Axar.az
یوخاری
27 اییون 2019


بوتؤو آذربایجان سئودالی‌سی دونیا شهرت‌لی ماراغالی عالیم

آنا صحیفه کولت
12 Punto 14 Punto 16 Punto 18 Punto

حاقین‌دا صحبت آچاجاغیمیز بو خییرخواه اینسان- آمریکادا چوخ مشهور اورک جراحی، پروفسور شاپور انصاری‌دیر.

او، ۱۹۳۶-جی ایلده، ایولون ۲-ده جنوبی آذربایجانین ماراغا شهرین‌ده مولکدار عائله‌سینده دونیایا گلیب.

۱۹۵۶-۱۹۶۳-جو ایللرده تهران طب اونیورسیتتین‌ده عالی تحصیل آلیب. ۱۹۶۳-جو ایلده ایران‌دا آمریکانین سفیرلیین‌ده تشکیل اولونموش موسابیقه‌دن اوغورلا کئچه‌رک بو اؤلکه‌یه دعوت آلیب. ۱۹۶۳-۱۹۶۸-جی ایللرده آمریکانین ویستئتی طب اونیورسیتتین‌ده اورک جراحی ایختصاصینا ییلنیب.۱۹۶۸-۱۹۷۱-جی ایللرده واشینگتن‌دا جورج تاون اونیورسیتتین‌ده تحصیلینی داوام ائتدیریب. ۱۹۷۱-جی ایلده میشیقان ایشتاتینین مونرو شهرینه دعوت آلماقلا همین شهرین ایکی بؤیوک خسته خاناسین‌دا حکیم-جراح کیمی چالیشیب. تئزلیکله کاردیالوگییا شعبه‌سینین مدیری وظیفه‌سینه تعیین اولونوب. ۱۹۸۰-جی ایلدک همین وظیفه‌ده ایشله‌ییب.

۱۹۸۰-جی ایلده کانادایا دعوت آلاراق بیر ایل اوردا جرراه کیمی فعالیت گؤستریب. ۱۹۸۱-جی ایلده وسقانسن ایشتاتینین میرواکی شهر خسته خاناسین‌دا دونیاجا مشهور آمریکالی اورک-دامار جراحلاری ایله بیرلیکده بئش ایل اورک دامارلارینین دییشدیریلمه‌سی ایله مشغول اولوب و جراحییه‌نین بو ساحه‌سینه موکمل ییلنیب. او واختا قدر دونیا صحییه‌سین‌ده یالنیز همین خسته خانادا اورک دامارلارینی دییش‌دیره بیلیرمیشلر. بئله‌لیکله او، آمریکادا بو عملیاتی آپارا بیله‌ن بئش جراحدان بیری اولور.
۱۹۸۶-۱۹۸۹-جو ایللرده اوهایا ایشتاتین‌دا چالیشیر.

۱۹۸۹-جو ایلده ایرانا دعوت آلیر، ایکی ایل عرضین‌ده اورادا بیر نئچه موتخصیص یئتیش‌دیرمکله اورک دامارلارینین دییشدیریلمه‌سی جراحییه عملیاتلارینین تملینی قویور.
۱۹۹۲-جی ایلده یئنی‌دن آمریکایا قاییداراق میشیقان ایشتاتین‌دا چالیشیر. اؤتن بو مدت عرضین‌ده او، علمی فعالیتله ده مشغول اولوب، آمریکانین موختلیف اونیورسیتتلرین‌ده بو علمین سیرلرینی تدریس ائدیب، طب علمری دوکتورو، پروفسوردور…

دوکتور شاپور انصارینین آذربایجان دؤولتی قارشی‌سیندا خیدمتلری وار. بیر میلیون دلار پول اؤد‌یه‌رک واشینگتن‌دا آمریکا-آذربایجان تیجارت پالاتاسی اوچون بینا آلیب، دؤولتیمیزه هدییه ائدیب.

