Axar.az
یوخاری
27 اییون 2019


تبریزین مراسیم یئمکلری

آنا صحیفه کولت
12 Punto 14 Punto 16 Punto 18 Punto

آذربایجانین زنگین مطبخ مدنیتی دونیادا مشهوردور.

Axar.az بو یازی‌دا تبریز شهرینین مراسیم یئمکلرین‌دن صحبت آچاجاق. اولجه اونو دئیک کی، تبریز قدیم دؤورلردن اؤزونون مادی-مدنیت نمونه‌لری، صنتکارلیغی ایله ده مشهور اولوب. بورادا مطبخ مدنیتی ایسه اؤز زنگین‌لیگی ایله سئچیلیب. تدقیقات‌چی ایلهامه ممدووا یازیر کی، تبریزده حاضرلانان خؤرک و شیرنیاتلارین بیر قیسمی شهرین آدی ایله باغلی‌دیر: تبریز پاخلاواسی، تبریز نوقاسی، تبریز کوفته‌سی و س. بوتون بونلار، سؤزسوز کی، شهرین مطبخینین چوخ چئشیدلی اولماسین‌دان خبر وئریر.

تبریز مطبخی اورتا عصرلرده سیاحلارین دا دقتینی چکیب. ائولییا چلبی مشهور «سیاحتنامه» اثرین‌ده آذربایجان مطبخینین زنگینلییندن حیرتله بحث ائدیب. او، شهرده آغ پمبه چؤرک، کک‌لیک کابابی، ۴۰ نؤو عطیرلی پلووون، ۱۲ نؤع شیرنیاتین اولماسین‌دان سؤز آچیب. ایستیفاده ائدیله‌ن ایچکی نؤولرینی قید ائد‌ن مؤلف شهرده «مؤسنات» اوزوموندن حاضرلانان ۷ نؤو شیره، «مله‌نی» اوزومونون صاف شرابی، «قوقناز» شرابی، نارشراب، قیش شرابی، بال شیره‌سی و دیگر ایچکیلرین آدینی چکیب.

منبع‌لرده گؤستریلیر کی، تبریزده گونده‌لیک حاضرلانان خؤرکله مراسیم یمکلری بیر-بیرین‌دن فرقلنیر. بورادا هر فصله اویغون اولاراق یئمکلرین ترکیبی دییشیر. موختلیف فصیللرده و مراسیملرده اهالینین گونده‌لیک قیداسینی اساساً دویو تشکیل ائدیر. دویودن فرقلی دادا و گؤرونوشه مالیک یئمکلر حاضرلانیر.

تبریزده رمضان، قوربان، مؤولود بایراملاریندا خصوصی خؤرکلر حاضرلانیر. حتی نذیر سفره‌سی آچماق عنعنه‌سی ده وار. هر کس آرزو و ایستیینین قبول اولونماسی اوچون دیلک توتور و حاصیل اولدوق‌دان سونرا نذیر وئریر. عینی زامان‌دا خالق آراسین‌دا دینی مقدسلرین آدینا دا سفره‌لر آچیلیر. مثلاً، امام زامان سفره‌سینین یئمکلری سودسیییق، چؤرک، پئندیر، گؤیرتی و قوز حالواسین‌دان عبارت اولور. هفته‌نین چرشنبه گونو سهرچاغی حضرت زینب سوفره‌سین‌ده اریشته آشی تقدیم اولونور. ایمام حسن سوفره‌سینین ان موهوم جهتی اونون یاشیل رنگده اولماسیدیر. بو سوفره‌یه یاشیلاچالان خؤرکلر - گؤیرتی، یاشیل کیشمیش، بعضا کسیلممیش قارپیز قویولور. علی سوفره‌سینه عادتا اوشاقلار دعوت اولونور. خؤرکلرله برابر، اوشاقلارا شیرنیات و سود ده وئریلیر. ختمی-قوران سوفره‌سینی پلوو، شیرین چؤرکلر و مئیوه‌لر بزییر.

رمضان آیین‌دا تبریزلیلر پهریز مطبخینه گئنیش یئر وئریرلر. قوربان بایرامین‌دا قویون و دوه کسیلیر. بایرام عرفه‌سین‌ده قوهوم-قونشولار بیر یئره ییغیشیب یاردیملاشاراق چئشیدلی شیرنیاتلار حاضیرلاییرلار. مقدس گون‌ده سوفره‌یه اساساً تبریز کوفته‌سی، قووورما، پلوو، لوبیالی سبزی پلوو، اریشته پلوو، مرجی پلوو و دیگر تاملار قویولور. مؤوسومو بایراملاردان اولان خیدیر نبی بایرامی دا اؤزونمخصوصلوق تشکیل ائدیر. نذیری اولانلار، اساساً اؤولاد دیله‌یه‌ن قادینلار احسان سوفره‌سی آچیرلار. مراسیمه قوهوم-قونشولار دعوت اولونور، شام ائتدیک‌دن سونرا رقص ائدیر و شادلانیرلار. زنگین عائله‌لر بو گون اوچون «کیشمیش شئشندازی» آدلی مخصوصی خؤرک حاضیرلاییرلار. حضرتی خیزیرین گلمه‌سی مناسیبتیله نارشراب و خورما ایله یئییلن ماش پلوو بیشیریلیر.

نووروز بایرامین‌دا ایسه، دئمک اولار کی، تبریزین مطبخ مدنیتینین سرگیسی تشکیل اولونور. بایرامین بوتون مرحله‌لرینده - دؤرد چرشنبه‌ده چوخسایلی خؤرکلر حاضرلانیر. همین گون اساساً کنگر پلوو بیشیریلیر و کاهی دوشابلا و یا ایسکنجبینله یئییلیر. یئنی ایل اوچون هر عائله‌ده آینا، سخسی کوزه، تزه پالتار، چرز (لبلبی)، مئیوه و س. آلینیر. بایرام گونو موطلق سوفره‌یه یئددی نؤو «سین» حرفی ایله باشلایان سمنی، سبزی، سیرکه، سوماق و س. کیمی قیدالار قویولور.

تاریخ
2019.05.21 / 12:30
مولف
آینورا مممدووا
شرح لر
دیگر خبرلر

دومانلی تبریز ۱۳۰-اینجی بؤلوم

رسولزادنین فرانسیزجا کیتابی ترجمه ائدیلدی – ایلک دفعه

چاغداش آذربایجان آشیقلارینین شعیرلرینین آنتولوگییاسی چاپ ائدیلدی - فوتو

آنادولونون ان احتیشام‌لی قالالار مسکنی ساییلان -غازی‌آنتپ - فوتو

دومانلی تبریز ۱۲۹-جو بؤلوم

همدان آشیق مکتبینین اوستاد آشیقی وفات ائتدی

سورقو: "تراکتورسازی تبریز" یا "تراکتور آذربایجان"

خوجالی‌دا ارمنیلری شوکا سالان آنونس: باتالیون، جبهه‌یه!

دومانلی تبریز ۱۲۸-نجی بؤلوم

قارا بالیق دۏغۇم گۆنۆن قۇتلۇ اۏلسۇن

خبر خطّی
 
Axar.az'da reklam Bağla
Reklam
Bize yazin Bağla