Axar.az
یوخاری
27 اییون 2019


آذربایجانین قدیم تاریخی -داش ایشله‌مه صنعتی

آنا صحیفه کولت
12 Punto 14 Punto 16 Punto 18 Punto

داشیشله‌مه اؤلکه‌میزده زنگین عنعنه‌لره مالیک ان قدیم و آرخایک صنعت نؤولرین‌دن بیری‌دیر. بو صنعتین تاریخی آذربایجان اراضی‌سین‌ده قدیم اینسانین تشکل تاپدیغی ایلک دؤورلره گئدیب چیخیر.

آزیخ، دامجیلی، تاغلار، داش صالاحلی و دیگر پالئولیت عابده‌لرین‌دن آشکار ائدیلمیش مادی-مدنیت قالیقلاری، خصوصیله ده بسیت داش آلتلر یوردوموزون قدیم ساکینلرینین داش دؤورونده‌کی ایلک صنعت-پئشه حیاتین‌دان سوراق وئریر.

اویما صنعتینین ایلک نمونه‌لرینه قوبوستان و گمیقایادا راست گلیریک. ائرامیزدان اول ۸-جی مینیل‌لییه عایید اولان قوبوستان قایاوستو رسملری ایتی اوجلو داش آلتلرله اویولوب. دمیر و مئتال آلتلرین معیشت‌ده تطبیق ائدیلمه‌سی داش آلت و سلاحلاری سیخیشدیریب آرادان چیخاردی و بونونلا دا داش ایشله‌مه صنعتی اؤزونون یئنی تاریخی مرحله‌سینه قده‌م قویدو. هؤرمه اینشاعات تئکنیکاسینین میدانا گلمه‌سی نتیجه‌سینده بو صنعتین بنالیق، داش یونما، شبکه‌چی‌لیک، حکاک‌لیق ساحه‌لری یاراندی. محل‌لی خصوصیتلری ایله فرقلنه‌ن بیر سیرا معمارلیق مکتبلرینین میدانا گلمه‌سی و اونلارین چوخجهت‌لی ثمره‌لی فعالیتی عنعنوی داش ایشله‌مه صنعتینی داها دا زنگینلشدیردی. بونا نمونه کیمی شیروان-آبشرون معمارلیق مکتبینی مثال چکمک اولار.

داش ایشله‌مه صنعتینین دکوراتیو باخیمدان زنگین و مکمل نؤعونو حکاک‌لیق تشکیل ائدیر. حکاک‌لیق قبیر اوستو عابده‌لر و اینشاعات حیصه‌لرینین دوزلدیلمه‌سین‌ده ایستیفاده ائدیلیب( صندوقه و کیتابه‌لر). فئودالیزم دؤورونده اهالینین آشاغی طبقه‌لریندن فرقلی اولاراق، وارلیلار محتشم سارای و قصرلر، دبدبه‌لی یاشاییش بینالاری تیکدیریردیلر. داشدان تیکیلن تیکی‌لیلر بدیعی دکورا مالیک اویما-نقشله بزدیلیردی. بو دا صنعتین تکنیکی جهتدن اینکیشافینا و تکمیللشمه‌سینه گتیریب چیخاردی.

تاریخ
2019.05.26 / 12:18
مولف
آینورا مممدووا
شرح لر
دیگر خبرلر

دومانلی تبریز ۱۳۰-اینجی بؤلوم

رسولزادنین فرانسیزجا کیتابی ترجمه ائدیلدی – ایلک دفعه

چاغداش آذربایجان آشیقلارینین شعیرلرینین آنتولوگییاسی چاپ ائدیلدی - فوتو

آنادولونون ان احتیشام‌لی قالالار مسکنی ساییلان -غازی‌آنتپ - فوتو

دومانلی تبریز ۱۲۹-جو بؤلوم

همدان آشیق مکتبینین اوستاد آشیقی وفات ائتدی

سورقو: "تراکتورسازی تبریز" یا "تراکتور آذربایجان"

خوجالی‌دا ارمنیلری شوکا سالان آنونس: باتالیون، جبهه‌یه!

دومانلی تبریز ۱۲۸-نجی بؤلوم

قارا بالیق دۏغۇم گۆنۆن قۇتلۇ اۏلسۇن

خبر خطّی
 
Axar.az'da reklam Bağla
Reklam
Bize yazin Bağla