Axar.az
یوخاری


«نسیمی»نین فاطماسی: «سحره کیمی آغلادیم و...» - موصاحیبه

آنا صحیفه رپورتاژ
12 Punto 14 Punto 16 Punto 18 Punto

آذربایجانین کینو آکتری‌ساسی، "نسیمی" فیلمین‌ده فضلوللاه نعیمینین قیزی فاطما اوبرازینین ایفاچی‌سی، امکدار آرتیست خالیده قولیئوانین مصاحیبه‌سینی تقدیم ائدیریک:

سیزی بیر چوخ اینسان محض "نسیمی" فیلمینین فاطماسی کیمی خاطیرلاییر. فاطمانین بو قدر سئویلمه‌سینین سببی نه ایدی؟ سناری، یوخسا اؤزونوزو بو اوبرازدا تاپماغینیز سیزه اونو سئودیردی؟

- بو فیلم‌ده تکجه فاطما سئویلمه‌دی. "نسیمی" فیلمی منیم، راسیم بالایئوین و بیر چوخ آکتیورلارین خالق طرفین‌دن سئویلمه‌سینه سبب اولدو. عادته‌ن فیلملر عنعنوی سونلوقلا بیتیر، یعنی باش قهرمان غالیب گلیب اؤز آمالینا چاتیر. لاکین "نسیمی" فیلمی اونونلا فرقله‌نیردی کی، باش قهرمان اؤز ایدئیاسی اوغروندا شهید اولوردو. طبیعی کی، "نسیمی" فیزیکی اولاراق شهید اولسا دا، روحه‌ن قالیب گلیردی. نسیمینین شهید اولماسی بو فیلمین سئویلمه‌سینین اساس سببلرین‌دن بیری‌دیر. خالق اونا گؤره قهرمانینی سئویر کی، قهرمانین نه ائده بیلجیینی و نیه قادیر اولدوغونو دویور و گؤرور. نسیمی ده محض دوغرو بیلدیی ایدئیاسی، آمالی اوغرون‌دا جانین‌دان کئچ‌دی. فاطمانین دا سئویلمیینین اساس سببلرین‌دن بیری، منیم اوینادیغیم فاطما اوبرازینی سئومییم اولموش‌دو.

- خالق آرتیستی، کینورژیسور حسن سئییدبیلینین آکتیورلا اولان ایشی باره‌سین‌ده نه دئیه بیلرسینیز؟

- حسن معلمین یارادیجی‌لیغی حاقین‌دا دانیشماق اوچون بیزه علاوه بیر زامان لازیم‌دیر. اونون یارادیجیلیغینین آذربایجان کینو صنعتینه نلر گتیردیی اؤزو بؤیوک بیر مؤوضوعدور. قیسا اولاراق جواب وئره‌جه‌یه‌م: حسن سئییدبی‌لی آذربایجان کینوسونا ان بؤیوک دیر اولان حیات گتیردی. همچینین، حیات حقیقتینی گتیردی. "نسیمی" فیلمینین چکلیشلرین‌دن اؤنجه بیز ۲-۳ آی کینو اتفاقین‌دا بو فیلمی مشق ائتدیک. خیردالیقلارینا قدر هر شئی اؤلچولوب-بیچیلیردی. حسن معلمین آکتیورلاردان اساس طلبی ساده‌لیک، صمیمیت و طبیعی ایفا طرزی ایدی. بیزدن حیاتا چوخ یاخین ایفا طرزی طلب ائدیردی. محض بیز ده بونون شاهیدی اولوردوق کی، بوتون تاریخی فیلملرده آکتیورلار طبیعی ایفا طرزی اویناییرلارسا، یعنی پافوسلا اوینامیرلارسا، او فیلم همیشه ایناندیریجی اولور و اوغور قازانیر. تاماشاچی دا، او فیلمی هر زامان سئوه‌رک ایزلییر. حسن سئییدبی‌لی رژیسور ایشینه همیشه چوخ جدی یاناشیردی. "نسیمی" فیلمینین چکلیشینه چوخ بؤیوک بودجه آیریلدیغی اوچون هم دؤولت، هم ده سیفاریش‌چیلر طرفین‌دن نظارت جدی ایدی. چکلیشلر زامانی فیلمه عایدیاتی اولمایان هئچ بیر حال اولمادی. فیلمین چکلیشی نئجه دوشونولموش‌دوسه، ائله ده اولدو. مشق اسناسین‌دا آرتیق فیلمی چکمیش کیمی ایدیک، ساده‌جه اونو لنته کؤچورمک قالمیشدی. اونا گؤره ده ایشیمیز چوخ آسان اولدو.

