Axar.az
یوخاری
18 اییون 2019


هیتلئر و ایستالینین دردیندن دیوانه اولدوغو آگنت قادین - فاکتلار

آنا صحیفه کولت
12 Punto 14 Punto 16 Punto 18 Punto

ماریکا رؤکک آدلی بو قادینین دردین‌دن هم هیتلر، هم ده ایستالین دیوانه ایدیلر. هیتلرین سلاحداشی گئببئلین و ناسیست آلمانییاسینین حربی کشفیاتینین رهبری کاناریسین معشوقه‌سی اولدوغو دئییلن بو اسرارنگیز قادین اصلین‌ده کیم ایدی؟

آخار. آذ خبر وئریر کی، ماریکانین سوویت، یاخود فاشیست کشفیات‌چی‌سی اولوب-اولمادیغی حاق‌دا هله ده موباحثه‌لر سنگیمیر. اوچونجو جبهه ایسه اونون ساده‌جه چوخ سئویله‌ن اینجسنت نماینده‌سی اولدوغونو ادعا ائدیر.

اما دییشمه‌یه‌ن فاکت اودور کی، رؤکک سیویلیزاسییامیزین ان وحشی رئژی‌می فاشیزمه خیدمت ائدیب. بونا باخمایاراق سووئت کینوتئاترلارینین کاسالاری هر زامان ماریکانین ایشتیراکی ایله اولان فیلملره باخماق اوچون توپلاشان اینسان ایزدیهامی ایله دولو اولوب.

بس ساواشلار ایلاهه‌سی اولان ماریکا رؤکک کیم‌دیر؟

ماریکا وارلی آوسترییالی عائله‌سین‌ده دوغولموش‌دو. آتاسی آوروپانین ان مشهور معمارلارین‌دان بیری ایدی. والیدینلری بالاجا ماریکایا هر طرف‌لی تحصیل وئرمک اوچون چالیشیردیلار. بال رقصلری معلمه‌سی ایسه روس مادام رودووسکایا ایدی. ماریکانین روسییایا اولان سئوگی‌سینین توخوملارینی دا معلمه‌سی سپمیشدی.

بیرینجی دونیا محاربه‌سین‌دن سونرا ماریکانین آتاسینین پوللاری ساخلانیلان بوتون بانکلار ایفلاس اولور. تیکینتی اوچون سیفاریشلر ده توکنیر. عائله پاری‌سه کؤچمه‌یه مجبور اولور. یئنی‌یئتمه قیز پاریسین کاباره لرین‌ده چالیشماغا باشلاییر. غریبه‌سی اودور کی، ماریکانین آتاسی دا اونونلا بیرگه کابارئلرده چیخیش ائدیردی. بیر ایل سونرا اونلار یئنی سهنه‌لر فتح ائتمک اوچون آمئریکایا یول‌لانیرلار. ۱۷ یاش‌لی رققاسه اؤزونو ایلک دفعه فیلم‌ده سیناییر. ۱۹۳۵-جی ایلده ایسه آلمانیانین کینو شیرکتلرینه دعوت آلیب، یارادیجی‌لیغینا بورادا داوام ائدیر. صنعتینین زیروه‌سینه ده آلمانیادا چاتیر.

همین واختلار ناظر گئببئلس اینجه صنعتین، اینسانلاری گون‌ده‌لیک قایغیلاردان آزاد ائتمک کیمی وظیفه داشیمالی اولدوغو فیکرینی اؤنه چکیر. گونلرین بیر گونو اینجه صنعت اوستالاری هیتلرین حضورونا گلیرلر. فورئرله گؤروش زامانی ماریکا اونا کیشی سایاغی ال اوزاتماق‌دان ایمتینا ائدیب کنیکسئن حرکتی (تعظیم) ایله سالاملاییر. هیتلر ماریکانین الینی اؤپرک اونا اولان حیران‌لیغینی دیلینه گتیریر.

بعضی منبع‌لره گؤره، گئببئلس مشهور آکتریسا ایله عشق یاشاماق ایسته‌سه ده رؤکک بو تکلیفی همیشه گئری چئویریردی. هر دفعه ده زارافاتلا رژیسور اری گئورق یاکوبون چکدیی فیلمی حددن آرتیق اروتیک آدلاندیریب اکران قاداغاسی قویدوغونو بهانه گتیریردی. دیگرلری ایسه حساب‌لی عشق اوچبوجاغینی تسدیقلییرلر.

یاکوب ماریکادان ۳۱ یاش بؤیوک اولسا دا بیر-بیرینی احتیراسلا سئویردیلر. رژیسور حیات یولداشی آروادینین مشهورلاماسی اوچون الین‌دن گلن هر شئیی ائدیردی.

