Axar.az
یوخاری


ایران-آمریکا گرگینلیگی: "ماشانی بیرینجی کیم باساجاق" سوالی...

آنا صحیفه سیاست
12 Punto 14 Punto 16 Punto 18 Punto

آمریکا و ایران آراسینداکی گرگینلیک محاربه ریسکینی گئت-گئده آرتیریر. بیرلشمیش ایشتاتلار جنوب قونشوموزو اقتصادی جهت‌دن چؤکدورمک اوچون جهدلرینی داوام ائتدیریر. لاکین رسمی تهران دا دینج دایانمیر، «عضله نوماییش» ائتدیریر. آرتیق مومکون محاربه احتیماللارین‌دان هر ایکی طرف سؤز آچماغا باشلاییب.

«ایران اوردوسو و ایرانین دستکلدیی قوه‌لر یاخین شرق‌ده آمریکا اوردوسونا قارشی هوجوما حاضیرلاشیر».

Axar.az خبر وئریر کی، بو باره‌ده آمئریکا مرکزی قوه‌لر کوماندانلیغی و آمریکانین آوروپاداکی کوماندانلیغی بیانات یاییب.

«آبراهام لینکولن» طیاره‌داشییان گمیسینین بؤلگه‌یه آمریکا مدافعه ناظرینین صلاحیتلرینین موقتی ایجراچیسی پاتریک شاناهانین ایجازه‌سی ایله گؤندریلدیینی دئیه‌ن پولکوونیک بیلل اوربان ایراندان جدی هوجوم تهدیدلرینین اولدوغونو وورغولاییب. قید ائدیلیر کی، سؤزوگئدن معلومات آمریکایا ایسرایلین کشفیات خیدمتیندن اؤتورولوب.

بوندان علاوه، ایرانین عالی میللی تهلوکه‌سیزلیک شوراسی هرطرفلی بیرگه فعالیت پلانینین عضولرینه بیانات عنوانلاییب. بیاناتدا دئییلیر کی، ایران مایین ۸-دن اعتباراً نووه سازیشیده‌کی بعضی آددیملارینی دایاندیراجاق. علاوه اولونور کی، ایران حاضیرکی مرحله‌ده آرتیق زنگینلشدیریلمیش اورانین و آغیر سو احتیاطلارینین ساخلانیلماسینا دایر محدودیتلره عؤهده‌لیکلی اولمایاجاق. ایرانین عالی میللی تهلوکه‌سیزلیک شوراسی قالان اؤلکه‌لره نووه سازیشینده‌کی، خصوصیله ده بانک و نفت سکتورلاریندا اؤز عهده‌لیکلرینی یئرینه یئتیرمک اوچون ۶۰ گون واخت وئریر.

اکسپرتلر ایران گئری چکیلمیه جه یی تقدیرده یاخین گله‌جک‌ده محاربه واریانتینی مومکون ساییرلار. گئدن موذاکیره‌لرده آذربایجانین دا آدی کئچیر. بو دا سببسیز دئییل. چونکی ایران بیزه هم سرحد اؤلکه‌دیر.

بین الخالق علاقه‌لر اوزره اکسپرت ائلشن مصطافایئو محاربه‌نین باش وئرجه یینه اینانمیر: «آمئریکا-ایران موناسیبتلری سون واختلار آرتان خط اوزره گرگینلشسه ده، بونون محاربه حدینه چاتاجاغینا یاخین گله‌جک اوچون امین دئییلم. حاضیرکی سیتواسییا بؤلگه‌ده ایندییه قدر بیر نئچه دفعه باش وئریب. ایرانین تهدیدلرینی ده گؤرموشوک، آمئریکانین بؤلگه‌یه حربی کونتینگنت ییغماغینین دا شاهیدی اولموشوق. اما هر دفعه هر ایکی طرف داها دا ایر‌لی گئتمک‌دن چکینیب. بوتون بونلارا رغمن، دونیادا ان بؤیوک محاربه ریسکی اولان اؤلکه بو گون ایران حساب اولونور. اورتادا اولان آغیر سانکسییالار، قارشیلیقلی اتهاملار و تهدیدلر ایران مسئله‌سینده آمئریکانین گئری دورماق ایسته یینین اولمادیغینی گؤستریر. عینی زاماندا ماکسیموم شکیلده سلاحلاردان ایستیفاده اولونماسی دا آرزو ائدیله‌ن دئییل. ان آزین‌دان آمئریکا عراق‌دا اولدوغو کیمی، بیرلشمیش میلتلر تشکیلاتی سانکسییاسی اولمادان تک باشینا محاربه‌یه باشلاماق مسئولیتینین آلتینا گیرمک ایستمیر. مسئله اوندان گئتمیر کی، موتتفیقلرسیز هانسیسا اوغور قازانا بیلمز. اما بو دفعه بین الخالق کونونسییالار، قرارلار چرچیوه‌سینده بو آددیمی آتماق ایستیر. یوخ، اگر محاربه ایستیقامتینده کیچیک ده اولسا آددیم ایران طرفین‌دن آتیلارسا، آمئریکا بوندان درحال ایستیفاده ائد‌جک، دیگر بؤیوک دؤولتلری ده اطرافیندا جملشدیره‌جک. نتیجه اعتباریله بوتون گوجو ایله ایرانلا باغلی مسئله نی بیردفعه‌لیک چؤزه‌جک. بو حال‌دا نه روسییا، نه چین، نه ده دیگر دؤولتلر هم ایکی طرفلی، هم ده بیرلشمیش میتلر تشکیلاتی چرچیوه‌سینده بیر سؤز دئیه بیلمه‌یه‌جکلر. اونا گؤره ده ایرانین هانسیسا عملیاتلارا باشلایاجاغی پرسپکتیوینه اینانمیرام. ایرانین نووه سازیشینده‌کی بعضی موددهالاردان گئری چکیله جه یی، آمریکایا اولتیماتوملار وئرمه‌سی ایله باغلی یاییلان معلوماتلارا گلینجه ایسه، بو آددیمی آتاجاغینا اینانیرام. حساب ائدیرم کی، بو، سانکسییالاردان اذیت چکن بیر دؤولت طرفیندن ائدیله‌ن بلئف‌دیر. اما فیکیر وئرین، صحبت بعضی مدعالاردان گئدیر.

