Axar.az
یوخاری


آمریکا سانک‌سییالاری ایرانین آرماتور ایدخالینا نئجه تأثیر ائد‌جک؟

آنا صحیفه سیاست
12 Punto 14 Punto 16 Punto 18 Punto

خبر وئردییمیز کیمی، آبش ایرانین مئتاللورگییا صنایع‌سینه سانکسییا تطبیق ائتمه‌یه باشلاییب. آغ ائوین بونونلا باغلی یایدیغی آچیقلامادا بیلدیریلیر کی، سانکسییالار ایرانین نفتدن کنار ان بؤیوک گلیر منبع‌لرین‌دن بیری ساییلان مئتاللورگییا صنایع‌سینه اینوستیسییا قویان، یاخود ایراندا ایستحصال اولونان مئتاللورگییا محصوللارینی آلان شیرکتلره شامیل اولوناجاق.

آمریکا پرزیدنتی دونالد ترامپین ایمضالادیغی امرله باغلی کنگرسه گؤندردیی ایضاهحات مکتوبون‌دا قید اولونور کی، قرار ایرانین نووه سلاحی الده ائتمک یؤنون‌ده فعالیتلرینی مالییه منبع‌لرین‌دن محروم ائتمه‌یه یؤنلیب.

سانکسییالار ایران متاللورگییا سکتورون‌دا ایشله‌یه‌ن، یاخود بوراداکی شیرکتلرین سهملرینه و دیگر قیمت‌لی کاغیذلارینا مالیک اولان فیزیکی و حقوقی شخصلره شامیل ائدیله‌جک. ترامپین امری متاللورگییا سکتورو اوزره ایران‌دان اهمیت‌لی حجم‌ده محصول و خیدمت آلانلارا قارشی یؤنلیب. داها دقیقی، ایران‌دا دمیر، آلومینیوم، پولاد و میس حاصیلاتین‌دا، داشینماسین‌دا، ساتیشین‌دا و نقلین‌ده ایشتیراک‌چی اولان بوتون فیزیکی و حقوقی شخصلر آمریکانین قارا سیاهی‌سینا داخیل ائدیله‌جکلر. همچینین بو شخصلره هر هان‌سی حقوقی، اقتصادی و مادی یاردیم ائد‌نلر ده جزالاندیریلاجاقلار.

آمریکا مالییه ناظرلیگی بیلدیریب کی، ایران مئتاللورگییا صنایع‌سین‌ده چالیشان حقوقی و فیزیکی شخصلره سانکسییا رژیمینه اویغونلاشماق اوچون ۹۰ گون واخت وئریلیر.

قید ائدک کی، ایران مئتاللورگییا صنایع‌سینین اینکیشافینا ۴۰ ایل اولدن باشلاسا دا، بو ساحه‌ده یالنیز سون ۵ ایلده بؤیوک ناعیلیتلر الده اولونوب. بئله کی، ایرانین ایخراج گلیرلرینین ۱۰ فایزی بو ساحه‌نین پایلینا دوشور. بو اؤلکه دونیا اوزره فایدالی قازینتی احتیاطلارینا گؤره ایلک ۱۵-لیه داخیل‌دیر - احتیاطلارینین حجمی ۸۰۰ میلیارد دلاردان یوخاری قیمتلندیریلیر. سون ایللرده ایران پولاد، دمیر، آلومینیوم و میس معمولاتلارینین ایستحصالی و ایخراجی ساحه‌سین‌ده بؤیوک ناعیلیتلر الده ائدیب.

اساس مئتاللورگییا موسسه‌لری اصفهان، رشت و یزد اطرافین‌دا یئرلشیر.

آذربایجان ایران‌دان پولاد، دمیر و آلومینیوم معمولاتلاری ایدخال ائدیر. اؤتن ایل ایران‌دان آرماتور ایدخالی اطرافین‌دا بؤیوک قالماقال دا یارانمیشدی. بئله کی، ایلین ۹ آیین‌دا ایران‌دان ۱۲۰ مین تون آرماتورون ایدخال اولونماسی آذربایجان‌داکی ایستحصالچیلاری ناراضی سالمیشدی.اونلارین مراجعتی اساسین‌دا ایران‌دان ایدخال اولونان آرماتورون گمروک روسومونا جلب اولونان دیری بیر تون اوچون ۲۰۰ دلاردان ۵۰۰ دلارا قالدیریلیب. بونا باخمایاراق، ایدخال اوولکی حجم‌ده اولماسا دا، داوام ائتدیریلیر.