او، آذربایجانین بوتؤولویونو آرزولایان آیدینلاریمیزدان بیریدیر. بؤیوک آذربایجان سئودالیسیدیر. بوتون وارلیغی ایله آذربایجانا، میللتینه باغلی آدام‌دیر…

اصیل‌زاده‌لره خاص اولان مدنیتی، کوبار داورانیشی، ایتی زکاسی ایله مینلرله اینسانین رغبتینی قازانیب.
اللی دؤرد ایلدیر کی، آمریکادا یاشاییر. بونا باخمایاراق، فیکیر و دوشونجه‌لرینی آنا دیلینده سلیست، موکمل ایفاده ائده بیلیر…

جسارتلی ضیالیدیر. ۲۰۱۵-جی ایلده ب ام ت-نین اینسان حقوقلاری کمیسییاسینین ایجلاسین‌دا گئنیش نیطق سؤیلییر. تعقیبلردن قورخمایاراق چیخیشیندا جنوب‌دا یاشایان آذربایجانلیلارین حاقلارینین ایران دؤولتی طرفین‌دن کوبودجاسینا پوزولدوغونو کسکین تنقید ائدیر و بو پروبلمی دونیا ایجتیماعیتینین نظرینه چاتدیریر...

۱۹۹۹-جو ایلده اؤز شخصی حسابین‌دان بیر میلیون دلار اؤد‌یه‌رک آمریکاداکی آمریکا-آذربایجان تیجارت پالاتاسی اوچون بینا آلیب. اوچ رنگ‌لی بایراغیمیز بو گون ده همین بینانین اوستون‌ده دالغالانیر…
او، ۱۹۹۷-جی ایلده خالق آرتیستی، مشهور پیانوچو چینگیز صادیقووون موشایعتی ایله فیدان و خورامان باجیلارینین آمریکادا کنسرتینی تشکیل ائدیب و آمریکانین نفوذلو اورکسترلریندن بیرینی کیرایه‌له‌مکله کنسرتین بوتون مالییه خرجلرینی اؤزو اؤد‌ییب…

آمریکادا معاصر تکنولوگییالارا اویغون، یوکسک کئیفیت‌لی، اون مین تیراژلا آودیو دیسک بوراخدیراراق، بولبولون ۱۰۰ ایللیی مناسیبتی ایله باکی‌دا تشکیل اولونان یوبیلئی تدبیرینه هدییه ائدیب…

او، ۱۹۷۴-جو ایلده آمریکانین میشیقان ایشتاتی، مونرو شهرینده یاراتدیغی اؤزل خسته خانانی ۱۹۹۴-جو ایلده‌ن قوجالار ائوینه چئویریب و محض اونون مادی ایمکانلاری حسابینا اورادا آهیل یاشلی اینسانلارین یاشاماسی ایله یاناشی، معالیجه‌سی ده یوکسک سوییه‌ده تعمین اولونور. قیرخ نفرلیک خیدمتی پئرسونالی اولان همین قوجالار ائوی ایکی دفعه میشیقان ایشتاتین‌دا بیرینجی یئره چیخیب…

یاش فرقلرینه باخمایاراق جواد هئیتله اوزون ایللر دوستلوق ائدیب و دوستونون فعالیتینه ده بیگانه قالماییب، دفعه‌لرله مادی دستک گؤستریب…

تاریخ
2019.05.21 / 10:36
مولف
آینورا مممدووا
شرح لر
دیگر خبرلر

دومانلی تبریز ۱۳۰-اینجی بؤلوم

رسولزادنین فرانسیزجا کیتابی ترجمه ائدیلدی – ایلک دفعه

چاغداش آذربایجان آشیقلارینین شعیرلرینین آنتولوگییاسی چاپ ائدیلدی - فوتو

آنادولونون ان احتیشام‌لی قالالار مسکنی ساییلان -غازی‌آنتپ - فوتو

دومانلی تبریز ۱۲۹-جو بؤلوم

همدان آشیق مکتبینین اوستاد آشیقی وفات ائتدی

سورقو: "تراکتورسازی تبریز" یا "تراکتور آذربایجان"

خوجالی‌دا ارمنیلری شوکا سالان آنونس: باتالیون، جبهه‌یه!

دومانلی تبریز ۱۲۸-نجی بؤلوم

قارا بالیق دۏغۇم گۆنۆن قۇتلۇ اۏلسۇن

خبر خطّی
 
Axar.az'da reklam Bağla
Reklam
Bize yazin Bağla