Axar.az
یوخاری
16 فئورال 2019


بوتؤو قیطعه محو ائدیله‌جک و... – روسییانین گیزلین هدفی معلوم اولدو

آنا صحیفه پلانت
12 Punto 14 Punto 16 Punto 18 Punto

روسییانین «پوسیدون» ایستراتژی پیلوتسوز سوآلتی آپاراتلارینین حقیقی هدفی ناتو-نون داغیدیلماسیندان عبارتدیر.

Axar.az خبر وئریر کی، بو حاق‌دا آمریکانین «بوساینس اینسیدر» نشرینه اکسپئرتلر بیلدیریبلر.

قید ائدیلیر کی، سوآلتی آپاراتلار بوتؤو قیطعه‌نی محو ائده بیلرلر. اکسپرتلرین فیکرینجه، بو آپاراتلار آمریکا طرفینی روسییانین تجاووزونه جواب وئرمک فیکریندن داشیندیراجاق.

قید ائدیلیر کی، آمریکا اؤز سولارینی «پوسیدون»لارین رادیاسییاسینا معروض قویماماغا قرار وئره‌جک و اؤزون‌دن «موسکوانین تضییقلرین‌دن» استونییانین مدافعه‌سینین مقصده اویغونلوغو حاقیندا سوروشاجق. اکسپرتلر گومان ائدیرلر کی، ناتو-یا عضو اؤلکه‌یه دستیین گؤستریلمه‌مه‌سی اتفاقین یوخ اولماسینا گتیریب چیخاراجاق.

قید ائدک کی، اولجه «ایستاتوس-۶» کیمی مشهور اولان «پوسیدون» پیلوتسوز سوآلتی آپاراتینین حاضرلاماسی حاقین‌دا معلومات ایلک دفعه ۲۰۱۵-جی ایلین نویابرین‌دا یاییلیب. روسییا پرزیدنتی ولادیمیر پوتین ۲۰۱۸-جی ایل مارتین ۱-ده فدراسییا شوراسینا ایللیک مراجعتین‌ده بئله سلاحین مؤوجودلوغونو رسما تصدیق ائدیب.

«پوسیدون»اون دقیق تاکتیک-تکنیکی خاراکتریستیکالاری رسما آچیق‌لانمیر. یالنیز معلومدور کی، نووه انرژیسی ایله تجهیز ائدیلمیش سوآلتی آپارات غیری-محدود مسافه‌ده درینلییه حرکت ائتمه‌یه قادیردیر، کوتلوی محوئدیجی سلاحدیر و رقیبین اقتصادی اوبیکتلرینین محو ائدیلمه‌سی اوچون نظرده توتولوب. «پوسیدون» نووه باشلیقلاری ایله تجهیز اولونا بیلر. معلوماتا اساساً، چوخ مقصدلی «پوسیدون» دنیز سیستمینین تورپدوسونا ماکسیمال گوجو تروتیل اکویوالنتین‌ده ایکی مگاتونا قدر اولان موختلیف نووه باشلیقلاری قوراشدیرماق اولور.

روسییانین مدافعه ناظیرلیین‌دن بیلدیریلیب کی، «پوسیدون» اوکیان سولارینین ایسته‌نیله‌ن ایستیقامتلرینده احتیمال ائدیلن رقیبین طیاره‌داشییان و گمی ضربه‌چی قروپلاری ایله موباریزه آپارماغا، قیطعه لرآراسی اوزاق‌لیقدا رقیبین ساحل اینفراستروکتورونون اوبیکتلرینی وورماغا ایمکان وئره‌جک.

بؤیوک بریتانییا ۲۰۱۸-جی ایلین آپرلین‌ده «ایستاتوس-۶»-نی «قیامت گونو»نون سلاحی آدلاندیردی. معلوماتا گؤره، بو سلاح ۳۰۰ فوت بؤیوکلویونده سونامی دالغالاری یارادا بیلر. بئله گوج ایسه بیر چوخ ایری آمریکا سحرلرینی سولار آلتین‌دا قویاراق خریطه‌دن سیلمه‌یه کیفایت ائدیر.

پیلوتسوز آپارات ساعت‌دا تخمیناً ۲۰۰ کیلومتردن چوخ حرکت ائده بیله‌جک.

تاریخ
2019.02.12 / 16:18
مولف
آیتاج آراز
شرح لر
دیگر خبرلر

خوزستان‌دا آوتوبوس قزاسی-اؤلن و یارالانانلار وار

ایران پاکیستانا خبردارلیق ائتدی

آوروپا بیرلیگی ایرانلا نووه سازیشینین ساخلانیلماسینا تاکید ائتدی

اف بی آینین امکداشی ایرانا قاچدی

آمریکا تورکییه‌نی تله‌یه سالماق ایسته‌دی - کوزنئتسوو

مسلمان اولدوغوموزا گؤره بیزی قبول ائتمیرلر - اردوغان

آمریکادان ونزوئلایا قارشی نؤوبتی حمله...

آمریکا مین حربچینی افغانیستان‌دان چیخاریر

«ایرانا چات‌دیریلان پوللار شر ایشلره صرف ائدیله‌جک»-پومپئو

ایران‌دا والنتین گونو محدودیتلره باخمایاراق قید ائدیلدی

خبر خطّی
 
Axar.az'da reklam Bağla
Reklam
Bize yazin Bağla