Axar.az
یوخاری
27 اییون 2019


تبریزین قدیم و مشهور استراحت یئری باغشیمال

آنا صحیفه کولت
12 Punto 14 Punto 16 Punto 18 Punto

باغشیمال تبریز شهرینین جنوبون‌دا مشهور بیر یئردیر. روایته گؤره تبریزده‌کی «باغی-عشرت آباد شیمال» و «هشت بهشت» باغی پادشاه حسنین اوغلو سلطان یعقوب سالیب و صفوی نسیلدن اولان پادشاهلارین دؤورونده ده او یئر یاد ائدیلیر. اونون آبادلاشدیرماسیندا نایب السلطه‌نه عباس میرزا بؤیوک ایش گؤروب. بو اراضینین اؤلچوسو ائلدیر کی، بورادا قیرخ خالوار توخوم اکمک اولار. دؤرد حیصه‌دن عبارت‌دیر. بیر حیصه‌سی بؤیوک باغ‌دیر.

شیمالا آچیلان قاپی‌دان بورایا داخیل اولارلار و اورادان عمارته دوغرو هر ایکی طرف‌دن سلیقه-سهمانلا آلما و آرمود آغاجلاری اکیلمیش ایکی خیابان سالینیب. عمارته یاخین یئرده اوچ نردیوان بؤیوک سو حوضه‌سی اولان سویه دک قالخیر. بورادا هوندور عمارت اینشا ائدیلیب و قاپینین اؤنون‌ده‌کی دهلیزدن ایکی طرفدن نردیوانلار واسطه‌سیله اورایا قالخارلار. اورادا گئنیش و هوندور کولافیرنگی وار و اونون بیر طرفی شیمالا و شهره دوغرودور. اورادا همچینین یوخاری چیخان یئددی پنجره قویولوب. او بیری اوزو گلستان باغینا، سهند داغینا و اونون قارلا اؤرتول-موش زیروه‌لرینه باخیر. اونون ایکی طرفینده ایکی اوتاق وار. بیرینین اوزو باغا و شهره طرف‌دیر، دیگرینین ایسه شرقه و غربه، فرهاد و شیرین آدی ایله مشهور باغین قاپی‌سی یؤنونده‌دیر. بؤیوک کؤشک قودرتلی حکمدارلارین صورتلری ایله بزدیلمیشدیر. دهلیزدن گلستان باغینا گئدن یول‌دا اوزو جنوب ایستیقامتین‌ده کرپیجله اؤرتولموش، بعضیلرین‌ده ناخیشلی آینابندلر ده اولان حجره‌لر مؤوجوددور. بونلار قادینلار اوچون تیکیلیب. همین حجره‌لرین او بیری باشین‌دا حمام واردیر.

تبریزلیلر بو باغا شاهزاده باغی (او اراضی‌ده چوخلو بینالار تیکدیرمیش عباس میرزا نایب السلطنه‌نین شرفینه) و یا قوم باغی (تورپاغی اساساً قوم‌دان اولدوغونا گؤره) دئییرلر. محکم و هوندور ائولر وار ایدی. او بینالارین هامیسی داغیلدی. کئچمیش‌ده دؤولتین ولیهدی گلستان عمارتینین آخیر حیصه‌سینده، بادام باغی اولان یئرده، بؤیوک بیر بینا تیکدیریب چوخ هوندور یای حوضو قویموشدو. هوضون اطرافین‌دا ایچریدن بوتون شهره تاماشا ائتمک مومکون اولدوغو و شکیللرده گؤردویوموز چین بینالارینا اوخشایان بؤیوک حجره‌لر و کؤشک اینشا ائدیلمیشدی. او، بورادا داها ایکی ائو تیکدیریب. بئله دئییرلر کی، بو یئره ایندییه قدر ایگیرمی مین تومن قیزیل صرف ائدیبدیر.

بو گلستان باغینین بیر اوزو بادام باغینا ساریدیر و باغین سونوندا یانیغا باخان هوندور بیر کؤشک وار. بعض اوردو اورادا واخت کئچیریر. ایندی بورا آباد، یاشیل و دینج آلماق اوچون موناسیب بیر یئردیر. کئچمیشلرده تبریز خالقی همین مکان‌دا استراحت ائدردی و هئچ بیر قاداغا قویولمازدی. آنجاق سونرادان باغ اجاره‌یه وئریله‌ندن سونرا ایجاردار هر قاپییا یئکه بیر ایت باغلادیلار کی، ساکینلرین بورایا گلمه‌یه ایمکانلاری اولماسین.

تاریخ
2019.05.22 / 18:50
مولف
آینورا مممدووا
شرح لر
دیگر خبرلر

فضولینین "پنبه-داغ جنون..." آدلی غزلینین ماراق‌لی شرحی

ایران تالیشلارینین سئویم‌لی خؤریی اولان میرزاقاسیمبی -رسپتی

دومانلی تیریز ۱۳۱-اینجی بؤلوم

شان‌لی تاریخه مالیک قهرمان تورک شهری - چاناققالا

دومانلی تبریز ۱۳۰-اینجی بؤلوم

رسولزادنین فرانسیزجا کیتابی ترجمه ائدیلدی – ایلک دفعه

چاغداش آذربایجان آشیقلارینین شعیرلرینین آنتولوگییاسی چاپ ائدیلدی - فوتو

آنادولونون ان احتیشام‌لی قالالار مسکنی ساییلان -غازی‌آنتپ - فوتو

دومانلی تبریز ۱۲۹-جو بؤلوم

همدان آشیق مکتبینین اوستاد آشیقی وفات ائتدی

خبر خطّی
 
Axar.az'da reklam Bağla
Reklam
Bize yazin Bağla