ایران‌دان آذربایجانا مئتاللورگییا معمولاتلاری ایدخال ائد‌ن صاحیبکارلارلا آپاردیغیمیز صحبت‌دن معلوم اولدو کی، ایش آداملاری آمریکا سانکسییالارینین ایدخالا هر هانسی تأثیرینی رئال سایمیرلار: «بو گون ایران‌دان مئتاللورگییا معمولاتلارینین ایدخالی ایله کیچیک و اورتا صاحیبکارلار مشغول اولور. بئله صاحیبکارلارین آمریکا ایله، یاخود آمریکا شیرکتلری ایله اقتصادی اینتقراسییاسی صیفیر سوییه‌ده‌دیر. بو باخیم‌دان، سانکسییالارین ایدخالا هر هان‌سی تأثیری اولمایاجاق. اولا بیلسین کی، جزعی سایدا بؤیوک شیرکتلر ایراندان مال ایدخالینی دایاندیرماغا مجبور اولسون. اونلار اوچون آلترناتیو منبع تاپماق چتین اولمایاجاق - روسییا و اوکراینا کیمی بازارلار وار».

ساحه اوزره متخصصلرین فیکرینجه، آمریکا سانکسییالاری ایلک نؤوبه‌ده ایرانین متاللورگییا صنایع‌سین‌ده چالیشان آوروپا شیرکتلرینه ضرر ووراجاق: «ایران سون ایللرده اؤزونون مئتاللورگییا صنایعسینه آوروپا شیرکتلرینی و تکنولوگییالارینی جلب ائتمک اوچون بؤیوک ایشلر گؤرموشدو. دوزدور، آوروپا اؤلکه‌لری بمت طرفیندن دستکله‌نمه‌یه‌ن آمریکا سانکسییالارینا اعتراضلارینی بیلدیریبلر. اما تجروبه گؤستریر کی، هله‌لیک بئله اعتراضلار افکتیو آددیملارلا تاماملانمیر. بو باخیمدان، مئتاللورگییا سئکتورون‌داکی حاصیلات‌چی شیرکتلرین سکتورو ترک ائدجیی داها گؤزله‌نیله‌ن‌دیر. بو ایسه ایرانین قاباقجیل تکنولوگییالاردان محروم اولماسینا گتیریب چیخاراجاق. یعنی اؤلکه‌نین حاصیلات، خام مال و یاریم فابریکات، حاضر محصول ایستحصالی ساحه‌لرین‌ده اینکیشاف تئزلیکله دایانا بیلر. سون ایللرده ایران مئتاللورگییا ساحه‌سین‌ده روسییا ایله یاخین‌دان امکداشلیق ائدیردی، بو باخیم‌دان، سانکسییالاردان ایری روسییا شیرکتلری ده ضرر چکه‌جکلر».

تاریخ
2019.05.11 / 15:02
مولف
Axar.az
شرح لر
دیگر خبرلر

«سورییا درین‌لیگی»نه دوشن آمریکا-ایران قارشی‌دورماسی

۷۵ ایلدیر بیتمه‌یه‌ن سورگون: فاجعه نئجه باشلادی؟ - ایلگینج

پوتینین ایرانی شوکا سالان مئساژی: آمریکا ضربه ائندیرسه...

سنساسیون ادعا: ایران آمریکایا نووه ضربه‌سی ائندیره بیلر

ایران‌دا گنجلیک یاشینین ۲۹-دان ۳۵-ا قالدیریلماسینین سببلری

آمریکا-ایران محاربه‌سی مومکون‌دورمو؟ -سابیق سفیر افشار سلیمانی

پوتینین «یانغین سؤن‌دوره‌ن» سؤزو ندن خبر وئریر؟

آمریکا و ایسرایل ایرانلا محاربه‌یه قرار وئردی

خاریجی ایشیر ناظیرلیییندن بریتانییایا جواب: تعجب دوغورور...

باکی‌دان ایروانا شرط: یالنیز بون‌دان سونرا...

خبر خطّی
 
Axar.az'da reklam Bağla
Reklam
Bize yazin Bağla