلان کهریزی

اورتاباب چئشمه‌دیر. شرق‌دن غربه آخیر و لاله کندینه، ائلجه ده ایندی تبریزین محله‌لریندن اولان دیزه‌جه گلیردی. بو محله‌نین کدخداسی حاجی میرزه نصیر خان طباطبای ایدی.

خان محمد خان کهریزی

اونون منبعی باغمئشه‌دیر. کوچه باغ‌دا ایستیفاده اولونور و چوخ فایدا گتیریردی.

آغا علی اکبر

تبریزین جنوبوندان قازیلیب. کیچیک بولاق‌دیر و کوچه باغا جریان ائدیر.

حاجی محسن

جنوب‌دان و یانیق‌دان گلیردی. لیلاباد محله‌سینه و یعنی-غین او طرف‌ده‌کی اراضی‌سینه سو وئریردی.

توماس

خاچپرست بیر نفر ایدی و تاجیرلردن اولوب. بو چئشمه‌نی جنوب طرف‌دن قازدیرمیشدی. سویو آزدیر و ایچمه‌لی دئییل.

پهلوان کهریزی

جنوب‌دان یانیغین اراضی‌سینه و اوتایداکی محله‌لره جریان ائدیردی.

هیبت

بو چئشمه ده جنوب‌دان گلیر و سویو آزدیر. یانیغین اراضی‌سینه و او طرفین باغ-بوستانلارینا آخیردی.

بویوک سلطانی

بو قایناق دا جنوب‌دان گلیر و ائله شهرین جنوبون‌دادیر.

کیچیک سلطانی

بو چئشمه ده سلطانی-بوزورگ کیمی‌دیر.

تاریخ
2019.05.20 / 12:49
مولف
آینوره مممدووا
شرح لر
دیگر خبرلر

دومانلی تبریز ۱۳۰-اینجی بؤلوم

رسولزادنین فرانسیزجا کیتابی ترجمه ائدیلدی – ایلک دفعه

چاغداش آذربایجان آشیقلارینین شعیرلرینین آنتولوگییاسی چاپ ائدیلدی - فوتو

آنادولونون ان احتیشام‌لی قالالار مسکنی ساییلان -غازی‌آنتپ - فوتو

دومانلی تبریز ۱۲۹-جو بؤلوم

همدان آشیق مکتبینین اوستاد آشیقی وفات ائتدی

سورقو: "تراکتورسازی تبریز" یا "تراکتور آذربایجان"

خوجالی‌دا ارمنیلری شوکا سالان آنونس: باتالیون، جبهه‌یه!

دومانلی تبریز ۱۲۸-نجی بؤلوم

قارا بالیق دۏغۇم گۆنۆن قۇتلۇ اۏلسۇن

خبر خطّی
 
Axar.az'da reklam Bağla
Reklam
Bize yazin Bağla