Axar.az
یوخاری


ایران هؤرموز بوغازینی باغلایا بیلر

آنا صحیفه پلانت
12 Punto 14 Punto 16 Punto 18 Punto

ایران میللی ماراقلارینی قوروماق مجبوریتینده قالاراق هؤرموز بوغازینی باغلایا بیلر.

Axar.az خبر وئریر کی، بو سؤزلری ایران ایسلام اینقیلابی کئشیکچیلری کورپوسونون آدمیرالی علیرضا تنسیرری دئییب. اونون سؤزلرینه گؤره فارس کؤرفزی و هؤرموز بوغازلاری ایرانین نظارتینده‌دیر.

ایران‌لی آدمیرالین بو سؤزلری بین الخالق مطبوعاتین گونده‌مینده‌دیر. بی بی سی-نین رئداکسییا مقاله‌سینده بیلدیریلیر کی، وضعیتین بو حده چاتماسی حربی قارشی‌دورما احتیمالینی آرتیریر. خاطیرلاداق کی، آمریکانین متفیقی اولان سعودییه عربیستانی ایله یاناشی، فارس کؤرفزی ساحلینده‌کی دیگر اؤلکه‌لر ده محض هؤرموز بوغازی واسطه‌سی ایله ایستحصال ائتدیکلری نفتی دونیا بازارینا چیخاریرلار.

قید ائدک کی، اؤت‌ن گون آمریکا آدمینیستراسییاسی ایرانلا امکداشلیغی داوام ائتدیرمک اوچون ۸ اؤلکه‌یه وئردیی ۱۸۰ گونلوک گذشت مدتینی اوزاتمایاجاغینی بیان ائدیب. بو اؤلکه‌لر چین، یونانیستان، هیندیستان، ایتالییا، یاپونییا، جنوبی کورئیا، تایوان و تورکییه‌دیر. آمریکا بو دؤولتلره مایین ۲-دک ایران‌دان نفت آلماغا ایجازه وئرمیشدی.

بو آرادا تورکییه‌نین خاریجی ایشلر ناظری مؤولود چاووشوغلو بیان ائدیب کی، رسمی آنکارا آمریکانین ایران‌دان نفت ایدخالینا گؤره بیر سیرا اؤلکه‌لره وئردیی محلتی اوزاتماماسینا منفی یاناشیر. اونون سؤزلرینه گؤره، محلتین باشا چاتماسی قراری رگیون‌دا سوله و ثابتلییه خیدمت ائتمیر، ایران خالقینا دا زیان ووراجاق.

یاپونییانین خاریجی ایشلر ناظرلیگی ایسه بیان ائدیب کی، محلتین داها دا اوزادیلماسی اوچون آمریکا ایله دانیشیقلار آپاراجاق.

آمریکاین قراری دونیا بازاریندا نفتین قیمتینه تأثیر گؤستریب. بو گون نیو-یورک و لوندان بیرژالارین‌دا نفتین ۱ بارلینین قیمتی ۲ دلارا یاخین یوکسلیب.

تاریخ
2019.04.23 / 14:05
مولف
آیتاج آراز
شرح لر
دیگر خبرلر

آجلیق آکسییاسی کئچیره‌ن حکیمه احمدینین صحتین‌ده پروبلم یاراندی

اورمو گؤلونو بو یوللا خلاص ائتمک مومکون‌دور...

ایران آمریکانین ایراده‌سینی سیناماغا چالیشمامالی‌دیر-جئرمی

اردوغان تورکدیل‌لی دؤولتلرین اینکیشافی ایله باغلی آچیقلاما وئردی

رسمی تهران آمریکا ایله دانیشیقلاردان ایمتینا ائتدی-روحانی

آوروپادان ایرانین اوران ایستحصالینی آرتیرماسینا رئاکسییا

ایران حاضر اولاندا زنگ ائد‌جک - ترامپ

آمریکانین ایرانا قارشی گؤندردیی دونانمانین گؤرونتولری - فوتو

روحانی ترامپین دیالوق تکلیفینه جاواب وئردی

ایران آشاغی فایزلی اوران ایستحصالینی ۴ دفعه آرتیردیغینی بیان ائتدی

خبر خطّی
 
Axar.az'da reklam Bağla
Reklam
Bize yazin Bağla