Axar.az
یوخاری
25 اییون 2019


پنتاگون‌دان ایرانا قارشی محاربه پلانی: ۱۲۰ مین حرب‌چی...

آنا صحیفه پلانت
12 Punto 14 Punto 16 Punto 18 Punto

پنتاگون ایرانین اؤز نووه فعالیتینی سورعتلندیرجیی و یا آمریکا حربچیلرینه هوجوم ائدجیی تقدیرده یاخین شرقه ۱۲۰ مین عسگر گؤندرمکله باغلی پلان حاضرلاییب.

آخار. آذ خبر وئریر کی، بو حاق‌دا یئنی پلانلا تانیش اولان آمریکا مأمورلارا ایستینادا «نیویورک تایمز» قزئتی یازیب.

اؤلکه‌نین میللی تهلوکه‌سیزلیگی اوچون مسئولیت داشییان مأمورلارین سؤزلرینه گؤره، آمریکانین مدافعه ناظری وظیفه‌لرینی ایجرا ائد‌ن پاتریک شاناخان مایین ۹-دا آمریکا پرزیدنتی دونالد ترامپین میللی تهلوکه‌سیزلیک اوزره اساس کؤمکچیلرینین گؤروشونده پلانی تقدیم ائدیب. یئنی پلان پرزیدنتین میللی تهلوکه‌سیزلیک مسئله‌لری اوزره مصلحت‌چی‌سی جون بولتونون تضییقی آلتین‌دا حاضیرلانیب.

قزئتین معلوماتینا گؤره، پلان‌دا آچیق‌لانان حربی قوللوقچولارین سایی گؤروشده اولانلاردان بیر چوخونو شوکا سالیب، چونکی ۲۰۰۳-جو ایلده عراقا موداخیله‌ده تخمیناً بو قدر آمریکا حربچی‌سی ایشتیراک ائدیردی.

یئنیلنمیش پلان ایرانا قارشی قورو عملیاتینی نظرده توتمور، بو حال‌دا اولدوقجا چوخ حربچی لازیم اولاردی.

قید ائدک کی، آمریکا داها اول ایران طرفین‌دن تهلوکه‌نین کسکین آرتدیغینی اعلان ائد‌رک رگیونا طیاره‌داشییان قروپلاشمانی و ایستراتژی بومباردمان‌چیلاری گؤندریب.

تاریخ
2019.05.14 / 11:33
مولف
آیتاج آراز
شرح لر
دیگر خبرلر

امام اوغلونون غلبه‌سینه آمریکادان رئاکسییا

آمریکا ایله ایران آراسین‌داکی مسئله نین یئگانه یولو... - لاوروو

ترامپ‌دان شوک قرار: خامنه ای هدف‌ده...

ایران‌دا آغیر قزا - ۴ نفر اؤلدو

ایران‌دا سپاه-لا ترورچولار آراسین‌دا آتیشما باش وئردی

«آمریکا عسگرلرینین حیاتینی قوروماق ایستییرسه…- غلامعلی رشید

تهران آمریکانین پیلوتسوز آپاراتلارینی وورماغا حاضردیر

ایران آمریکانین کیبئر هوجوملارینین قارشی‌سینی آلدیغینی بیلدیردی

ایران‌دا ۱۹۰ تن نارکوتیک واسطه مصادیره ائدیلدی

ایرانا قارشی تضییقلری گوجلندیرجییک - آمریکا

خبر خطّی
 
Axar.az'da reklam Bağla
Reklam
Bize yazin Bağla