یعنی بوتونلوکده نووه باشلیغی یاراداجاق، حتی اورانین زنگینلشدیریلمه‌سی مسئله‌سیندن صحبت گئتمیر. ایران سانکسییالار ایچینده بوغولدوغوندان آمریکایا مئساژ وئرمک ایستییر کی، اگر بئله داوام ائدرسه، گله‌جکده اورانین زنگینلشدیریلمه‌سی ایله باغلی بوتون دانیشیقلاردان ایمتینا ائد‌جه‌یم. یئری گلمیشکن، اوباما زامانیندا آمریکا و ایران آراسیندا دانیشیقلارلا باغلی سازیش وار ایدی و بوندان سونرا بیر چوخ سانکسییالار آرادان گؤتورولموشدو. ترامپ حاکمیته گلدیکدن سونرا بو سازیش‌دن بیرطرفلی قایدادا چیخیب. اصلینده بو آددیمدان سونرا ایرانین نووه سازیشی ایله باغلی آددیملار آتاجاغی گؤزلنیلیردی. اما حساب ائدیرم کی، ایسته‌نیلن حالدا گئدیشاتدا باسقی آلتیندا اولان ایران اولدوغوندان پرئسسینقلرین تأثیریندن عصبی آددیملار آتا بیلر کی، نتیجه‌سی اؤزو اوچون یاخشی اولماز. ائدیله‌جک سهولر آمئریکایا و غربه گله‌جک آددیملارینا حاق قازاندیرماق اوچون بؤیوک ایمکانلار یارادا بیلر. دوشونورم کی، اللرینده جدی اساس و سبب اولمادان رگیوندا آمئریکانین موداخیله‌سی، محاربه‌یه باشلاماسی اولمایاجاق. یوخ، بئله بیر سببی ایران یارادارسا، او زامان رگیوندا نؤوبتی قاینار اوجاغین یارانماسی قاچیلماز اولاجاق. بئله بیر حالین ایسه قونشو دؤولتلره، خصوصاً ده آذربایجانا تاثیرلرینین اولاجاغی شوبهه‌سیزدیر. آنجاق دوشونمورم کی، محاربه اولاجاغی حالدا آمریکا آذربایجانی پروسئسلره جلب ائتمک ایسته‌سین. یعنی صحبت بیزیم اراضیلردن ایستیفاده اولونماسیندان، لجستیک دستک ایستنیلمه‌سیندن گئدیر».

اکسپرت ایرانلا باغلی مؤوجود وضعیتین آذربایجانا تأثیرلری باره‌ده ده دانیشدی: «بیزیم اوچون جنوب قونشوموزون اراضیسینده فسادلارین بیزه ده توخوناجاغی سببین‌دن چاخناشمالار آرزوولونان دئییل. اما بو اولاجاقسا، حادثه‌لردن ماکسیموم کناردا دورماق، اولاجاقلاردان سیغورتالانماق ان دوغرو آددیم‌دیر. بیز ائله ده بؤیوک دؤولت دئییلیک کی، بئله حاللاردا واسطه‌چیلیک ائدک، گؤستریش وئرک و س. ان اساسی، حادثه‌لرین باش وئره جه یی حال‌دا سرحدلریمیز داخیلینده تهلوکسیزلییمیزی تامین ائتمکدیر. اما دئدییم کیمی، بو گون هله بئله بیر پرسپکتیوین اولاجاغینا، یعنی ایرانین اؤزو اوچون محو ائدیجی سهولر بوراخاجاغینا اینامیم آزدیر».

تاریخ
2019.05.09 / 19:27
مولف
Axar.az
شرح لر
دیگر خبرلر

«سورییا درین‌لیگی»نه دوشن آمریکا-ایران قارشی‌دورماسی

۷۵ ایلدیر بیتمه‌یه‌ن سورگون: فاجعه نئجه باشلادی؟ - ایلگینج

پوتینین ایرانی شوکا سالان مئساژی: آمریکا ضربه ائندیرسه...

سنساسیون ادعا: ایران آمریکایا نووه ضربه‌سی ائندیره بیلر

ایران‌دا گنجلیک یاشینین ۲۹-دان ۳۵-ا قالدیریلماسینین سببلری

آمریکا-ایران محاربه‌سی مومکون‌دورمو؟ -سابیق سفیر افشار سلیمانی

پوتینین «یانغین سؤن‌دوره‌ن» سؤزو ندن خبر وئریر؟

آمریکا و ایسرایل ایرانلا محاربه‌یه قرار وئردی

خاریجی ایشیر ناظیرلیییندن بریتانییایا جواب: تعجب دوغورور...

باکی‌دان ایروانا شرط: یالنیز بون‌دان سونرا...

خبر خطّی
 
Axar.az'da reklam Bağla
Reklam
Bize yazin Bağla