Axar.az
یوخاری


آمریکا ایرانی بو تاریخ‌ده یوخ ائد‌جک – پولیتولوق‌دان شوک

آنا صحیفه پلانت
12 Punto 14 Punto 16 Punto 18 Punto

پنتاگونون ایرانا راکئت ضربه‌لرینین ائندیریلمه‌سی ایله باغلی پلانی چوخدان مؤوجود ایدی.

بو سؤزلری Axar.az-ا آچیقلاماسین‌دا پولیتولوق ایلقار ولیزاده دئییب. اکسپرت سؤزوگئدن پلانین کئچمیش آدمینیستراسییالار دؤورونده حاضیرلاندیغینی دئییب:

«آمریکاین ایرانلا باغلی پلانی پنتاگونون کئچمیش پلانینین مودیفیکاسییا اولونموش واریانتی‌دیر. آنجاق بئله بیر پلانین مؤوجودلوغو اونون تئزلیکله رئاللاشاجاغی آنلامینا گلمیر. چونکی حاضیرکی سیاسی سببلر آمریکانین ایرانا ضربه‌لر ائندیرمه‌سی اوچون یئترلی دئییل. دیگر طرفدن آبمریکا متفیقلرینین پلانا فردی یاناشماسی دا اونون گئرچکلشمه‌سینه ایمکان وئرمیر. آمریکا ایندی ساده‌جه اولاراق همین پلان اوزرینده یئنی رئال‌لیقلارلا باغلی کورکته‌لر آپاریر. عمومیتله، نینکی آمریکا، بوتون اؤلکه‌لرین مدافعه ناظرلیکلری و باش قرارگاهلاری اؤز رگیونلارین‌دا حربی عملیاتلارا دایر پلانلار حاضیرلاییرلار. بو دا حربی-سیاسی وضعیت قاریشان زامان سؤزوگئدن پلانلارین اوپراتیو شکیل‌ده حیاتا کئچمه‌سینه ایمکان یارادیر».

پولیتولوق سؤزوگئدن پلانین نه زامانسا گئرچکلشجیینی استثنا ائتمه‌ییب:

«ایرانین نووه پروگرامینی رئاللاش‌دیرماسی و خصوصیله ده تاکتیکی «شهاب» راکتلرینین یئنی مودیفیکاسییا اولونموش فورمالارینی ایجاد ائتمه‌سی ایله باغلی اینفورماسییالار یاییلارسا، آمریکاین سؤزوگئدن پلانی ایشه دوشه‌جک. بو زامان آمریکا متفیقلرینین رئاکسییاسینی گؤزله‌مه‌یه‌جک و ایرانا بیرمعنالی ضربه‌لر ائندیره‌جک».

قید ائدک کی، «وول ایستریت ژورنال» قزئتی بولتونون پنتاقونا ایرانا ضربه ائندیریلمه‌سی واریانتلارینین گؤزدن کئچیرمه‌سینی تکلیف ائتمه‌سی حاقین‌دا معلومات یاییب. معلوماتا گؤره، بولتون بو ضربه‌نین آمریکانین بغدادداکی سفیرلیینه مینااتانلارلا هوجوما جاواب اولاراق ائندیریلمه‌سینی ایسته‌ییب.

تاریخ
2019.01.14 / 21:41
مولف
Axar.az
شرح لر
دیگر خبرلر

پاکیستان‌دا ناظرلیکلرین بیناسی ساتیشا چیخاریلیر

گوگل رکورد مبلغ‌ده جریمه‌لندی

ایران سانکسییالارینا گؤره عراقا وئریلن مدت ۳ آی اوزادیلدی

آمریکا طیاره‌سی روسییانین بازاسینا یاخینلاشدی

اردبیل‌ده خسته خانا ایشچیلری نووروزو خسته‌لرله قید ائتدی -فوتو

تورکییه‌ده زلزله باش وئردی

آمریکا-تورکییه بحرانینین نتیجه‌سی آغیر اولاجاق - اکسپئرت

ایران‌دا نووروز شنلیکلری فاجعه‌یه چئوریلدی: اؤلنلر وار

ایران‌دا طیاره یاندی: ۵۰ سرنیشین... - فوتو

ب ام ت لیوان اوردوسونون گوجله‌نمه‌سی اوچون حرکته کئچدی

خبر خطّی
 
Axar.az'da reklam Bağla
Reklam
Bize yazin Bağla