- "نسیمی" فیلمینین نوماییشین‌دن سونرا ایزلییجیلرده سیزه قارشی هانسی موناسیبتی حس ائتدینیز؟ یاخینلاشیب سیزه فیکیر بیلدیره‌نلر چوخ اولوردو؟

- همین دؤورده آذربایجان‌دا چکیله‌ن دیگر فیلملردن فرق‌لی اولاراق، "نسیمی"نین نوماییشی چوخ گنیش میقیاس‌لی اولدو. یعنی آذربایجانین سرحدلرین‌دن اوزاق‌دا - اورتا آسییادا، سورییادا، عراق‌دا، هیندیستان‌دا، همچینین بوتون اس اس ار ای مکانین‌دا، ایران‌دا فیلمین نوماییشلری کئچیریلدی. "نسیمی" فیلمی او زامان موسکوادا کئچیریله‌ن بین الخالق فیلم فئستیوالین‌دا نوماییش اولوندو و بئله‌لیکله بیز ده محشورلاشماغا باشلادیق. راسیم بالایئوی، خالی‌ده قولیئوانی تانیمایان هر کس فیلمین نوماییشلرین‌دن سونرا بیزی تانیماغا باشلادی. حتی یاخینلاشیب بیزدن آوتوگراف آلان، شکیل چکدیره‌ن و فیکیر بیلدیره‌نلر ده اولوردو. سئویندیریجی حال بوراسین‌دادیر کی، "نسیمی" فیلمینه قارشی اولان همه‌ن موناسیبت و محبت بو گون ده یاشاماق‌دادیر. هر فیلمین قیسمتین‌ده اولمور کی، بو قدر سئویلسین. "نسیمی" فیلمی بو سیرادا بیرینجی یئرده‌دیر.

- بو ایل آذربایجان پرزیدنتین سرانجامی ایله اؤلکه‌میزده "نسیمی ایلی" اعلان اولون‌دو. نسیمی دئدیکده ایلک عقلا نسیمی پویزییاسی گلسه ده، داها سونرا "نسیمی" فیلمی یادا دوشور. فیلمین چکیملری حاقین‌دا نه دئیه بیلرسینیز؟ چکیلیش‌دن ان یاددا قالان مقاملار هان‌سیلار اولدو؟

- بو ایلین "نسیمی ایلی" اعلان اولونماسین‌دان چوخ شادام. نسیمی دئدیک‌ده بؤیوک شاعر، آذربایجان پوئزییاسینین روحو و جسارت سیموولو یادا دوشور. البته کی، "نسیمی" فیلمی نسیمینین کئشمکئش‌لی حیاتینی عیانی و پراکتیکی صورت‌ده خالقیمیزا چاتدیردی. همچینین، خالقیمیزا نسیمینی بو فیلمین فونون‌دا یئنی‌دن سئودیردی. فیلمین چکیلیشی حاقین‌دا ساعتلارلا دانیشماق اولار. فیلمده زامانین روحونو، پوئتیکاسینی یاراتماق اوچون بیر نئچه قورولوش‌چو رسام چالیشیردی. تصوور ائدین کی، اوچ دقیقه‌لیک چکیلیش‌دن اؤترو، اوچ آی حاضرلیق گئدیردی. تئیمورلنگین گلیشی صحنه‌سی جنگی‌ده چکیلیب. سحر تئزدن ۳۰-۵۰ آوتوبوس کینوستودییانین قارشی‌سینا ییغیلدی. یوزلرله اینسان آوتوبوسلاردا ایلشدیلر. بونلارین هامی‌سینا پالتار گئییندیریلمیش، خنجر وئریلمیشدی. بیز جنگییه یولا دوشدوک، هر ۱۰۰ نفره ۲-۳ آسیستنت نظارت ائدیردی. چکیلیشه باشلایان‌دا معلوم اولدو کی، تیمورلنگین پاپاغی کینوستودییادا قالیب. بئله بیر پروبلئم اولدو. مینلرله اینسان ساعتلارلا تیمورلنگین پاپاغینین گلمه‌سینی گؤزله‌دی. پاپاق گلدیکدن سونرا ایسه هاوا توتول‌دو و یاغیش یاغماغا باشلادی. یاغیش باشلادیقدا ایسه وئرتالیوتدان چکیلیش مومکون اولمادی. داغین باشیندان چکمه‌یه باشلادیلار، او زامان دا معلوم اولدو کی، کیمسه چکیلیش زامانی سهوه‌ن باشینا چتیر توتوب. بو زامان دا کادر کئیفیتسیز اولدو. بئله حاللار هر بیر چکیلیشده اولور. "نسیمی" فیل‌می سؤزون اصل معناسین‌دا چوخ بؤیوک زحمت نتیجه‌سینده چکیلدی. چتین‌لیکلرله دولو اولان بو کوتلوی صحنه ایسه فیلم‌ده جمعی اوچ دقیقه گئتدی. ناخچیوان‌داکی الینجه قالاسین‌دا چکیلیش اولان‌دا، واقونلارلا پال-پالتار و آت باکی‌دان آپاریلمیشدی. بو ایش حقیقتا بؤیوک بیر افسانه ایدی. بو گون اوچون ایسه بئله بیر فیلم چکه بیلریکمی؟

بو سوال آلتین‌دادیر. "نسیمی" یئگانه آذربایجان فیلمی‌دیر کی، بو قدر آغیر اذیت و زحمت حسابینا باشا گلدی.

