Axar.az
یوخاری
22 یانوار 2019


آذربایجان فئتؤ-چو گنرالی ایستینتاقا جلب ائتدی

آنا صحیفه پلانت
12 Punto 14 Punto 16 Punto 18 Punto

تورکییه‌ده ۲۰۱۷-جی ایل ایولون ۱۵-ده باش وئرمیش حربی چئوریلیش جهدینین آردینجا آنکارانین ایستیی ایله آذربایجان حقوق-محافظه اورقانلاری دا فتوللاه گوله‌نین شبکه‌سینه (فئتؤ) قارشی تحقیقات باشلادیب.

Axar.az خبر وئریر کی، بو تحقیقات چرچیوه‌سینده ۱۵ ایول حربی چئوریلیش پلانینین لیدری حساب ائدیله‌ن اوردو گنرالی، تورکییه حربی هاوا قوه‌لرینین کئچمیش کوماندانی آکین اؤزتورک ده دیندیریلیب.

آذربایجانین پروکورورلوق اورقانلاری ایکی اؤلکه آراسین‌دا عدلیه ساحه‌سین‌ده قارشی‌لیقلی امکداشلیق اساسین‌دا تورکییه‌نین عدلیه ناظیرلیینه گنرال آکین اؤزتورکه یؤنلدیلمه‌لی اولان ۱۰ سوال گؤندریب. همین سواللار آکین اؤزتورکون آذربایجان‌داکی علاقه‌لری باره‌ده اولوب.

تورکییه عدلیه ناظیرلیینین خاریجی علاقه‌لر و آوروپا اتفاقی اوزره ایداره‌سی آذربایجان طرفینین طلبینی آنکارا جمهوریت پروکورورلوغونا گؤندریب. بو طلب اساسین‌دا پروکورورلوق آکین اؤزتورکو اؤتن گون یانوارین ۱۲-ده ساخلانیلدیغی سینجان اف تیپلی حبسخانادان ژاندارمانین موشایعتی ایله آنکارا عدلیه‌سینه آپاریب. اورادا پروکورور مصطفی سایلام آذربایجانین عدلیه اورقانلارینین گؤندردیی سواللاری اؤزتورکه یؤنلدیب. سواللار اساساً اؤزتورکون آذربایجان‌داکی علاقه‌لری باره‌ده اولوب. ۴۵ دقیقه‌یه یاخین دیندیرمه‌دن سونرا اؤزتورک یئنی‌دن سینجان حبسخاناسینا آپاریلیب.

بیلدیریلیر کی، آذربایجانین حقوق-محافظه اورقانلاری فئتؤ تحقیقاتی ایله باغلی بو تریقتین گیزلی ایستروکتورلاری، مالییه و تحصیل ساحه‌سین‌ده‌کی فعالیتلری، گیزلی خبرلشمه مئتودلاری باره‌ده ده معلوماتلاری تورکییه طرفین‌دن ایسته‌ییب.

بو سورغو اساسین‌دا تورکییه‌نین عدلیه ناظرلیگی آنکارا جمهوریت پروکورورلوغونا یازیلی مکتوب گؤندره‌رک تاپشیریب کی، فئتؤ-نون تورکییه‌ده‌کی فعالیتلری و ایستروکتورو باره‌ده احاطه‌لی دوسیه حاضرلانسین، عدلیه ناظرلیگی واسطه‌سیله آذربایجان طرفینه گؤندریلسین.

خاطیرلاداق کی، آنکارا جمهوریت پروکورورلوغونون حاضیرلادیغی اتهام آکتینا اساساً گنرال آکین اؤزتورک حربی چئوریلیش جهدی ارفه‌سین‌ده بعضی خاریجی اؤلکه‌لرله تلفن دانیشیقلاری آپاریب، او جمله‌دن آذربایجان‌دا ایستیفاده اولونان ۹۹۴۵۱۶۶۰.... موبیل نؤمره‌سی ایله ۲ دفعه دانیشیب.

تاریخ
2019.01.13 / 21:30
مولف
Axar.az
شرح لر
دیگر خبرلر

آذربایجان‌لی عائله ۵ نفری اؤلومدن قورتاردی-اورمییه‌ده

تبریزده نارکوتیک ساتان باند ضررسیزلشدیریلدی

ایران افغانیستان‌داکی ترور حادثه‌سینی پیسله‌دی: اؤلوملری قیناییریق

سرنیشین روسییا طیاره‌سینی اله کئچیردی

نتانیاهو: قیریجیلاریمیز ایران حربی قوه‌لرینی هدفه آلیب

ایران: «ایسرایلی یئر اوزوندن سیلیب محو ائتمه‌یه حاضیریق»

تورپاق سوروشمه‌سی ایران‌دا ۱۴۷ کندین یولونو باغلادی

بو هوجوملار تورکییه‌یه ایمکان وئریر کی... - روس اکسپرت

آوروپا ایسرایلین بو آددیمینی کسکین پیسله‌دی

پولشا ایرانی دعوت ائتمدی: اونلار ائله دیلده دانیشیرلار کی...

خبر خطّی
 
Axar.az'da reklam Bağla
Reklam
Bize yazin Bağla