Axar.az
یوخاری


پاشینیان ۷ رایونو قایتارمیرسا، بیز نه ائتملیگیک؟ – سابیق ناظر

آنا صحیفه سیاست
12 Punto 14 Punto 16 Punto 18 Punto

ارمنی طرفینین مؤوقعی دانیشیقلار یولو ایله تورپاقلارین آزاد اولونماسینا هئچ بیر اومید یاراتمیر.

Axar.az خبر وئریر کی، بو سؤزلری سابیق خاریجی ایشلر ناظری، پولیتولوق توفیق زولفوقاروو آچیقلاماسین‌دا بیلدیریب. کئچمیش ناظر حساب ائدیر کی، ایندیکی دورومدا رسمی باکی روسییا ایله دانیشمالیدیر:

«دانیشیقلار اولمایان یئرده طبیعی کی، گوج یولو و محاربه مسئله‌سی گونده‌مه گلیر. بونونلا علاقدار اولاراق ایلک نؤوبه‌ده روسییا ایله جدی دانیشیقلار اولمالیدیر، تخمیناً بو مؤوضوعلار اطرافین‌دا: سیز بیان ائتمیسینیز و سندلر وار کی، ارمنیستان سیزین طرفداشدیر و اونا دستک وئرجکسینیز. اما اورادا بیان اولونوب کی، سیز بو اؤلکه‌نی خاریجی تهلوکه‌لردن قورویاجاقسینیز. سیز اونو دا بیان ائتمیسینیز کی، ارمنیستان-آذربایجان مناقیشه‌سی صولح یولو ایله حل اولونسون و اوراداکی ارمنی اهالینین ایستاتوسو بو و یا دیگر شکیلده معینلشسین. لاکین پاشینیان حاکمیته گلندن سونرا بیان ائدیب کی، داغلیق قاراباغین اطرافین‌داکی رایونلار و اورادا ائتنیک تمیزله‌مه‌یه معروض قالان اراضیلر ایندی بیرمعنالی شکیل‌ده یا ارمنیستانا، یا دا قوندارما قوروما »بیرلشدیریلیب"، بو اراضیلرین آزاد اولونماسی مومکون دئییل. یعنی بیز بو ایستیقامت‌ده دانیشیقلار آپارمایاق. ایندی بیز سیزدن سوروشماق ایستییریک، سیز حربی قوه‌لرینیزله ارمنیلرین گون-گون‌دن بؤیویه‌ن و آرتان آمبیسییاسینین آرخاسیندا دایاناجاقسینیز، یا یوخ؟ بو سوالا روسییانین جوابین‌دان سونرا بو و یا دیگر آددیملار آتیلمالیدیر".

ت.زولفوقاروو بیلدیریب کی، پاشینیان، یا سرکیسیانین شوشایا گلیب-گلمه‌مه‌سیندن داها جدی مسئله وار:

«اورادا ارمنیستانین ایشغال‌چی اوردوسو وار. آذربایجانین اراضی بوتؤولویو و سوورنلیینین بوندان آرتیق کوبود پوزونتوسو حالی باش وئره بیلمز. آذربایجان وطنداشلارینین ائتنیک تمیزله‌نمه‌سی سیاستی حیاتا کئچیریلیب. ارمنیلرین هئچ واخت یاشامادیغی رایونلاردا بئله، توتال ائتنیک تمیزله‌مه‌لر آپاریلیب. دیگر مسئله‌لر ایشغالچینین آنکسییا سیاستینین داوامیدیر. اونا گؤره یوخاریدا دئدییم مسئله‌لرله باغلی سواللارا جدی شکیل‌ده جواب وئریلمه‌لیدیر. روسییادان سوروشمالیییق: اگر سیز ارمنیستانین آنکسییا سیاستینی دستکلییرسینیزسه، اوندا واسطه‌چی اولا بیلمزسینیز. سیز اونو دستکلییرسینیزسه و اونون حربی قارانتی اولورسونوسا، اوندا بیز اؤز ایشیمیزی بیلک. یعنی کیمینله‌سه دوستلوق ائدک، کیمینله‌سه متفیق اولاق. بو، آرتیق بیزیم ایشیمیزدیر. بیز آرتیق بیلملیگیک کی، بیزیم قارشیمیزدا تکجه ارمنی عسگری یوخ، هم ده روس عسگری دایانیر. اگر بئله‌دیرسه، اوندا بیز بونا اویغون اولاراق، روسییایا قارشی اؤز سیاستیمیزی آپارمالیییق. هر حال‌دا، بو، منطیقی آددیمدیر. روسییا دئییر تورپاقلار آزاد اولونمالیدیر. اما ارمنیستان دئییر، آزاد ائتمیرم. اوندا بو وضعیتده بیز نه ائتملیگیک؟ روسییا اؤزو چچنیستان‌دا گوج تطبیق ائتدی. یاخود فرانسا اؤز قوشونلارینی مالی‌ده یئرلشدیریب. اگر هر شئی دانیشیقلارلا حل اولونسایدی، اوندا سیز نیه گوج تطبیق ائدیردینیز؟ سیز ده ایللردیر دئییرسینیز گؤزلیین، ارمنیلر عقلا گله‌جک. آخی عقلا گلمیرلر، تورپاقلاریمیزی آزاد ائتمیرلر. آچیق شکیل‌ده دئییرلر کی، بیز تورپاقلاری آزاد ائد‌ن دئییلیک. آزاد ائتمیرلرسه، اوندا دانیشیقلار نیین اطرافین‌دا گئده‌جک؟»

تاریخ
2019.05.08 / 09:39
مولف
Axar.az
شرح لر
دیگر خبرلر

«سورییا درین‌لیگی»نه دوشن آمریکا-ایران قارشی‌دورماسی

۷۵ ایلدیر بیتمه‌یه‌ن سورگون: فاجعه نئجه باشلادی؟ - ایلگینج

پوتینین ایرانی شوکا سالان مئساژی: آمریکا ضربه ائندیرسه...

سنساسیون ادعا: ایران آمریکایا نووه ضربه‌سی ائندیره بیلر

ایران‌دا گنجلیک یاشینین ۲۹-دان ۳۵-ا قالدیریلماسینین سببلری

آمریکا-ایران محاربه‌سی مومکون‌دورمو؟ -سابیق سفیر افشار سلیمانی

پوتینین «یانغین سؤن‌دوره‌ن» سؤزو ندن خبر وئریر؟

آمریکا و ایسرایل ایرانلا محاربه‌یه قرار وئردی

خاریجی ایشیر ناظیرلیییندن بریتانییایا جواب: تعجب دوغورور...

باکی‌دان ایروانا شرط: یالنیز بون‌دان سونرا...

خبر خطّی
 
Axar.az'da reklam Bağla
Reklam
Bize yazin Bağla