- بس "نسیمی" فیلمینین چکیلیشلری زامانی صرف سیزینله باغلی ان یادداقالان مقاملار، پروبلئملر نلر اولدو؟ چکیلیش زامانی هر هان‌سی ائکسترئمال بیر وضعیتله قارشیلاشدینیز؟

- او زامان منیم چوخ اوزون ساچلاریم و قالین هؤروکلریم وار ایدی. فیلم‌ده ایسه فاطمانین ساچی قیسا اولمالیی‌دی. چکیلیشه حاضرلیق زامانی گریم‌چی وولودیا و حسن معلم گریم اوتاغینا داخیل اولدولار. وولودیا تکلیف ائتدی کی، ساچلاریم کسیلسین، بو زامان اوزومده دهشتلی بیر ایفاده یاراندی، چونکی من ساچلاریمی چوخ سئویردیم. حسن معلم دئدی کی، خالیدنین ساچلاری کسیلمه‌سین، چالیشین پاریکین آلتین‌دا گیزلدین.

نؤوبتی بیر پروبلئم اوندان عبارت اولدو کی، قوبوستان‌دا چکیلیشده موریدلرله آتام نعیمینی آختاران‌دا اونلارا سرعتیم چاتمادی. ریتمده چاتماق چوخ چتین اولدو و بو زامان منی کاسکادیورلار عوض ائتدیلر. بو حال، یعنی فیزیکی جهت‌دن ضعیف اولماغیم، منه چوخ پیس تأثیر ائتمیشدی. آوتوبوسا گلدیکده، خئیلی آغلامیشدیم. "نسیمی" تاریخی موتیولر اساسین‌دا، موختلیف اراضیلرده چکیله‌ن فیلم اولدوغو اوچون چکیلیش زامانی اکسترمال وضعیتلرله قارشیلاشماغیمیز دا گؤزله‌نیله‌ن ایدی. فیلم‌ده نیمینین اعدامی زامانی چکیله‌ن ائپیزوددا منی اونون یانینا گئتمه‌یه قویموردولار. من تپه‌نین اوستونه دیرماشاندا، الیمه ایستی نه ایسه دیدی. ائله بیلدیم کی، تورپاق یاش‌دیر و الی‌می آچیب توللادیم. چکیلیش‌دن سونرا هامی یاخینلاشیب الی‌می یوخلایاراق سوروش‌دولار کی، خالیده یاخشی‌سان؟ دئدیم بلی، نه اولوب کی؟ دئدیلر الینله توللادیغین عقرب ایدی. چکیلیش زامانی قارشیلاشدیغیمیز پروبلملردن بیری ده، گون وورمالار ایدی. ایستی آیلاردا قالین لیباسلارین ایچینده دورماق آکتیورلارا هئچ ده آسان اولموردو. چکیلیش آراسی فاصیله‌لرده بیزه ایستی آیرانلار ایچیریردیلر. خصوصیله ناخچیوان‌دا چکیلیش زامانی یئرلی اهالی بیزه خئیلی کؤمک ائتمیشدی. بیزه سو، سامووار چایی و یوخا گتیریب پایلاییردیلار. عمومیتله ایسه چکیلیشلرده خالقیمیزدان خئیلی دستک گؤردوک و نتیجه‌سی ده اوغورلو اولدو.

تاریخ
2019.02.10 / 20:44
مولف
Axar.az
شرح لر
دیگر خبرلر

پرزیدنتین آچیلیشینی ائتدیی زاوودون رهبری نلر وعد ائتدی؟

قاراباغ محاربه‌سین‌ده ایکی دفعه ایشغال ائدیله‌ن کند - رئپورتاژ

ایران‌دا تلفنونوزدا متن یازیسی گؤرسه‌نیز... - رپورتاژ

"قهرمانلاری ایکراه دوغوراجاق قدر آلچاق‌دیر..." - میرزه جلیل نیهیلیست‌دیر؟

بابک نئجه مغلوب ائدیلدی؟ - ان مخفی فاکت

تورک-سلاویان اؤلکه‌لری ایتیفاقی یارانا بیلر – موصاحیبه

آد گونو: چکیرسن؟ دایان گؤدکجه‌می چیخاردیم... - ویدئو

حروفیلر شاه ایسماییلی نیه ترک ائتدیلر؟ – عالیم

شاه ایسماییل ایران حکمداری کیمی تقدیم اولونسون... - موصاحیبه

قاضیپور: بیز ۴۰ میلیونوق، حاقیمیزی آلاجاغیق

خبر خطّی
 
Axar.az'da reklam Bağla
Reklam
Bize yazin Bağla