لیوان رسمیلری ایرانین خاریجی ایشلر ناظری محمد جواد ظریفین ایرانین بو اؤلکه‌یه حربی یاردیم گؤسترمه‌یه حاضر اولدوغو باره‌ده تکلیفینه مثبت یاناشماییبلار.

Axar.az خبر وئریر کی، ظریف بئیروت هاوا لیمانین‌دا لیوان دؤولتینین راضی اولاجاغی تقدیرده، اؤلکه‌سینین بو اؤلکه ایله بوتون ساحه‌لرده امکداشلیق ائتمه‌یه، ائل‌جه ده لیوانا حربی تجهیزاتلار و هاوا هوجوموندان مدافعه سیستملری وئرمه‌یه حاضر اولدوغونو دئییب. ایران خاریجی ایشلر ناظیرینین رهبری لیوانا سفرینین مقصدینین لیوان دؤولتی و خالقی ایله «همرای‌لیک نوماییش ائتدیرمک» و اؤلکه‌سینین رسمی بیروتلا بوتون ساحه‌لرده امکداشلیق ائتمه‌یه حاضر اولدوغونو بیان ائتمک اوچون باش توتدوغونو بیلدیریب.

بونون عکسینه اولاراق، دوبایدا دؤولت باشچیلارینین گلوبال ساممیتینده ایشتیراک ائد‌ن لیوانین باش ناظری سعید حریری ایسه «العربیه» کانالی ایله مصاحیبه‌سی زامانی بیلدیریب کی، لیوان اوردوسونون آمریکا بیرلشمیش ایشتاتلاری و اونون متفیقلری ایله امکداشلیق ائتمک اوچون خصوصی پروقرامی وار. ایرانین لیوانی سلاحلاندیرماقلا باغلی دئدیکلری یالنیز سؤزدور، باشقا هئچ نه.