Axar.az
یوخاری
25 آپرئل 2019


ایران‌دا اینسان حقوقلاری جدی شکیل‌ده پوزولور-مقدم

آنا صحیفه پلانت
12 Punto 14 Punto 16 Punto 18 Punto

ایران اینسان حقوقلاری تشکیلاتی»نین صدری محمود امیری مقدم بیلدیریب کی، اینسان حقوقلارین بیاننامه‌سینین ایران طرفین‌دن پوزولمایان هئچ بیر ماده‌سی یوخدور و بو حال ۴۰ ایلدیر داوام ائدیر.

Axar.az خبر وئریر کی، مقدم ایران‌دا اینسان حقوقلارینین پوزولماسی حالی اینقیلاب‌دان سونرا شاهلیق دؤورون‌ده چالیشان رسمیلرین قیسا مدت عرضین‌ده وکیلله تعمین ائدیلمه‌دن یئنی قورولموش اینقیلاب محکمه‌لری طرفیندن اعدام اولونمالاری ایله باشلادیغینی بیلدیریب

محمود امیرینین سؤزلرینه گؤره، ایران محکمه سیستمی مؤوجود رژیمی قورویوب ساخلاماق اوچون تشکیل ائدیلمیش بیر سیاسی اینستیتوتدور. اینقیلابدان سونرا بو سیستمین اؤلکه‌ده عدالتی برقرار ائدجیی بیلدیریلسه ده، بو باش توتمادی. ایران آنا یاساسین‌دا محکمه سیستمینین موستقیل قوروم کیمی فعالیتی نظرده توتولسا دا، اونون باش‌چی‌سی «دینی لیدر» طرفین‌دن تعیین ائدیلیر. محکمه‌لرین فعالیتی شفاف دئییل و حاکملر رژیمه صداقتلرینه اساساً تعیین ائدیلیرلر.

«ایران اینسان حاقلاری تشکیلاتی»نین رهبری همچینین اینقیلابین ایلک گونلریندن دینی و میللی آزلیقلارین، ائلجه ده قادینلارین آیری- سئچکی‌لییه معروض قالدیقلارینی و بو حالین بو گونه قدر داوام ائتدیینی دئییب. بوندان علاوه، ایران فیکیر آزادلیغینا حؤرمتله یاناشمایان اساس اؤلکه‌لردن‌دیر. بونون نتیجه‌سینده ده سون ایللر ژورنالیستلر، وطنداش جمعیتی و وکیللره قارشی یورودوله‌ن رپرسیو سیاست هله ده اؤز شدتی ایله داوام ائتمکده‌دیر.

ایران‌دا اعداملارین سایینا دا توخونان محمود امیری بیلدیریب کی، محکمه سیستمینین فعالیتینین شفافلیق پرینسیپی اساسین‌دا قورولماماسی و چیخاریلان حکملرین مخفی ساخلانیلماسینا گؤره ایران‌دا ایجرا ائدیلمیش اعدام حؤکملرینین دقیق ایستاتیستیکاسینی سؤیله‌مک چتیندیر. بونونلا بئله، ایران سون ۴۰ ایل عرضین‌ده ان چوخ اعدام حکمو ایجرا ائتمیش اؤلکه‌لردن بیریدیر و سون ۱۰ ایل عرضینده اؤلکه‌ده آزی ۷ مین نفر بو جزایا محکوم ائدیلیب.

تاریخ
2019.02.12 / 22:00
مولف
آینورا مممدووا
شرح لر
دیگر خبرلر

روسییا شیرکتی نه قدر سلاح ساتدیغینی آچیقلادی

اوکراینا روس دیلین‌دن رسمه‌ن ایمتینا ائتدی - قانون

تئهران‌دا دینی مافییا رئژی‌می حؤکم سورور-هوک

ایران آمئریکا ایله محکوم موبادیله‌سینه حاضردیر -زریف

تورک دؤولتی روسییانین «ایشغال‌چی رمزی»نی قاداغان ائدیر

کامیاران شهرین‌ده کوردلرله قارشی‌دورمادا ۱ «سپاه»چی اؤلدورولدو

ج ح پ-چی بلدییه صدری: سورییالیلاری قوواجاغیق

تورکییه کوماندوسلارینی سرحده گؤندردی

سریلانکانین مدافعه ناظری ایستعفایا گئتدی

ناسا کوسموس‌دان اورمو گؤلونو چکدی - گؤل جانا گلیر -فوتو

خبر خطّی
 
Axar.az'da reklam Bağla
Reklam
Bize yazin Bağla