Axar.az
یوخاری
27 اییون 2019


تبریزین عظمت‌لی تاریخی- قدیم کهریزلر- آلتینجی یازی

آنا صحیفه کولت
12 Punto 14 Punto 16 Punto 18 Punto

عظمت‌لی تبریز شهرینین کهریزلری ایکی حیصه‌یه بؤلونور: بیرینجی‌سی، قدیم اولانلار و اوزاق کئچمیش‌ده قازیلانلاردیر؛ ایکینجی‌سی ایسه سون عصرده شهرین بؤیوکلری و تاجیرلری طرفین‌دن چکیلمیش خطلردیر. Axar.az تبریز کهریزلری حاقین‌دا نؤوبتی یازی تقدیم ائدیر (نادیر شاه قاجارین "تبریز تاریخی " اثری اساسین‌دا).

حاجی میرزا هاشیم آغا کهریزی

بو کهریز سویون بول‌لوغونا، خوشمزلیینه و فایدالیلیغینا گؤره تبریزده ایکینجی ایدی. شهرین بؤیوک سمتینی سو ایله تعمین ائدیر و خئییر گتیره‌ن دییرمانلاری فیرلادیردی. اونون قیمتی امامی-جمعه کهریزینین قیمتی ایله عینیدیر. بو کهریزی میرزه مهدی قاضینین اوغلو حاجی میرزه هاشیم آغا قازدیرمیشدی. سونرادان وراثت حکمو ایله او بؤیوک شخصین اوچ قیزینین ایختیارینا کئچدی.

فتح اباد کهریزی

بو کهریزه منبیی یئرلشدیی کندین آدینی قویوبلار. تبریزین جنوب-شرقین‌ده‌دیر. کهریزین اساسینی تاجیر میرزه حاجی سید حسین قویموشدور. او، بو دونیادان کؤچه‌ندن سونرا همین کهریزی و تورپاق ساحه‌سینی میرزه احمد خان ساعد الملک ساتین آلیب قوللارین سایینی آرتیرمیش، چوخلو وسایت صرف ائتمیش، مجرا بویو یاخشی دییرمانلار تیکدیرمیش و اؤز سارایینا گتیرمک اوچون شهره طرف ایستیقامت وئرمیشدی. او، جوان یاشیندا اؤلدو و کهریز مولکدارین علینه کئچدی. سونرادان خیابانین باشیندان شهره آخیر و چوخلو باغ-بوستان اوندان بهره‌لنیر.

شاهزاده کهریزی

بو کهریز آذربایجانا حکمران‌لیق ائتمیش نوواب نصرت الدؤوله طرفین‌دن هیجرتین مین ایکی یوز یئتمیشینجی ایلین‌ده قازدیریلیب اینشا ائدیلمیشدی. سویو بولدور. بیر نئچه تاجیره مالیک ایدی. اونلار سویو بورولار واسطه‌سیله نؤوبه ایله ساتیرلار. ششگلانین محله‌لرینین اکثریتینی و سورخاب محله‌سینین بؤیوک حیصه‌سینی سو ایله تعمین ائدیردی. سویو ایچمه‌لی دئییل، چونکی آنبارلاردان کئچیر و بیر نئچه گوندن سونرا قوخوماغا باشلاییردی.

شاهزاده کهریزی

بو شاه‌زاده نایب السلطه‌نه‌دیر. گئجه‌لر سویون مجراسینی باغلاماغی و احتیاطی الده‌ن وئرممیی تاپشیراردیلار، چونکی گئجه واختی سویون تضییقی آرتاندا دایاقلاری ییخا بیلردی.

سویون محله‌دن آخمادیغی بیر آن بئله اولمازدی. چئشمه‌نین اوستون‌ده شاهزادنین تیکدیردیی اون داش دییرمانی وار ایدی. بو کهریز پولسوز ایشلتمک اوچون شهر ساکینلرینه وقف ائدیلمیشدی. هر هفته بیر گئجه-گوندوز باغی-شیمالین ایختیاریندا اولوردو. آدینا گئجه‌سی گونش باتاندان سونرا شنبه گئجسینه دک سو باغی-شیمالین حوضون‌دان چیخیب شیرهاشیرلا هر طرفه آخاردی و تبریزین قالاسینا قدر جریان ائدردی، سونرا قالانین او طرفین‌ده‌کی بوغازدان خاریج اولوب آجیرود چایینا تؤکولردی. ایندی اونون هئچ آدی دا قالماییب.

حاجی سید حسین کهریزی

بو کهریز تانینمیش تبریز بازرگانی حاجی سید حسین‌دن سونرا اونون وصیتینین حکمو ایله قازیلمیشدیر. اونون مجراسی شهرین جنوبون‌دان باش آلیر و ارمنیلر محله‌سی اوچون نظرده توتولموشدور. سویو اولدوقجا خوشاگلمز و یارارسیزدیر. بو سودا پالتار یویاندا چیرکی گئتمز، شوران اوت و صابون کؤپوکلنمز، ات بیشیرسه‌لر، عمرون‌ده بیشمز، دویو برکیر و رنگی چای رنگینه دؤنردی. بو سو ایله سوواریلان اوت یاخشی بیتمز. صاف اولسا دا، احتیاط اوچون حوضدا ساخلاسالار، بیرجه گون‌دن ده تئز سویون اوستو و هوووزون دیوارلاری کیفلنر. عجبدیر کی، او محلنین و بو چئشمه‌دن بهره‌لنه‌ن هر بیر یئرین اهالی‌سی اوندان ایچسه‌لر، هئچ اذیت چکمزلر، آنجاق اگر باشقا محله‌نین آداملاری ایچسه‌لر، او ساعت معده‌لری خراب اولار. بونونلا بئله، بو گون اونون بیر بوروسونون قیمتی دؤرد تومن ایدی.

تاریخ
2019.05.21 / 11:14
مولف
آینوره مممدووا
شرح لر
دیگر خبرلر

ایران تالیشلارینین سئویم‌لی خؤریی اولان میرزاقاسیمبی -رسپتی

دومانلی تیریز ۱۳۱-اینجی بؤلوم

شان‌لی تاریخه مالیک قهرمان تورک شهری - چاناققالا

دومانلی تبریز ۱۳۰-اینجی بؤلوم

رسولزادنین فرانسیزجا کیتابی ترجمه ائدیلدی – ایلک دفعه

چاغداش آذربایجان آشیقلارینین شعیرلرینین آنتولوگییاسی چاپ ائدیلدی - فوتو

آنادولونون ان احتیشام‌لی قالالار مسکنی ساییلان -غازی‌آنتپ - فوتو

دومانلی تبریز ۱۲۹-جو بؤلوم

همدان آشیق مکتبینین اوستاد آشیقی وفات ائتدی

سورقو: "تراکتورسازی تبریز" یا "تراکتور آذربایجان"

خبر خطّی
 
Axar.az'da reklam Bağla
Reklam
Bize yazin Bağla