آگئنت «ایلونا»

آلمانییانین گیزلی سندلرین‌دن الده اولونان ملوماتارا گؤره، ۱۹۴۰-جی ایلده‌ن باشلایاراق ماریکا رؤکک و اری آرتیق سووئت اوردوسونون کشفیات‌چیلارینا چئوریلیرلر. «کرونا» آدلی خفییه شبکه‌سینین عضولری اولان جوتلویون اساس ایداره‌چی‌سی ایسه سووئت کشفیات‌چی‌سی، «کؤلگه‌سیز آدام» لقبی له تانینان یان چئرنیاک ایدی. چئرنیاک بو وظیفه اوچون اونکال اینسان ایدی. بیر نئچه آوروپا دیللرین‌ده یاخشی دانیشیر، فوتوقرافیک یادداشی ایله هر کسی حیرته سالیر، همچینین عقل‌لی و کیفایت قدر احتیاط‌لی ایدی. چئرنیاکین الالتیلاری آراسین‌دا فران‌سانین خاریجی ایشلر ناظیرلیینین کاتیبی، دیگر اؤلکه‌لرین بانکیر و حرب‌چیلری ده واردی.

چئرنیاکین دسته‌سین‌ده هیتلرین گون‌ده‌لیک قوروسکوپونو ترتیب ائد‌ن شخصی آسترولوقو، حتی سلاح ایستحصالی ایله مشغول اولان شیرکت صاحبلرینین قیزلاری دا واردی.

گونلرین بیر گونو سووئت کشفیاتینین رهبری بئرزین یان چئرنیاکا قریبه تاپشیریق وئریر. حرب‌چیلر، سیاست‌چیلر، ایستحصال‌چیلارلا یاناشی اینجه صنعت نماینده‌لری ده سووئت کشفیاتینا جلب اولونمالیدیرلار.

۱۹۳۷-جی ایلده موسکوادا «ایلونا» آدلی خفییه حاق‌دا خبرلر گزمه‌یه باشلادی. هر کس بو آد آلتین‌دا ماریکانین گیزلندیینی ادعا ائدیردی. لاورئنتی بئرییانین اوغلو آتاسی حاق‌دا یازدیغی کیتاب‌دا بو فاکتی تصدیقلییر. ماریکا اؤزو ایسه «بیبرلی اورک» کیتابین‌دا کشفیات فعالیتی حاق‌دا هئچ بیر سؤز دئمیر.

چئرنیاکین کشفیات شبکه‌سی محاربه‌نین گئدیشاتینا بؤیوک تأثیر ائتدی، حتی گئدیشاتینی دییشیردی دئیه بیلریک.

بیر گون گئببئل‌سین شهرکناری ائوین‌ده ضیافت تشکیل اولونور. گئببئلس آمئریکا و اینگیلتره ایله گیزلی دانیشیقلار آپارماق پلانین‌دان بحث ائدیر. ائرته‌سی گون بو خبر آرتیق موسکوایا یاییلیر. مشهور آکتری‌سانین روس جبهه‌سی اوچون ایشلدیین‌دن معلومات‌لی اولوب-اولمادیغی حاق‌دا دا دقیق فاکتلار یوخ‌دور. اما فاشیست اوردوسو اوزرین‌ده غلبه‌نین اساس تأمینات‌چیلارین‌دان بیری ده ماریکادیر.

۱۹۴۴-جو ایلده رؤکک «آرزولاریمین قادینی» فیلمین‌ده رول آلیر. سونرا سه زالسبورقا گئدیب چوخ‌دان آرزولادیغی اؤولادینی، قیزینی دونیایا گتیریر. قابرئللا دوغولان‌دان سونرا ماریکا آمریکالی عسگرلر قارشی‌سین‌دا چیخیش ائدیر، الده ائتدیی گلیرله قیزینا باخیردی. ۱۹۴۶-جی ایلده آکتریسا آلمان اوردوسو ایله امکداشلیق‌دا سوچلانیر. فیلملرینه قاداغا قویولور.

بیر نئچه ایل سونرا ایسه او، یئنی‌دن فیلملره، تئاتر تاماشالارینا دعوت آلیر. حتی ایکینجی دفعه عائله ده قورور.

هیتلر و ایستالینین سئوه‌رک ایزلدیی مشهور آکتری‌سا ۲۰۰۴-جو ایلده ۱۰۱ یاشین‌دا اینفارکت‌دان دونیاسینی دییشیر.

بئله‌جه ساواش ایلاهه‌سی ان گیزلی سیرلرینی اؤزو ایله تورپاغا باسدیریر.

تاریخ
2019.06.12 / 13:46
مولف
آیتاج آراز
شرح لر
دیگر خبرلر

نسیمینین غزللر توپلوسو موسکوادا ایشیق اوزو گؤردو

دومانلی تبریز ۱۲۵-اینجی بؤلوم

خییوو اؤیکو یازارلاری بیر یئره توپلاندی

دومانلی تبریز ۱۲۴-اۆنجو بؤلوم

گونئی آذربایجان فولکلورو-«چؤمچه خاتون» مراسی‌می

آذربایجان ایلک و سون عنوانیم ، باش تاجیم‌دیر- آغابی آذربایجانی

دومانلی تبریز ۱۲۳-اونجو بؤلوم

عالیم قاسیموو کیلسه‌ده اذان وئردی - ویدئو

«کیم گؤردو_کیم گؤرمه‌دی‌» تیاتروسوندا نه‌لر یاشانیر

همدان دا ۴۳-جو ماغارا آشکار ادیلدی

خبر خطّی
 
Axar.az'da reklam Bağla
Reklam
Bize yazin Bağla