Axar.az
یوخاری


بئیینی قوجالانا قدر جاوان ساخلاماق اوچون نه ائتمه‌لی؟

آنا صحیفه ساغلیق
12 Punto 14 Punto 16 Punto 18 Punto

مشهور روس عالیم، پسیخیاتر، نئوروپاتولوق، فیزیولوق، پسیخولوق آکادئمیک م. بئختئرئو بوتون حیاتینی بئیینین فعالیتینین اؤیرنیلمه‌سینه حصر ائدیب.

عالیم ثبوت ائدیردی کی، اینسانلارین یالنیز ۲۰%-ده بئیین قوجالانا قدر اؤز فونکسییالارینی ایتیرمیر. اینسانلارین اکثر حیصه‌سینده ایسه بئیین‌ده بو و یا دیگر فورمادا و آغیرلیق سوییه‌سین‌ده پوزولمالار اینکیشاف ائدیر. بس بو ۲۰%-ا دوشمک اوچون نه ائتمک لازیم‌دیر؟

آکادئمیک V.M.Bexterev

بئختئرئو بئیینی قوجالانا قدر ایشلک وضعیت‌ده ساخلاماق اوچون ۵ چوخ ساده قایدایا عمل ائتمیی توصیه ائدیردی:

۱. بئیینی مشق ائتدیرین!

کیتاب اوخوماق، یئنی دیللری اؤیره‌نمک، شکیل چکمک، ریاضیاتلا مشغول اولماق بئیینین ساغلام‌لیغی و جاوان‌لیغینی تعمین ائد‌ن مشقلردیر. بونلار بئیینی تونوس‌دا ساخلاییر.

۲. هر گون آچیق هاوادا گزین!

بو بئیینین قان دؤورانینی یاخشیلاشدیریر. بئختئرئو اؤز پاسیئنتلرینه موشاهیده ائد‌ن‌ده فیکیر وئریب کی، ۲ هفته عرضین‌ده هر گون آچیق هاوادا گزه‌ن اینسانلاردا بئیینین فعالیتی یاخشیلاشیر.

۳. تئز-تئز اوشاقلارلا اونسیتده اولون!

بئختئرئوین فیکرینه گؤره، بئیین اوچون ان یاخشی مشق اوشاقلارلا اونسیت‌ده اولماقدیر. اوشاقلار اؤز گؤزلنیلمز سواللارلا بؤیوکلرین بئینینی فعال شکیل‌ده ایشله‌مه‌یه، داها چوخ فیکیرلشمه‌یه وادار ائدیر.

۴. دینجلین!

فاصیله‌سیز ایشله‌یه‌ن بئیین تئز یورولور و قوجالیر.

۵. هر یاشادیغینیز گونه سئوینین، داها چوخ گولون!

بئختئرئو بئله حساب ائدیردی کی، گولوش سینیر سیستئمینین ان یاخشی ایستیمولیاتورودور.

یئری گلمیشکن بئختئرئوین اؤزو ۷۰ یاشین‌دا زهرله‌نمه نتیجه‌سین‌ده (بعضی معلوماتلارا گؤره اونو قصداً زهرله‌ییبلر) وفات ائدیب و سون گونونه قدر آکتیو علمی فعالیتله مشغول اولور، آراشدیرمالار آپاریردی.

تاریخ
2019.04.21 / 18:00
مولف
Axar.az
شرح لر
دیگر خبرلر

دیشلری محکم له‌دن ۷ ارزاق

اردبیل‌لی ۳ سویداشیمیزین اورگانلاری احتیاجی اولان خسته‌لره باغیشلاندی

اوروج توتان‌دا حال‌سیز اولماماق اوچون بونلاری ائدین

معده خرچنگین‌دن قورتولماغین یولو - شرطلر

حامیله‌لیک‌ده اوشاقلارینیزین عقل‌لی اولماسی اوچون بو محصولو یئیین!

آری سانجماسی هانسی فسادلارا سبب اولور؟

چیللردن ائو شرایطینده قورتولماغین یوللاری

اوروجلوق زامانی بده‌نینیزده نه باش وئریر؟

قوخولار حاقین‌دا اینانیلماز فاکتلار - پروفسور آچیقلادی

ایران خرچنگه قارشی درمانلارین ایستحصالینا باشلادی

خبر خطّی
 
Axar.az'da reklam Bağla
Reklam
Bize yazin Bağla