Axar.az
یوخاری


چاووش اوغلودان ترامپا جواب: تویتینی نیه آتدیغینی بیلیریک!

آنا صحیفه پلانت
12 Punto 14 Punto 16 Punto 18 Punto

ایستراتژی متفیقلر تویتر، سوسیال شبکه‌لر واسطه‌سیله دانیشمازلار.

Axar.az خبر وئریر کی، بونو ژورنالیستلره آچیقلاماسیندا تورکییه خاریجی ایشلر ناظری مؤولود چاووش اوغلو دئییب.

«جناب ترامپ پرزیدنتیمیزه ایکی دفعه زنگ ائد‌رک، سورییادان چیخماق ایستدیکلرینی دئدی. ایکی گون اول پومپئو ایله گؤروشدوک، بولتون اؤلکه‌میزه سفر ائتدی. بیزه وئریله‌ن سندلره قارشیلیق اولاراق بیزیم ده جوابیمیز آمریکایا گؤندریلیر. ۳۰ کیلومترلیک تهلوکه‌سیزلیک بؤلگه‌سی یارادیلماسی آمریکانین فیکری دئییل. بو، پرزیدنتیمیزین روسییا دا داخیل اولماقلا، بوتون آوروپالیلارا تکلیفی‌دیر. هر گؤروشده بونو گونده‌مه گتیرمیشیک. اوباما رهبرلیگی بو تکلیفی رئال قبول ائتمیردی. بهانه‌لر گتیره‌رک، فیکریمیزی دستکله‌مه‌دیلر. ایندی تورکییه‌نین قطعیتینی گؤروب، بو فیکری یئنی‌دن اورتایا آتیبلار.

بیزیم دردیمیز ندیر؟ سورییانی بؤلمک ایسته‌یه‌ن ترور تشکیلاتی وار. بیز بو ترور تشکیلاتینی هدفه گؤتوروروک. ترامپا دفعه‌لرله بیان ائتمیشیک کی، کوردلرین دوشمنی دئییلیک. کوردلری ان چوخ مدافعه ائد‌ن اؤلکه بیز اولموشوق. کورد قارداشلاریمیزین حاقلارینی بوندان سونرا دا مدافعه ائتمه‌یه داوام ائدجییک»، – دئیه او بیلدیریب.

چاووش اوغلو ترامپا قارشی تضییقلری تورکییه‌نین آنلادیغینی دئییب:

«ترامپین دوشدویو سیتواسییانین چتینلیینی بیلیریک. اونا قارشی تضییقلر وار. تهلوکه‌سیزلیکله باغلی بؤلمه‌لری آمریکانین سورییادان چیخماماسی اوچون تضییقلر ائدیرلر. سون تویتین داخیلی سیاسته عایید اولدوغونو بیلیریک. اونون ایستیفاده ائتدیی تهدید دیلینه گلینجه ایسه بیز هئچ بیر تهدیددن قورخموروک. بونو دفعه‌لرله بیان ائتمیشیک. تورکییه‌نی اقتصادی باخیم‌دان تهدید ائد‌رک نسه الده ائتمک مومکون دئییل».

تاریخ
2019.01.14 / 22:19
مولف
Axar.az
شرح لر
دیگر خبرلر

اردوغان موسکوایا نه واخت گئدیر؟ – تاریخ آچیقلاندی

افغانیستان‌دا پارتلاییش: قوبئرناتور یارالاندی

بو تورک اؤلکه‌سینین ده پایتاختینین آدی دییش‌دیریله بیلر

چین دونیایا آچیلمالیدیر، عکس تقدیرده... - تیم کوک

آمریکا و چینه مقاومت گؤسترمیین واختی چاتیب - ماکرون

آوروپادا ایسلامچی تروریزم حؤکمرانلیق ائدیر - ۱۸ ایلین حساباتی

دونیانین بونا جدی احتیاجی وار - یالچین توپچو

توکایئو تصدیقلدی: آستانا "نورسولطان" اولدو

هوک: «ایران گمیلری حرکت ائد‌ن تهلوکدیرلر»

ایرانا محصول ساتان ایش آدامی آمریکادا حبس اولوندو

خبر خطّی
 
Axar.az'da reklam Bağla
Reklam
Bize yazin Bağla